ଭୁବନେଶ୍ବର: ପ୍ରକାଶ ପାଇଛି ଓଡ଼ିଶା ୨୦୨୪ ଶୀତକାଳୀନ ହାତୀ ଗଣନା ରିପୋର୍ଟ । ରାଜ୍ୟରେ ୬ ମାସ ମଧ୍ୟରେ ହାତୀ ସଂଖ୍ୟା ମାତ୍ର ୫ଟି ବୃଦ୍ଧି ପାଇଛି । ରାଜ୍ୟର ୩୮ଟି ଡିଭିଜନରେ ଅଛନ୍ତି ୨୧୦୩ ହାତୀ । ଏପଟେ ରାଜ୍ୟରେ ୧୩ଟି ଡିଭିଜନରେ ହାତୀ ଶୂନ୍ୟ ଥିବା ନେଇ ରିପୋର୍ଟ ଆସିଛି । ନଭେମ୍ବର ୧୪ରୁ ୧୬ ପର୍ଯ୍ୟନ୍ତ ରାଜ୍ୟର ୨୮ଟି ଜିଲ୍ଲାର ୪୮ଟି ଜଙ୍ଗଲ ବିଭାଗରେ ୩ ଦିନିଆ ଜନଗଣନା କରାଯାଇଥିଲା ।
ବଢିଛନ୍ତି ମାତ୍ର ୫ ହାତୀ:
୧୩ ଡିଭିଜନରେ ହାତୀ ଶୂନ:
ରାଜ୍ୟରେ ଶେଷ ଥର ପାଇଁ ହାତୀ ଗଣନା ୨୦୨୪ ମେ' ମାସରେ କରାଯାଇଥିଲା । ଯେଉଁଠାରେ ୨୦୯୮ ହାତୀ ଦେଖିବାକୁ ମିଳିଥିଲା । ସେଥିରେ ୩୧୩ଟି ବୟସ୍କ ଟସ୍କର, ୧୩ ବୟସ୍କ ମଖନା, ୭୪୮ ବୟସ୍କ ମାଇହାତୀ, ୧୪୨ଟି ସବ-ଆଡଲ୍ଟ ଟସ୍କର, ୬ଟି ସବ-ଆଡଲ୍ଟ ମଖନା, ୨୮୨ଟି ସବ-ଆଡଲ୍ଟ ମାଇହାତୀ, ୨୦୯ଟି ଜୁଭେନାଇଲ ଏବଂ ୩୮୫ଟି ଛୁଆ ହାତୀ ଥିଲେ ।
କେଉଁ ସର୍କଲରେ କେତେ ହାତୀ
- ଅନୁଗୋଳ: ୬୮୦
- ବାରିପଦା: ୩୮୪
- ବ୍ରହ୍ମପୁର: ୧୭୨
- ଭବାନୀପାଟଣା: ୧୪୦
- ଭୁବନେଶ୍ବର: ୧୨୦
- ରାଉରକେଲା: ୪୬୧
- କୋରାପୁଟ:୧
- ସମ୍ବଲପୁର:୧୪୪
୫ଟି ଡିଭିଜନରେ ସର୍ବାଧିକ ହାତୀ ସଂଖ୍ୟା ରେକର୍ଡ:
- ଢେଙ୍କାନାଳ ଡିଭିଜନରେ ସର୍ବାଧିକ ୨୯୧ଟି ହାତୀ
- କେନ୍ଦୁଝର ଡିଭିଜନରେ ୧୬୦ଟି ହାତୀ
- ଆଠଗଡ଼ ଡିଭିଜନରେ ୧୨୪ଟି ହାତୀ
- ଦେଓଗଡ଼ ଡିଭିଜନରେ ୧୨୩ଟି ହାତୀ
- ଅନୁଗୋଳ ଡିଭିଜନରେ ୧୧୭ଟି ହାତୀ
୬ ମାସରେ ୪୮ଟି ହାତୀର ମୃତ୍ୟୁ:
ବନ୍ୟପ୍ରାଣୀ ପିସିସିଏଫ ସୁଶାନ୍ତ ନନ୍ଦ କହିଛନ୍ତି, "୬ ମାସ ଭିତରେ ଓଡ଼ିଶାରେ ମୃତ୍ୟୁବରଣ କରିଛନ୍ତି ୪୮ଟି ହାତୀ । ଶିକାରୀ ଗୁଳି, ଟ୍ରେନ୍ଲାଇନ୍, ବିଦ୍ୟୁତ୍ ଆଘାତ ଆଦିରେ ୪୮ଟି ହାତୀଙ୍କର ମୃତ୍ୟୁ ହୋଇଛି । ଶୀତ ଦିନିଆ ହାତୀ ଗଣନା ରିପୋର୍ଟରୁ ଏହି ତଥ୍ୟ ମିଳିଛି । ଏହି ୬ ମାସ ମଧ୍ୟରେ ରାଜ୍ୟରେ ମାତ୍ର ୫ଟି ହାତୀ ସଂଖ୍ୟା ବୃଦ୍ଧି ପାଇଛି ।"
୩ ଦିନିଆ ଶୀତକାଳୀନ ହାତୀ ଗଣନା:
୧୪ ନଭେମ୍ବରରୁ ଏହି ଗଣନା ଆରମ୍ଭ ହୋଇ ୧୬ ନଭେମ୍ବର ପର୍ଯ୍ୟନ୍ତ ଚାଲିଥିଲା । ୨୮ଟି ଜିଲ୍ଲାର ୪୮ଟି ବିଭାଗରେ ହାତୀ ଗଣନା କରାଯାଇଥିଲା । ହାତୀ ଗଣନାରେ ୬ ହଜାରରୁ ଅଧିକ ଫିଲ୍ଡ କର୍ମଚାରୀ, ଜୀବବିଜ୍ଞାନୀ, ହାତୀ ସ୍କ୍ବାର୍ଡ ବ୍ୟକ୍ତି ନିୟୋଜିତ ହୋଇଥିଲେ । ଏହା ବ୍ୟତୀତ ନିୟମିତ କ୍ଷେତ୍ର କର୍ମଚାରୀ, ବନ୍ୟଜନ୍ତୁ ଉତ୍ସାହୀ, ଏନଜିଓ, ଏକାଡେମିକ୍ ଇତ୍ୟାଦି ମଧ୍ୟ ଏହି ଜନଗଣନାରେ ଅଂଶଗ୍ରହଣ କରିଥିଲେ । ଏହି କ୍ଷେତ୍ର ଗଣନା ପାଇଁ ୫୦ରୁ ଅଧିକ ଡ୍ରୋନ୍ ମଧ୍ୟ ନିୟୋଜିତ କରାଯାଇଥିଲା ।
ଏହାମଧ୍ୟ ପଢ଼ନ୍ତୁ...ହାତୀ ମୃତ୍ୟୁ ନେଇ ସାଙ୍ଘାତିକ ତଥ୍ୟ; 5 ମାସରେ ମଲେଣି 40 ହାତୀ, ଶିକାର ପାଇଁ ବିଜୁଳି ସଂଯୋଗ କରୁଥିଲେ ସାବଧାନ ଏହାମଧ୍ୟ ପଢ଼ନ୍ତୁ...ଅନୁଗୋଳରେ ହାତୀ ଉପଦ୍ରବ, ଟେନସନରେ ଶାସକ ଓ ପ୍ରଶାସକ |
ହାତୀଙ୍କ ରାଜ୍ୟ ମଧ୍ୟରେ ରହିଛି ଚଳପ୍ରଚଳ:
ପିସିସିଏଫ ସୁଶାନ୍ତ ନନ୍ଦ କହିଛନ୍ତି, "ଓଡ଼ିଶାକୁ ରାଜ୍ୟ ବାହାରୁ ମଧ୍ୟ ଅନେକ ହାତୀଙ୍କର ଯିବାଆସିବା ଲାଗି ରହିଛି । ପଶ୍ଚିମବଙ୍ଗରୁ ଓଡ଼ିଶାକୁ ୮୦ଟି ହାତୀ ଆସିଥିବା ବେଳେ ଝାଡଖଣ୍ଡରୁ ୧୨୦ଟି, ଆନ୍ଧ୍ରରୁ ୪ଟି ହାତୀ ଓଡ଼ିଶା ଆସିଛନ୍ତି । ହାତୀ ଜନଗଣନାର ଉଦ୍ଦେଶ୍ୟ ଥିଲା ଶୀତ ଋତୁରେ ରାଜ୍ୟରେ ହାତୀ ସଂଖ୍ୟା ବିଷୟରେ ସୂଚନା ପାଇବା ଏବଂ ଆନ୍ତଃ ରାଜ୍ୟ ତଥା ଆନ୍ତଃ ବିଭାଗୀୟ ହାତୀ ଗତିବିଧିକୁ ଆକଳନ କରିବା ।"
୭ ବର୍ଷରେ ୬୩୪ ହାତୀ ମୃତ୍ୟୁ:
- ୨୦୧୭-୧୮: ୭୮ ହାତୀ ମୃତ
- ୨୦୧୮-୧୯: ୯୩ ହାତୀ ମୃତ
- ୨୦୧୯-୨୦: ୮୨ ହାତୀ ମୃତ
- ୨୦୨୦-୨୧: ୭୭ ହାତୀ ମୃତ
- ୨୦୨୧-୨୨: ୮୬ ହାତୀ ମୃତ
- ୨୦୨୨-୨୩: ୯୨ ହାତୀ ମୃତ
- ୨୦୨୩-୨୪: ୬୬ ହାତୀ ମୃତ
- ୨୦୨୪ରୁ ବର୍ତ୍ତମାନ ପର୍ଯ୍ୟନ୍ତ ୬୦ ହାତୀ ମୃତ
ଇଟିଭି ଭାରତ, ଭୁବନେଶ୍ବର
