ପ୍ୟାରିସ (ଫ୍ରାନ୍ସ): ଅଲିମ୍ପିକ୍ସରେ ପ୍ରଥମ ଗୋଲ୍ଡ ଜିତିଲେ ଭେଟେରାନ ଟେନିସ ଖେଳାଳି ନୋଭାକ ଜୋକୋଭିଚ । ଚଳିତ ପ୍ୟାରିସ ଅଲିମ୍ପିକ୍ସ 2024ରେ ପୁରୁଷ ଏକକ ଟେନିସ ଫାଇନାଲ ଇଭେଣ୍ଟରେ ଗୋଲ୍ଡ ଜିତି ରେକର୍ଡ କରିଛନ୍ତି । ସବୁଠୁ ବୟସ୍କ ଖେଳାଳି ଭାବେ ଟେନିସ ପୁରୁଷ ଏକକ ଫାଇନାଲରେ ଜିତିଲେ ଗୋଲ୍ଡ ପଦକ ।
Novak Djokovic. Olympic champion. 🥇
— The Olympic Games (@Olympics) August 4, 2024
Congratulations @DjokerNole on completing the career golden slam. 👏#Paris2024 @Paris2024 @ITFTennis pic.twitter.com/ZkM99FSjZv
ସବୁଠୁ ବୟସ୍କ ଟେନିସ ତାରକା ଭାବେ ଅଲିମ୍ପିକ୍ସରେ ଗୋଲ୍ଡ ଜିତିଲେ ସର୍ବିଆନ ଖେଳାଳି ନୋଭାକ ଜୋକୋଭିଚ । ଚଳିତ ପ୍ୟାରିସ ଅଲିମ୍ପିକ୍ସ 2024 ପୁରୁଷ ଏକକ ଟେନିସ ଫାଇନାଲ ଇଭେଣ୍ଟରେ ରବିବାର ଜବରଦସ୍ତ ପ୍ରଦର୍ଶନ କରି ଗୋଲ୍ଡ ଜିତିଛନ୍ତି ନୋଭାକ ଜୋକୋଭିଚ । ନୋଭାକ ସିଧାସଳଖ 7-6, 7-6 ସେଟରେ ପ୍ରତିଯୋଗୀଙ୍କୁ ହରାଇ ସ୍ବର୍ଣ୍ଣ ପଦକ ଜିତିଛନ୍ତି ।
![Novak Djokovic Wins His First-Ever Gold](https://etvbharatimages.akamaized.net/etvbharat/prod-images/05-08-2024/22128855_jok.jpg)
ଅଢେଇ ଘଣ୍ଟା ଧରି ଚାଲିଥିଲା ଏହି ଫାଇନାଲ ମ୍ୟାଚ । ନୋଭାକ ଫାଇନାଲରେ କାର୍ଲୋସ୍ ଆଲକାରାଜଙ୍କୁ ହରାଇଥିଲେ । ଏହି ବିଜୟ ସହିତ ନୋଭାକ ଜୋକୋଭିଚ ଅଲିମ୍ପିକ୍ସରେ ନିଜର ପ୍ରଥମ ସ୍ବର୍ଣ୍ଣ ପଦକ ଜିତିଛନ୍ତି । ଶେଷ ଥର ପାଇଁ 2008 ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ ନୋଭାକ ଜୋକୋଭିଚ । ତେବେ 37 ବର୍ଷରେ ଅଲିମ୍ପିକ୍ସ ଗୋଲ୍ଡ ଜିତି ଇତିହାସ ରଚିଛନ୍ତି ଜୋକୋଭିଚ ।
ସ୍ପେନ୍ ଷ୍ଟାର ତଥା ଟେନିସ ମାଇଷ୍ଟ୍ରୋ ରାଫାନ ନାଦାଲଙ୍କୁ ଚଳିତ ଅଲିମ୍ପିକ୍ସରେ ହରାଇଛନ୍ତି ନୋଭାକ ଜୋକୋଭିଚ। ସେ ତାଙ୍କ କ୍ୟାରିଅରରେ 24ଟି ଅନ୍ତର୍ଜାତୀୟ ପ୍ରତିଯୋଗିତାରେ ବିଜୟୀ ହୋଇଛନ୍ତି । ଏହା ସହିତ ନୋଭାକ ଜୋକୋଭିଚ ମଧ୍ୟ ତାଙ୍କ କ୍ୟାରିଅରରେ ଗୋଲ୍ଡେନ୍ ସ୍ଲାମ୍ ଜିତିଛନ୍ତି । ତାଙ୍କ ସହିତ ପୂର୍ବରୁ ଏହି ଗୋଲ୍ଡେନ ସ୍ଲାମ ଜିତିଥିବା ଖେଳାଳେ ହେଲେ, ରାଫେଲ ନାଦାଲ, ସେରେନା ଓ୍ବିଲିୟମ୍ସ, ଆନ୍ଦ୍ରେ ଆଗାସି ଏବଂ ଷ୍ଟିଫି ଗ୍ରାଫ୍ ।
ଅଲିମ୍ପିକ୍ସରେ ଭାରତର ଅଭିଯାନ-
ଚଳିତ ପ୍ୟାରିସ ଅଲିମ୍ପିକ୍ସରେ ବର୍ତ୍ତମାନ ଯାଏଁ ଭାରତ ମାତ୍ର 3ଟି ବ୍ରୋଞ୍ଜ ପଦକ ବିଜୟୀ ହୋଇଛି । ଶୁଟର ମନୁ ଭାକର ଏବଂ ସରବଜୋତ ସିଂହ ଏହି ପଦକ ଜିତିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ