ନୂଆଦିଲ୍ଲୀ: ଆସନ୍ତା ସେପ୍ଟେମ୍ବର 19 ତାରିଖରୁ ଆରମ୍ଭ ହେବାକୁ ଯାଉଛି ଭାରତ ଓ ବାଂଲାଦେଶ ମଧ୍ୟରେ ଟେଷ୍ଟ ସିରିଜ । ସେପ୍ଟେମ୍ବର 19ରୁ ଅକ୍ଟୋବର 1 ମଧ୍ୟରେ 2ଟି ଟେଷ୍ଟ ସିରିଜ ଖେଳାଯିବ । ଏଥି ପାଇଁ ଟିମ୍ ଇଣ୍ଡିଆ 16 ଜଣିଆ ଦଳ ଘୋଷଣା କରିଛି । ଦଳର ଅଧିନାୟକ ଭାର ରୋହିତ ଶର୍ମାଙ୍କ କାନ୍ଧରେ ରହିଥିବା ବେଳେ ଉପ ଅଧିନାୟକ ଦାୟିତ୍ବ କାହାକୁ ଦିଆଯାଇ ନାହିଁ । ବିନା ଭାଇସ କ୍ୟାପଟେନରେ ବାଂଲାଦେଶ ବିପକ୍ଷରେ ଖେଳିବ ମେନ ଇନ ବ୍ଲୁ । ତେବେ ପୂର୍ବ ଟେଷ୍ଟ ସିରିଜରେ ଯଶପ୍ରୀତ ବୁମରା ଉପ ଅଧିନାୟକ ରହିଥିବା ବେଳେ ବାଂଲାଦେଶ ବିପକ୍ଷ ପ୍ରଥମ ଟେଷ୍ଟ ସିରିଜ ପାଇଁ କାହିଁକି ତାଙ୍କୁ ଉପ ଅଧିନାୟକ କରାଗଲା ନାହିଁ ତାକୁ ନେଇ ଫ୍ୟାନ୍ସଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଛି ।
Jasprit Bumrah who was the vice-captain against England will not be the VC against Bangladesh
— The sports (@the_sports_x) September 10, 2024
This suggests that BCCI & management may not envision him as a future captain. pic.twitter.com/aCscbAIqRG
କାହିଁକି ବୁମରାଙ୍କୁ ଉପ ଅଧିନାୟକ କରାଗଲା ନାହିଁ ?
ଚଳିତ ବର୍ଷ ପ୍ରାରମ୍ଭରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ଟେଷ୍ଟ ସିରିଜରେ ଫାଷ୍ଟ ବୋଲର ଯଶପ୍ରୀତ ବୁମରା ଭାରତୀୟ ଦଳର ଉପ-ଅଧିନାୟକ ରହିଥିଲେ । କିନ୍ତୁ ସେହି ପଦବୀ ବଜାୟ ରଖି ପାରିନାହାନ୍ତି ବୁମରା । ଆଗାମୀ ଟେଷ୍ଟରେ ସେ ଦଳ ନିୟମିତ ସଦସ୍ୟ ଭାବରେ ଖେଳିବେ। ବୁମରାଙ୍କୁ ଉପ ଅଧିନାୟକ ଦାୟିତ୍ବ ନଦେବାର କାରଣ ଏହା ଦର୍ଶାଉଛି ଯେ, ତାଙ୍କୁ ଭବିଷ୍ୟତରେ ଦଳରେ ଅଧିନାୟକ ଭାବେ ବିସିସିଆଇ ଓ ମ୍ୟାନେଜମେଣ୍ଟ ଦେଖୁନାହିଁ । ନଚେତ ତାଙ୍କର କାର୍ଯ୍ୟ ଭାର ହ୍ରାସ କରିବାକୁ ଏପରି ହୋଇଥାଇ ପାରେ ବୋଲି ଚର୍ଚ୍ଚା ହେଉଛି ।
ଅଧିନାୟକ ହେବାରେ ବୁମରାଙ୍କୁ କଣ୍ଟା ସାଜିବ ଆଘାତ ଜନିତ ସମସ୍ୟା:
ଭବିଷ୍ୟତରେ ଭାରତୀୟ ଦଳର ଅଧିନାୟକ ହୋଇ ନପାରନ୍ତି ବୁମରା । ଏଥି ପାଇଁ ମୁଖ୍ୟ କାରଣ ସାଜିପାରେ ବାରମ୍ବାର ଆଘାତ ଜନିତ ସମସ୍ୟା । ଦଳର ଅଧିନାୟକ ଦଳରେ ପ୍ରତି ମ୍ୟାଚରେ ଉପସ୍ଥିତି ରହିବା ଜରୁରୀ । କିନ୍ତୁ ବୁମରା ଯେଉଁ ପରି ଭାବେ ବାରମ୍ଭାର ଆଘାତ ହେଉଛନ୍ତି ତାହା ଅଧିନାୟକ ହେବା ରାସ୍ତାରେ କଣ୍ଟା ସାଜିପାରେ ।
ଏହା ମଧ୍ୟ ପଢନ୍ତୁ-ଫିଲ୍ମ ଦୁନିଆରେ ଧୋନିଙ୍କ ଏଣ୍ଟ୍ରି ! ଏହି ଫିଲ୍ମରେ ଆସିବେ ନଜର - MS Dhoni GOAT
ଟିମ୍ ଇଣ୍ଡିଆର କମାଣ ସମ୍ଭାଳିଛନ୍ତି ବୁମରା:
ଯଶପ୍ରୀତ ବୁମରା ପୂର୍ବରୁ ଭାରତୀୟ ଟିମ୍ର ଅଧିନାୟକ ରହିଛନ୍ତି । 2022 ରେ ଇଂଲଣ୍ଡ ବିପକ୍ଷ ଓ 2023ରେ ଆୟରଲାଣ୍ଡ ବିପକ୍ଷ ଟେଷ୍ଟ ସିରିଜରେ ଅଧିନାୟକ ରହିଥିଲେ ବୁମରା । ତାଙ୍କର ଅଧିନାୟକତ୍ବକୁ ବହୁ ଭେଟେରାନ କ୍ରିକେଟର ମଧ୍ୟ ପ୍ରଶଂସା କରିଥିଲେ ।
କେବେ ହେବ ବାଂଲାଦେଶ ବିପକ୍ଷ ଟେଷ୍ଟ:
ସେପ୍ଟେମ୍ବର 19 ରୁ 23 ମଧ୍ୟରେ ଭାରତ ଓ ବାଂଲାଦେଶ ମଧ୍ୟରେ ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ପ୍ରଥମ ଟେଷ୍ଟ ମ୍ୟାଚ ଖେଳାଯିବ । ଏହା ପରେ 27 ସେପ୍ଟେମ୍ବରରୁ ଅକ୍ଟୋବର 1 ତାରିଖ ପର୍ଯ୍ୟନ୍ତ କାନପୁରର ଗ୍ରୀନ ପାର୍କ ଷ୍ଟାଡିୟମରେ ଦ୍ୱିତୀୟ ଟେଷ୍ଟ ମ୍ୟାଚ୍ ଖେଳାଯିବ ।
ବାଂଲାଦେଶ ଟେଷ୍ଟ ସିରିଜ ପାଇଁ ଭାରତୀୟ ଦଳ:
ରୋହିତ ଶର୍ମା (ଅଧିନାୟକ), ଯଶସ୍ବୀ ଜୟସ୍ବାଲ, ଶୁବମନ ଗିଲ, ବିରାଟ କୋହଲି, କେ.ଏଲ୍ ରାହୁଲ, ସର୍ଫରାଜ ଖାନ, ଋଷଭ ପନ୍ତ (ୱିକେଟ କିପର), ଧ୍ରୁବ ଜୁରେଲ (ୱିକେଟ କିପର), ରବିଚନ୍ଦ୍ରନ ଅଶ୍ବୀନ, ରବୀନ୍ଦ୍ର ଜାଡେଜା, ଅକ୍ସର ପଟେଲ, କୁଳଦୀପ ଯାଦବ, ଆକାଶଦୀପ, ଯଶପ୍ରୀତ ବୁମରା, ୟଶ ଦୟାଲ ଓ ମହମ୍ମଦ ସିରାଜ ।
