ନୂଆଦିଲ୍ଲୀ : 2024ରେ କ୍ରମାଗତ ଚର୍ଚ୍ଚାରେ ରହି ଆସିଛନ୍ତି ଭାରତୀୟ କ୍ରିକେଟ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ଦୀର୍ଘ ଦନର ଚର୍ଚ୍ଚା ପରେ ହାର୍ଦ୍ଦିକ ଓ ତାଙ୍କ ପୂର୍ବତନ ସ୍ତ୍ରୀ ତଥା ମଡେଲ ନତାଶା ଷ୍ଟାନକୋଭିକଙ୍କ ମଧ୍ୟରେ ଛାଡ଼ପତ୍ର ହୋଇଥିଲା । ଏହାପରେ ମାତ୍ର ଦେଢ଼ ମାସ ମଧ୍ୟରେ ହାର୍ଦ୍ଦିକଙ୍କ ନାଁ 3 ଅଭିନେତ୍ରୀଙ୍କ ସହିତ ଯୋଡ଼ି ହେଲାଣି । ଅନନ୍ତ ଅମ୍ବାନୀ ଓ ରାଧିକା ମର୍ଚାଣ୍ଟଙ୍କ ବିବାହ ସମୟରେ ଅନନ୍ୟା ପାଣ୍ଡେଙ୍କ ସହ ହାର୍ଦ୍ଦିକଙ୍କ ଆଫେୟାର ଚାଲିଥିବା ଖବର ଚର୍ଚ୍ଚା ହୋଇଥିଲା । କିଛିଦିନ ପୂର୍ବରୁ ବଲିଉଡ ଅଭିନେତ୍ରୀ ଜସ୍ମିନ ଡାଲିଆଙ୍କ ସହ ହାର୍ଦ୍ଦିକଙ୍କ ଡେଟିଂ ଚର୍ଚ୍ଚା ମଧ୍ୟ ହୋଇଥିଲା । ଆଉ ଏବେ ଅଭିନେତ୍ରୀ ଇଶିତା ରାଜ ଏକ ସାକ୍ଷାତକାରରେ ପାଣ୍ଡ୍ୟାଙ୍କୁ ତାଙ୍କ କ୍ରସ ବୋଲି କହିଛନ୍ତି । ଯାହାକୁ ନେଇ ନେଟିଜେନ୍ସ ସୋସିଆଲ ମିଡିଆରେ ବିଭିନ୍ନ ଗୁଜବ ସୃଷ୍ଟି କଲେଣି ।
Ishita Raj said about Hardik Pandya:- I follow him , I feel I love him , if india is somewhere in the middle then we have hardik there ,really like we have still hopes hardik is there , hardik gone a ball them out , hardik gone a beat them out . pic.twitter.com/Kx4zpPkZBl
— छवि🫶🏻 (@hardikxchhavi_) August 29, 2024
ପାଣ୍ଡ୍ୟାଙ୍କୁ ନେଇ କ'ଣ କହିଲେ ଇଶିତା ? :-
ଏକ ସାକ୍ଷାତକାରରେ ଇଶିତା କହିଛନ୍ତି, "ମୁଁ ପାଣ୍ଡ୍ୟାଙ୍କୁ ଫଲୋ କରେ । ବହୁତ ତାଙ୍କୁ ପସନ୍ଦ କରେ । ମୁଁ କ୍ରିକେଟ ଦେଖେ । ପାଣ୍ଡ୍ୟା ଜଣେ ଜବରଦସ୍ତ ଅଲରାଉଣ୍ଡର । ମୁଁ ତାଙ୍କୁ ବହୁତ ଭଲପାଏ । ଯଦି କୌଣସି ମ୍ୟାଚ୍ରେ ଭାରତ ସଙ୍କଟରେ ପଡ଼େ ଏବଂ କ୍ରିଜରେ ପାଣ୍ଡ୍ୟା ଥାଆନ୍ତି, ତେବେ ଗୋଟିଏ ଭରସା ଥାଏ ଯେ ହଁ ପାଣ୍ଡ୍ୟା ବୋଲିଂ ବା ବ୍ୟାଟିଂ କରି ପ୍ରତିପକ୍ଷଙ୍କୁ ହରାଇପାରିବେ । ସତ କହିବାକୁ ଗଲେ ସେ ମୋର ପ୍ରିୟ କ୍ରିକେଟରଙ୍କ ମଧ୍ୟରୁ ଜଣେ ।"
କିଏ ଇଶିତା ରାଜ ? :-
34 ବର୍ଷୀୟା ବଲିଉଡ ଅଭିନେତ୍ରୀ ଇଶିତା ରାଜ ଦିଲ୍ଲୀର ବାସିନ୍ଦା । ସେ ଗାର୍ଗୀ କଲେଜରୁ ସ୍ନାତକ ହାସଲ କରି ଇଂଲଣ୍ଡରେ ମଧ୍ୟ ପାଠ ପଢ଼ିଛନ୍ତି । 2011 ମସିହାରେ ଇଶିତା 'ପ୍ୟାର କା ପଞ୍ଚନାମା' ଚଳଚ୍ଚିତ୍ର ଜରିଆରେ ବଲିଉଡରେ ଡେବ୍ୟୁ କରିଥିଲେ । ଏହାପରେ ସେ 'ସୋନୁ କେ ଟିଟୁ କି ସ୍ବିଟି' ଭଳି ପ୍ରସିଦ୍ଧ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି । ବଲିଉଡରେ ଏବେ ପର୍ଯ୍ୟନ୍ତ 9ଟି ଫ୍ଲିମ କରି ସାରିଥିବା ଅଭିନେତ୍ରୀ ଇଶିତା ରାଜ 30 ବର୍ଷୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟାଙ୍କ ଠାରୁ ବୟସରେ 4 ବର୍ଷ ବଡ଼ ।
ବ୍ୟୁରୋ ରିପୋର୍ଟ, ଇଟିଭି ଭାରତ
