ପ୍ୟାରିସ (ଫ୍ରାନ୍ସ): ପ୍ୟାରିସ ଅଲିମ୍ପିକ୍ସ 2024ରେ ଭାରତର ଷ୍ଟାର ରେସଲର ଭିନେଶ ଫୋଗାଟ ମହିଳା 50 କିଲୋଗ୍ରାମ ଫ୍ରିଷ୍ଟାଇଲ ରେସଲିଂର ସେମିଫାଇନାଲରେ ପ୍ରବେଶ କରିଛନ୍ତି । କ୍ବାର୍ଟର ଫାଇନାଲରେ ଭିନେଶ ୟୁକ୍ରେନର ଅକ୍ସାନା ଲିଭାଚଙ୍କୁ 7-5ରେ ପରାସ୍ତ କରିଛନ୍ତି । ସବୁଠାରୁ ବଡ଼ କଥା ହେଉଛି ପ୍ରି-କ୍ବାର୍ଟର ଫାଇନାଲରେ ଭିନେଶ ଟୋକିଓ ଅଲିମ୍ପିକ୍ସ 2020ର ଚମ୍ପିଆନ ଜାପାନୀ କୁସ୍ତିଯୋଦ୍ଧା ୟୁଇ ସୁସାକିଙ୍କୁ ପରାସ୍ତ କରିଛନ୍ତି, ଯିଏକି ଆଜି ପର୍ଯ୍ୟନ୍ତ ଗୋଟିଏ ମଧ୍ୟ ଅନ୍ତର୍ଜାତୀୟ ମ୍ୟାଚ୍ ହାରିନଥିଲେ ।
One step away from an Olympic medal 🔥
— JioCinema (@JioCinema) August 6, 2024
Vinesh Poghat coasts to the semi-finals 🇮🇳 🎉#Cheer4Bharat & watch the her bout at 10:15 PM TODAY, LIVE on #Sports18 & stream FREE on #JioCinema📲#OlympicsonJioCinema #OlympicsonSports18 #JioCinemaSports #Wrestling #Olympics pic.twitter.com/VwajdglR7K
ସେମିଫାଇନାଲ୍ରେ ଭିନେଶ ଫୋଗାଟ :-
କ୍ବାର୍ଟର ଫାଇନାଲରେ ଭାରତୀୟ ରେସଲର ଭିନେଶ ଫୋଗାଟ ୟୁକ୍ରେନର ଅକ୍ସାନା ଲିଭାଚଙ୍କୁ 7-5ରେ ପରାସ୍ତ କରିଛନ୍ତି । ଏହି ବିଜୟ ସହିତ ଭିନେଶ ପ୍ୟାରିସ ଅଲିମ୍ପିକ୍ସର ସେମିଫାଇନାଲରେ ପ୍ରବେଶ କରିଛନ୍ତି । ଭାରତୀୟ ରେସଲର ସମ୍ପୂର୍ଣ୍ଣ ମ୍ୟାଚ୍ରେ ପ୍ରତିଦ୍ବନ୍ଦ୍ବୀଙ୍କ ଉପରେ ପ୍ରଭାବ ବିସ୍ତାର କରିଥିଲେ । ଭିନେଶ 2-0ର ଲିଡ୍ ନେଇ ଦମଦାର ଆରମ୍ଭ କରିଥିଲେ । ମଝିରେ ଯଦିଓ କିଛି ତ୍ରୁଟି କରିଥିଲେ, ହେଲେ ଭିନେଶ ପୂର୍ବତନ ବିଶ୍ବ ଚମ୍ପିଆନଙ୍କ ବିପକ୍ଷରେ ଚମତ୍କାର ପ୍ରଦର୍ଶନ କରିଥିଲେ ଏବଂ କ୍ୱାର୍ଟର ଫାଇନାଲ ଫାଇଟକୁ 7-5ରେ ଜିତି ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି ।
One takedown away from a 🎖️!
— JioCinema (@JioCinema) August 6, 2024
Watch Vinesh Phogat as she charges into the semi-finals at 10:15 PM TODAY! Watch LIVE on #Sports18 or stream FREE on #JioCinema 📲#OlympicsonJioCinema #OlympicsonSports18 #JioCinemaSports #Wrestling #Olympics pic.twitter.com/Dc6loa57v9
କେବେ ହାରିନଥିବା କୁସ୍ତିଯୋଦ୍ଧାଙ୍କୁ ଚଟାଇଲେ ଧୂଳି :-
ଭାରତୀୟ ରେସଲର ଭିନେଶ ଫୋଗାଟ ପ୍ରି-କ୍ବାର୍ଟର ଫାଇନାଲରେ ମଧ୍ୟ ଦମଦାର ପ୍ରଦର୍ଶନ କରିଥିଲେ । ଏଥିରେ ସେ ଜାପାନର ଟୋକିଓ 2020 ଚମ୍ପିଆନ ୟୁଇ ସୁସାକିଙ୍କୁ 3-2ରେ ପରାସ୍ତ କରିଥିଲେ । ଏହି ବିଜୟ ଭିନେଶଙ୍କ ପାଇଁ ସ୍ବତନ୍ତ୍ର ଥିଲା, କାରଣ ଜାପାନର ୟୁଇ ସୁସାକି କେବଳ ଯେ ବର୍ତ୍ତମାନର ଅଲିମ୍ପିକ୍ ଚମ୍ପିଆନ୍ ତାହା ନୁହେଁ, ବରଂ ସେ ଏହି ବର୍ଗରେ 3 ଥର ବିଶ୍ବ ଚମ୍ପିଆନ୍ ତଥା ବର୍ତ୍ତମାନର ଏସୀୟ ଚମ୍ପିଆନ୍ ମଧ୍ୟ ଅଟନ୍ତି । ସେ ଆଜି ପର୍ଯ୍ୟନ୍ତ କୌଣସି ଅନ୍ତର୍ଜାତୀୟ ମ୍ୟାଚ୍ ହାରିନଥିଲେ । ହେଲେ ଭାରତୀୟ କୁସ୍ତିଯୋଦ୍ଧା ଭିନେଶ ଫୋଗାଟ ତାଙ୍କୁ ଧୂଳି ଚଟାଇବାରେ ସକ୍ଷମ ହୋଇଛନ୍ତି ।
Vinesh will be in action in Semis at around 10:20 PM (IST) tonight.
— India_AllSports (@India_AllSports) August 6, 2024
She will take on Yusneylys Lopez of Cuba, who is reigning Pan American Games champion.
PS: Spread the word folks! #wrestling #Paris2024 #Paris2024withIAS https://t.co/0bHmef98fB
ମେଡାଲଠାରୁ ଗୋଟିଏ ବିଜୟ ଦୂରରେ ଭିନେଶ :-
ପ୍ୟାରିସ ଅଲିମ୍ପିକ୍ସରେ ପଦକ ଜିତିବା ପାଇଁ ଭାରତର 140 କୋଟି ଦେଶବାସୀଙ୍କ ସବୁଠାରୁ ବଡ ଆଶା, ଷ୍ଟାର ରେସଲର ଭିନେଶ ଫୋଗାଟ ବର୍ତ୍ତମାନ ପ୍ୟାରିସରେ ତୃତୀୟ ଅଲିମ୍ପିକ୍ସ ପଦକ ଜିତିବାଠାରୁ ମାତ୍ର ଗୋଟିଏ ବିଜୟ ଦୂରରେ ଅଛନ୍ତି । ଆଜି ରାତିରେ ଖେଳାଯିବାକୁ ଥିବା ସେମିଫାଇନାଲ ମ୍ୟାଚରେ ଯଦି ଭିନେଶ କ୍ୟୁବାର ୟୁସେଲିସ ଗୁଜମାନ ଲୋପେଜଙ୍କୁ ପରାସ୍ତ କରନ୍ତି, ତେବେ ସେ ଭାରତ ପାଇଁ ରୌପ୍ୟ ପଦକ ନିଶ୍ଚିତ କରିବେ ।
କେତେବେଳେ ଖେଳିବେ ମ୍ୟାଚ୍ :-
ମହିଳା 50 କିଲୋଗ୍ରାମ ଫ୍ରିଷ୍ଟାଇଲ୍ ରେସଲିଂ ବର୍ଗରେ ଭାରତର ଷ୍ଟାର ରେସଲର ଭିନେଶ ଫୋଗାଟଙ୍କ ସେମିଫାଇନାଲ ମ୍ୟାଚ୍ ଆଜି (ମଙ୍ଗଳବାର) ଭାରତୀୟ ସମୟ ରାତି 10:25ରେ ଖେଳାଯିବ । ଏହି ମ୍ୟାଚ୍ରେ ସେ ପାନ ଆମେରିକାନ ଗେମ୍ସର ବର୍ତ୍ତମାନର ଚମ୍ପିଆନ୍ କ୍ୟୁବାର ୟୁସେଲିସ୍ ଗୁଜମାନ ଲୋପେଜଙ୍କୁ ଭେଟିବେ ।
ବ୍ରିଜଭୂଷଣ ଶରଣ ସିଂହଙ୍କ ବିରୋଧରେ କରିଥିଲେ ପ୍ରଦର୍ଶନ :-
ପୂର୍ବତନ ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (WFI)ର ପୂର୍ବତନ ସଭାପତି ବ୍ରିଜଭୂଷଣ ଶରଣ ସିଂହଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣି ଭାରତୀୟ କୁସ୍ତିଯୋଦ୍ଧାମାନେ ଆନ୍ଦୋଳନକୁ ଓହ୍ଲାଇଥିଲେ । ଏହି କୁସ୍ତିଯୋଦ୍ଧାଙ୍କ ମଧ୍ୟରେ ଭିନେଶ ଫୋଗାଟ ମଧ୍ୟ ରହିଥିଲେ । ଏହି ଭାରତୀୟ କୁସ୍ତି ଖେଳାଳି ବର୍ତ୍ତମାନ ପ୍ୟାରିସ୍ ଅଲିମ୍ପିକ୍ସରେ ପଦକ ଜିତିବେ ବୋଲି 140 କୋଟି ଦେଶବାସୀ ଆଶା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
