ନୂଆଦିଲ୍ଲୀ : ପ୍ୟାରିସ୍ ଅଲିମ୍ପିକ୍ସ 2024ରେ ଭାରତ 6ଟି ପଦକ ଜିତିଛି । ହେଲେ ପଦକ ବିଜେତା ମାନଙ୍କଠାରୁ ବେଶୀ ଚର୍ଚ୍ଚାରେ ଅଛନ୍ତି ପଦକ ନପାଇ ଫେରିଥିବା ଷ୍ଟାର ରେସଲର ଭିନେଶ ଫୋଗାଟ । ପ୍ରଥମ ଭାରତୀୟ ମହିଳା ରେସଲର ଭାବେ ଫାଇନାଲରେ ପ୍ରବେଶ କରି ଇତିହାସ ରଚିଥିଲେ ଭିନେଶ । ହେଲେ କେବଳ 100 ଗ୍ରାମ ଅଧିକ ଓଜନ କାରଣରୁ ତାଙ୍କୁ ଫାଇନାଲରୁ ଅଯୋଗ୍ୟ ଘୋଷଣା କରାଯାଇଥିଲା । ତେବେ ଭାରତ ଫେରିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ସେ ଦିଲ୍ଲୀ ବିମାନବନ୍ଦରରୁ ହରିୟାଣାର ଚରଖୀ ଦାଦ୍ରି ଜିଲ୍ଲାସ୍ଥିତ ତାଙ୍କ ଗାଁ ବଲାଲି ପର୍ଯ୍ୟନ୍ତ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ଏହି ସ୍ବାଗତ ସମ୍ବର୍ଦ୍ଧନା ମଧ୍ୟରେ ତାଙ୍କୁ ଅନେକ ପୁରସ୍କାର ଦିଆଯାଇଥିଲା । ସ୍ବର୍ଣ୍ଣ ପଦକ ମଧ୍ୟ ମିଳିଥିଲା । ଏପରିକି ତାଙ୍କୁ 16 କୋଟି ଟଙ୍କା ପୁରସ୍କାର ରାଶି ମିଳିଥିବା ମଧ୍ୟ ଦାବି ହେଉଛି ।
Vinesh phogat gets gold medal in her village 🏆🏆🏆🏆#vineshphogat pic.twitter.com/sCBQoaZ7EV
— Bolly Gud News (@bollygudnews) August 18, 2024
Vinesh Phogat arrives at her native place, Village Ballali in Bhavani, to a hero’s welcome #VineshPhogat @mykhelcom pic.twitter.com/Uu21zP1KAg
— Avinash Sharma (@avinashrcsharma) August 17, 2024
ଭିନେଶଙ୍କୁ 16 କୋଟି ଟଙ୍କା ପୁରସ୍କାର ମିଳିଥିବା ଦାବି :-
ଶନିବାର ଦିନ ଭିନେଶଙ୍କୁ ଭବ୍ୟ ସ୍ବାଗତ ପରେ ରବିବାର ଦିନ ତାଙ୍କ ଗାଁ ବଲାଲିରେ ଭିନେଶଙ୍କ ସମ୍ମାନିତ କରିବା ପାଇଁ ଏକ ବିଶାଳ ସମାରୋହର ଆୟୋଜନ କରାଯାଇଥିଲା । ଯେଉଁଥିରେ ହଜାର ହଜାର ଲୋକ ସାମିଲ ହୋଇ ଭିନେଶଙ୍କୁ ପୁରସ୍କାର ପ୍ରଦାନ କରିଥିଲେ । ଏସବୁ ମଧ୍ୟରେ ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେବାରେ ଲାଗିଛି, ଯେଉଁଥିରେ ବିଭିନ୍ନ ସଂଗଠନ ଭିନେଶଙ୍କୁ ପୁରସ୍କାର ରାଶି ଦେବାକୁ ଦେଇଥିବା ଦାବି କରାଯାଇଛି । ଏହି ପୋଷ୍ଟ ଅନୁଯାୟୀ, ଅନ୍ତର୍ଜାତୀୟ ଜାଟ ମହାସଭା, ହରିୟାଣା ବାଣିଜ୍ୟ ସଂଗଠନ ଏବଂ ପଞ୍ଜାବ ଜାଟ ଆସୋସିଏସନ ଦ୍ବାରା ଭିନେଶଙ୍କୁ 2 କୋଟି ଟଙ୍କା ଲେଖାଏଁ ପୁରସ୍କାର ରାଶି ପ୍ରଦାନ କରାଯାଇଛି । ଏହି ପୋଷ୍ଟରେ କରାଯାଇଥିବା ଦାବି ଅନୁଯାୟୀ ଭିନେଶଙ୍କୁ ମୋଟ 16 କୋଟି 30 ଲକ୍ଷ ଟଙ୍କା ପୁରସ୍କାର ସ୍ବରୂପ ପ୍ରଦାନ କରାଯାଇଛି । ବର୍ତ୍ତମାନ ଭିନେଶଙ୍କ ସ୍ବାମୀ ସୋମବୀର ରାଠୀ ଏହି ଭାଇରାଲ ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି ଏବଂ ଏହି ପୋଷ୍ଟରେ ଦିଆଯାଇଥିବା ସମସ୍ତ ଦାବିକୁ ଖଣ୍ଡନ କରିଛନ୍ତି ।
निम्नलिखित संस्थाओं, व्यापारियों, कंपनियों और पार्टियों द्वारा विनेश फोगाट को कोई धनराशि प्राप्त नहीं हुई है. आप सभी हमारे शुभचिंतक लोग हैं, कृपया झूठी खबरें न फ़ैलाएँ. इससे हमारा नुक़सान तो होगा ही. सामाजिक मूल्यों का भी नुक़सान होगा.
— Somvir Rathee (@somvir_rathee) August 18, 2024
यह सस्ती लोकप्रियता पाने का साधन मात्र है. pic.twitter.com/ziUaA8ct1W
ଭିନେଶଙ୍କ ସ୍ବାମୀ ସୋମବୀର ରାଠୀ କହିଲେ ଏମିତି :-
ଭିନେଶଙ୍କ ସ୍ବାମୀ ସୋମବୀର ରାଠୀ ତାଙ୍କ 'X' ଆକାଉଣ୍ଟରେ ଏକ ପୋଷ୍ଟରେ ଲେଖିଛନ୍ତି, 'ନିମ୍ନଲିଖିତ ଅନୁଷ୍ଠାନ, ବ୍ୟବସାୟୀ, କମ୍ପାନୀ ଏବଂ ପାର୍ଟିରୁ କୌଣସି ଟଙ୍କା ଭିନେଶ ଫୋଗାଟ ପାଇନାହାଁନ୍ତି । ଆପଣ ସମସ୍ତେ ଆମର ଶୁଭେଚ୍ଛୁ, ଦୟାକରି ମିଥ୍ୟା ଖବର ପ୍ରସାର କରନ୍ତୁ ନାହିଁ । ଏହା ନିଶ୍ଚିତ ଭାବରେ ଆମ ପାଇଁ କ୍ଷତି ତ ପହଞ୍ଚାଇବ, ସାମାଜିକ ମୂଲ୍ୟବୋଧ ମଧ୍ୟ କ୍ଷତିଗ୍ରସ୍ତ ହେବ । ଏହା କେବଳ ଶସ୍ତା ଲୋକପ୍ରିୟତା ହାସଲ କରିବାର ଏକ ମାଧ୍ୟମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
