ହାଇଦ୍ରାବାଦ : ଆସନ୍ତା 18 ଅକ୍ଟୋବରରୁ ଆରମ୍ଭ ହେବାକୁ ଯାଉଛି ଏସିସି ଇମର୍ଜିଂ ଏସିଆ କପ୍ 2024 । ବାଂଲାଦେଶ 'ଏ' ଓ ହଙ୍ଗକଙ୍ଗ ମଧ୍ୟରେ ଖେଳାଯିବ ଉଦ୍ଘାଟନୀ ମ୍ୟାଚ୍ । ତେବେ ଏହି ଟୁର୍ଣ୍ଣମେଣ୍ଟରେ ଭାରତ ଏହାର ଅଭିଯାନ ପାକିସ୍ତାନ ବିପକ୍ଷ ମ୍ୟାଚ୍ରୁ ଆରମ୍ଭ କରିବ । ଏଥର ଓମାନରେ ଆୟୋଜିତ ହେଉଥିବା ଇମର୍ଜିଂ ଏସିଆ କପ୍ 2024ରେ ଭାରତ ଏହାର ପ୍ରଥମ ମୁକାବିଲା ପାକିସ୍ତାନ ବିପକ୍ଷରେ ଅକ୍ଟୋବର 19ରେ ଖେଳିବ । ଏହା ପୂର୍ବରୁ ବିସିସିଆଇ ଭାରତୀୟ ଦଳ ଘୋଷଣା କରିଛି ବିସିସିଆଇ । ଦଳରେ ଅନେକ ଯୁବ ତାରକାଙ୍କୁ ସୁଯୋଗ ଦିଆଯାଇଥିବାବେଳେ ତିଲକ ବର୍ମାଙ୍କୁ ଅଧିନାୟକ କରିଛନ୍ତି ଚୟନକର୍ତ୍ତା । ଦଳରେ ଅଭିଷେକ ଶର୍ମାଙ୍କୁ ଉପ-ଅଧିନାୟକ କରାଯାଇଥିବାବେଳେ ୱିକେଟ-କିପର ଭାବରେ ପ୍ରଭସିମ୍ରନ ସିଂହ ଓ ଅନୁଜ ରାୱତଙ୍କୁ ମିଳିଛି ସ୍ଥାନ ।
ICYMI!
— BCCI (@BCCI) October 14, 2024
A look at the Tilak Varma-led India 'A' squad for the upcoming ACC Men's T20 Emerging Teams Asia Cup 2024 👌👌#TeamIndia pic.twitter.com/5GWFZB6gU9
ଭାରତର ମ୍ୟାଚ୍ ସେଡ୍ୟୁଲ :-
ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ଓମାନର ମସ୍କାଟସ୍ଥିତ କ୍ରିକେଟ ଏକାଡେମୀ ଗ୍ରାଉଣ୍ଡରେ ଖେଳାଯିବ । ଅକ୍ଟୋବର 21ରେ ଭାରତୀୟ ଦଳ ୟୁଏଇ ବିପକ୍ଷରେ ଖେଳିବ । ଲିଗ୍ ପର୍ଯ୍ୟାୟର ଶେଷ ମ୍ୟାଚ୍ ଆୟୋଜକ ଓମାନ ସହିତ ଖେଳିବ ଭାରତ । ଟୁର୍ଣ୍ଣାମେଣ୍ଟର ସମସ୍ତ ମ୍ୟାଚ୍ ଓମାନ କ୍ରିକେଟ ଏକାଡେମୀରେ ଖେଳାଯିବାକୁ ଥିବାବେଳେ ଦୁଇଟିଯାକ ସେମିଫାଇନାଲ ଅକ୍ଟୋବର 25ରେ ଖେଳାଯିବ । ଏହି ଟୁର୍ଣ୍ଣାମେଣ୍ଟରେ ଭାରତ ସମେତ ଶ୍ରୀଲଙ୍କା, ବାଂଲାଦେଶ, ଆଫଗାନିସ୍ତାନ ଭଳି ଆଇସିସିର ପ୍ରମୁଖ ସଦସ୍ୟ ଦଳ ବ୍ୟତୀତ ହଙ୍ଗକଙ୍ଗ, ୟୁଏଇ ଏବଂ ଓମାନ କ୍ରିକେଟ ଦଳ ମଧ୍ୟ ଅଂଶଗ୍ରହଣ କରୁଛନ୍ତି ।
ଏସିସି ଇମର୍ଜିଂ ଏସିଆ କପ୍ ପାଇଁ ଭାରତୀୟ ଦଳ :-
ତିଲକ ବର୍ମା (ଅଧିନାୟକ), ଅଭିଷେକ ଶର୍ମା (ଉପ-ଅଧିନାୟକ), ପ୍ରଭସିମ୍ରନ ସିଂହ (ୱିକେଟ-କିପର), ଆୟୁଷ ବାଦୋନି, ନିଶାନ୍ତ ସିନ୍ଧୁ, ରମଣଦୀପ ସିଂହ, ଅନୁଜ ରାୱତ (ୱିକେଟ-କିପର), ନେହାଲ ୱାଧେରା, ଅଂଶୁଲ କାମ୍ବୋଜ, ହ୍ରିତିକ ଶୌକିନ, ବୈଭବ ଆରୋରା, ରଶିଖ ସଲାମ, ସାଇ କିଶୋର, ରାହୁଲ ଚହର ଏବଂ ଆକିବ ଖାନ
ଏହା ମଧ୍ୟ ପଢ଼ନ୍ତୁ :-
- ଦଳରୁ ବାବର ଆଜମଙ୍କୁ ବାହାର କଲା ପାକିସ୍ତାନ; କୋହଲିଙ୍କ ସହ ତୁଳନା କରୁଥିଲେ ପାକିସ୍ତାନୀ
- ନ୍ୟୁଜିଲାଣ୍ଡ ଟେଷ୍ଟ ପାଇଁ ଭାରତୀୟ ଦଳ, ବୁମରା ଉପ ଅଧିନାୟକ
- IPLରେ କମିବ ବିଦେଶୀ ଖେଳାଳିଙ୍କ ଅଂଶଗ୍ରହଣ ! BCCI ନିୟମ ପକାଇବ ପ୍ରଭାବ; ଜାଣନ୍ତୁ କେମିତି
ବ୍ୟୁରୋ ରିପୋର୍ଟ, ଇଟିଭି ଭାରତ
