ପ୍ୟାରିସ (ଫ୍ରାନ୍ସ); ପୁରୁଷ 25 ମିଟର ରାପିଡ୍ ଫାୟାର ପିସ୍ତଲ କ୍ବାଲିଫିକେସନ୍ ରାଉଣ୍ଡ ଶୁଟିଂରେ ପୁଣି ନିରାଶ କଲେ ଭାରତୀୟ ଶୁଟର । ଚଳିତ ପ୍ୟାରିସ ଅଲିମ୍ପିକ୍ସର ନବମ ଦିନରେ ମଧ୍ୟ ଭାରତକୁ ଶୁଟିଂରେ ଝଟକା ଲାଗିଛି । କାରଣ 25 ମିଟର ରାପିଡ୍ ଫାୟାର ପିସ୍ତଲ ଯୋଗ୍ୟତା ପର୍ଯ୍ୟାୟରେ ଫେଲ ମାରିଛନ୍ତି ଭାରତର ଷ୍ଟାର ଶୁଟର ବିଜୟବୀର୍ ସିଦ୍ଧୁ ଏବଂ ଅନିଶ ବନୱାଲା । ଏହି ଫଳରେ ଅଲିମ୍ପିକ୍ସରେ ଦୁଇ ଶୁଟର ବିଜୟବୀର୍ ସିଦ୍ଧୁ ଏବଂ ଅନିଶ ବନୱାଲାଙ୍କ ଅଭିଯାନ ଶେଷ ହୋଇଛି ।
🇮🇳 Result Update: Men's #Shooting🔫 25m Rapid Fire Pistol Qualification👇
— SAI Media (@Media_SAI) August 4, 2024
Vijayveer Sidhu and Anish Bhanwala make an exit from #ParisOlympics2024.
Vijayveer finished 9th with a score of 583, Anish had a 13th place finish with a total of 582 points.
Top 6 made it to the final… pic.twitter.com/SJN04VQmyg
ବିଜୟବୀର୍ ସିଦ୍ଧୁ ଏବଂ ଅନିଶ ବନୱାଲା ପୁରୁଷ 25 ମିଟର ରାପିଡ୍ ଫାୟାର ପିସ୍ତଲ କ୍ବାଲିଫିକେସନର ପ୍ରଥମ ଦୁଇ ରାଉଣ୍ଡରେ ଶାନଦାର ପ୍ରଦର୍ଶନ କରିଥିଲେ । ଏହି ସହିତ ଦୁହେଁ ଦ୍ବିତୀୟ ରାପିଡ ଫାୟାରର ଶେଷ 10ଟି ଶୁଟିଂ ପର୍ଯ୍ୟନ୍ତ ଜବରଦସ୍ତ ପ୍ରଦର୍ଶନ କରିଥିଲେ । କିନ୍ତୁ 92 ଏବଂ 93 ସ୍କୋର କରି ବିଜୟବୀର୍ ସିଦ୍ଧୁ ନମ୍ବର ସ୍ଥାନରେ ଏବଂ ଅନିଶ ବନୱାଲା 13ତମ ସ୍ଥାନରେ ରହି ଅଭିଯାନ ଶେଷ କରିଥିଲେ । ତେବେ ଏହି ରାଉଣ୍ଡରେ ଟପ୍ -6 ଜଣ ଫାଇନାଲକୁ ଉତୀର୍ଣ୍ଣ ହୋଇଥିଲେ ।
ଭାରତର ଏହି ଦୁଇ ଷ୍ଟାର ଶୁଟର ପ୍ରଥମ ପୋଜିସନ ଷ୍ଟେଜରେ 293 ପଏଣ୍ଟ ସ୍କୋର କରି ରାପିଡ ଫାୟାର ରାଉଣ୍ଡରେ ପହଞ୍ଚିଥିଲେ । ଏଥିରେ ଦୁହେଁ 7 ନମ୍ବର ସ୍ଥାନରେ ଥିଲେ । ବିଜୟବୀର୍ ପ୍ରଥମ ଦୁଇ ରାପିଡ ଫାୟାର ରାଉଣ୍ଡରେ 100 ଏବଂ 98 ପଏଣ୍ଟ ସ୍କୋର କରିଥିଲେ । ଏହି ସମୟରେ ବିଜୟବୀର ଦୁଇ ନମ୍ବର ସ୍ଥାନରେ ଥିଲେ । ଏପଟେ ଅନିଶ ମଧ୍ୟ 99 ଏବଂ 97 ପଏଣ୍ଟ ଶୁଟ କରି ଟପ୍-6ରେ ଥିଲେ । ତେବେ ଶେଷ ରାଉଣ୍ଡରେ ସବୁ କିଛି ଗଡବଡ ହୋଇଯାଇଥିଲା ।
ତେବେ ଭାରତର ଶୁଟିଂରେ ହିଁ ଚଳିତ ପ୍ୟାରିସ ଅଲିମ୍ପିକ୍ସ 2024ରେ 3ଟି କାଂସ୍ୟ ପଦକ ଆସିଛି । ଶୁଟର ମନୁ ଭାକର ଦୁଇଟି କାଂସ୍ୟ ଏକାକୀ ଜିତିଥିବା ବେଳେ ସରବଜୋତ ସିଂ ଗୋଟିଏ ପଦକ ଜିତିଛନ୍ତି । ମନୁ ଭାକର 10 ମିଟର ଏୟାର ପିସ୍ତଲ ଇଭେଣ୍ଟ ଏବଂ 10 ମିଟର ମିକ୍ସଡ ଏୟାର ପିସ୍ତଲ ଇଭେଣ୍ଟରେ ଦୁହେଁ 3ଟି କାଂସ୍ୟ ପଦକ ଜିତିଛନ୍ତି ।
