ପର୍ଥ (ଅଷ୍ଟ୍ରେଲିଆ); ପୂର୍ବତନ ଭାରତୀୟ ଦଳର ଅଧିନାୟକ ତଥା ଭେଟେରାନ କ୍ରିକେଟର କପିଳ ଦେବଙ୍କ ରେକର୍ଡ ସହ ସମକକ୍ଷ ହେଲେ ଯଶପ୍ରୀତ ବୁମରା । ବର୍ଡର ଗାଭାସ୍କର ଟ୍ରଫିରେ ଦମଦାର ପ୍ରଦର୍ଶନ ପରେ କପିଳ ଦେବଙ୍କ ମାଇଲଷ୍ଟୋନ୍ ଛୁଇଁଲେ କାମଚଳା ଅଧିନାୟକ ବୁମରା ।
India build on their lead with a superb start to their second innings.#WTC25 | #AUSvIND 📝: https://t.co/BXct76kJK1 pic.twitter.com/DuGHjAON5k
— ICC (@ICC) November 23, 2024
ସେନା ଦେଶ (ଦକ୍ଷିଣ ଆଫ୍ରିକା, ଇଂଲଣ୍ଡ, ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ) ସର୍ବାଧିକ ଥର ଯୁଗ୍ମ ଭାବେ 5-ଓ୍ବିକେଟ ହାସଲ ରେକର୍ଡ କରିଛନ୍ତି ବୁମରା । ସ୍ଥାନୀୟ ଗ୍ରାଉଣ୍ଡରେ ଚାଲିଥିବା ଟେଷ୍ଟ ମ୍ୟାଚରେ ଘରୋଇ ଦଳ ବିପକ୍ଷରେ 5 ଓ୍ବିକେଟ ହାସଲ କରିବା ପରେ ଏହି ରେକର୍ଡ କରିଛନ୍ତି ବୁମରା ।
ଏହା ବି ପଢନ୍ତୁ- ପର୍ଥରେ 'ବୁମରା' ଝଡ, ପ୍ରଥମ ଦିନରେ ଡ୍ରାଇଭିଂ ସିଟରେ ଭାରତ, 83ରନ ପଛରେ ଅଷ୍ଟ୍ରେଲିଆ
ଏହା ବି ପଢନ୍ତୁ-ଭାରତ ବିପକ୍ଷରେ ନିଜ ମାଟିରେ ସର୍ବନିମ୍ନ ଟେଷ୍ଟ ସ୍କୋର କଲା ଅଷ୍ଟ୍ରେଲିଆ
ସେନା ଦେଶରେ ବୁମରା 7ମ ଏବଂ କ୍ୟାରିଅରର 11 ତମ 5 ଓ୍ବିକେଟ ହଲ ହାସଲ କରିଛନ୍ତି । କପିଳ ଦେବ ପୂର୍ବରୁ ସେନା ଦେଶରେ 7 ଥର 5 ଓ୍ବିକେଟ ହଲ ହାସଲ କରିଥିଲେ । ଏହା ପୂର୍ବରୁ ବିଏସ୍ ଚନ୍ଦ୍ରଶେଖର 6 ଥର, ଜାହର ଖାନ୍ 6 ଥର, ବିଶନ ସିଂ ବେଦୀ 5 ଥର, ଅନୀଲ କୁମ୍ବଲେ 5 ଥର ସେନା ଦେଶରେ 5 ଓ୍ବିକେଟ ହଲ ହାସଲ କରିଥିଲେ ।
That's Tea on Day 2 of the 1st Test.#TeamIndia openers look solid with an 84* run partnership between them.
— BCCI (@BCCI) November 23, 2024
Lead by 130 runs.
Scorecard - https://t.co/gTqS3UPruo……… #AUSvIND pic.twitter.com/HaoXvo8YQ9
ପ୍ରଥମ ଟେଷ୍ଟ ମ୍ୟାଚର ଅଷ୍ଟ୍ରେଲିଆର ପ୍ରଥମ ପାଳିରେ ଦମଦାର ପ୍ରଦର୍ଶନ ବଳରେ ବୁମରା ଟେଷ୍ଟ କ୍ରିକେଟରେ ଅଷ୍ଟ୍ରଲିଆ ବିପକ୍ଷରେ ଭାରତ ପକ୍ଷରୁ 4ର୍ଥ ସର୍ବାଧିକ ଓ୍ବିକେଟ ହାସଲକାରୀ ବୋଲର ବନିଛନ୍ତି । ବୁମରା ଅଷ୍ଟ୍ରେଲିଆରେ 8ଟି ମ୍ୟାଚ ଖେଳି 37ଟି ଓ୍ବିକେଟ ହାସଲ କରିଛନ୍ତି । କପିଳ ଦେବ 11ଟି ମ୍ୟାଚ ଖେଳି 51 ଓ୍ବିକେଟ, ଅନୀଲ କୁମ୍ବଲେ 49ଟି ଏବଂ ଅଶ୍ୱିନୀ 39ଟି ଓ୍ବିକେଟ ହାସଲ କରିଛନ୍ତି ।
ବୁମରା 18 ଓଭର ବୋଲିଂ କରି 30 ରନ ବିନିମୟରେ 5ଟି ଓ୍ବିକେଟ ହାସଲ କରିଛନ୍ତି । ବୁମରାଙ୍କ ଅଗ୍ନିବର୍ଷା ବୋଲିଂରେ ଘାଇଲା ହୋଇ ଅଷ୍ଟ୍ରେଲିଆ ପ୍ରଥମ ଇନିଂସରେ ମାତ୍ର 104 ରନ ସ୍କୋର କରିଛି । ବୁମରା ବର୍ତ୍ତମାନ ସୁଦ୍ଧା 27ଟି ଟେଷ୍ଟ ମ୍ୟାଚ ଖେଳି 22.55 ଅଭରେଜରେ 118ଟି ଓ୍ବିକେଟ ହାସଲ କରିଛନ୍ତି ।
ଦ୍ବିତୀୟ ଦିନ ଆରମ୍ଭରୁ ବୁମରା ଦିନର ଦ୍ବିତୀୟ ଓଭର ବୋଲିଂ କରିବାକୁ ଆସି ଘରୋଇ ଦଳର ଓ୍ବିକେଟ କିପର ବ୍ୟାଟର ଆଲେକ୍ସ କେରିଙ୍କୁ ଆଉଟ କରିଥିଲେ । ଏପଟେ ହର୍ଷିତ ରାଣା 15.2 ଓଭର ବୋଲଂ କରି 48 ରନ ବିନିମୟରେ 3 ଟି ଓ୍ବିକେଟ ହାସଲ କରିଛନ୍ତି ।
