ହାଇଦ୍ରାବାଦ: ଆସନ୍ତାକାଲି (ବୁଧବାର) ଠୁ ଭାରତ ଓ ଇଂଲଣ୍ଡ ମଧ୍ୟରେ ଆରମ୍ଭ ହେବାକୁ ଯାଉଛି 5ଟିକିଆ ମ୍ୟାଚ ବିଶିଷ୍ଟ ଟି 20 ସିରିଜ । ଏକ ରୋମାଞ୍ଚକର ମୁକାବିଲା ପାଇଁ ଦୁଇ ଦଳ ପ୍ରସ୍ତୁତିକୁ ଜୋରଦାର କରିଛନ୍ତି । କୋଲକାତାର ଇଡେନ ଗାର୍ଡେନରେ ସନ୍ଧ୍ୟା 7ଟା ସମୟରେ ପ୍ରଥମ ମ୍ୟାଚ ଆରମ୍ଭ ହେବ । 3 ବର୍ଷ ପରେ କୋଲକାତାରେ ଟି 20 ମ୍ୟାଚ ଖେଳାଯିବ । ଫେବୃଆରୀ 2022ରେ ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଶେଷ ଟି 20 ମ୍ୟାଚ ଇଡେନ ଗାର୍ଡେନରେ ଖେଳାଯାଇଥିଲା । ଯେଉଁଥିରେ ଭାରତ 17 ରନରେ ବିଜୟୀ ହୋଇଥିଲା ।
ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ପଡିଆକୁ ଓହ୍ଲାଇବ ମେନ ଇନ ବ୍ଲୁ । ଦଳକୁ ମହମ୍ମଦ ସାମି ଫେରିଥିବା ବେଳେ ମ୍ୟାଚ ଦେଖିବାକୁ ଅନାଇ ବସିଛନ୍ତି ଦର୍ଶକ । ଅନ୍ୟପଟେ ଜସ୍ ବଟଲରଙ୍କ ନେତୃତ୍ୱାଧୀନ ଇଂଲଣ୍ଡ ଦଳ ମଧ୍ୟ ଭାରତକୁ ମାତ ଦେବାକୁ ପୁରା ରଣନୀତି ସହ ପଡିଆକୁ ଓହ୍ଲାଇବା ପ୍ରସ୍ତୁତ ହୋଇଛି ।
The Indian pace attack is ready to dismantle 's batting line-up! 🫨
— Star Sports (@StarSportsIndia) January 20, 2025
Watch them in action during the #INDvENG series, starting Jan 22, LIVE on Disney+ Hotstar & Star Sports 👈 #KhelAasmani #INDvENGOnJioStar pic.twitter.com/7DVHamrcnJ
କେଉଁଠି ଓ କେତେବେଳେ ଖେଳାଯିବ ମ୍ୟାଚ ? କେଉଁ ଚ୍ୟାନେଲରେ ହେବ ସିଧାପ୍ରସାରଣ ? ମ୍ୟାଚର ସମ୍ପୂର୍ଣ୍ଣ ବିବରଣୀ ଉପରେ ନଜର ପକାନ୍ତୁ...
ଭାରତ -ଇଂଲଣ୍ଡ ପ୍ରଥମ T20I ମ୍ୟାଚ୍ କେବେ?
ଭାରତ ବନାମ ଇଂଲଣ୍ଡ ପ୍ରଥମ ଟି-୨୦ ମ୍ୟାଚ୍ ବୁଧବାର ଖେଳାଯିବ।
ଭାରତ ବନାମ ଇଂଲଣ୍ଡ ପ୍ରଥମ ଟି-୨୦ ମ୍ୟାଚ୍ କେଉଁଠାରେ ହେବ?
କୋଲକାତାର ଇଡେନ ଗାର୍ଡେନରେ ଖେଳାଯିବ।
ପ୍ରଥମ ଟି-୨୦ ମ୍ୟାଚ୍ କେତେବେଳେ ଆରମ୍ଭ ହେବ?
ସନ୍ଧ୍ୟା ୭:୦୦ ଟାରେ ଆରମ୍ଭ ହେବ
କେଉଁ ଟିଭି ଚ୍ୟାନେଲ ସିଧାପ୍ରସାରଣ ହେବ ?
ଭାରତରେ ଭାରତ ବନାମ ଇଂଲଣ୍ଡ ପ୍ରଥମ ଟି-୨୦ ମ୍ୟାଚ୍ ଷ୍ଟାର ସ୍ପୋର୍ଟସ୍ ନେଟୱାର୍କରେ ଟିଭିରେ ସିଧା ପ୍ରସାରଣ କରାଯିବ।
ଅନଲାଇନରେ ଲାଇଭ୍ ଷ୍ଟ୍ରିମିଂ କେଉଁଠାରେ ଦେଖିପାରିବେ?
ମ୍ୟାଚ୍ର ଲାଇଭ୍ ଷ୍ଟ୍ରିମିଂ Disney+ Hotstar ଆପ୍ ଏବଂ ୱେବସାଇଟରେ ଉପଲବ୍ଧ ରହିବ ।
ମାଗଣାରେ କିପରି ଦେଖିବେ ମ୍ୟାଚ ?
ଡିଡି ସ୍ପୋର୍ଟସ୍ ଚ୍ୟାନେଲ ଓ ଫ୍ରି ଡିଶରେ ଭାରତ ଏବଂ ଇଂଲଣ୍ଡ ମଧ୍ୟରେ ପ୍ରଥମ ଟି-୨୦ ମ୍ୟାଚ୍ ମାଗଣାରେ ଦେଖିପାରିବେ ଦର୍ଶକ ।
ପ୍ରଥମ ଟି 20- ବୁଧବାର- ଇଡେନ ଗାର୍ଡେନ
ଦ୍ବିତୀୟ ମ୍ୟାଚ- 25 ନଭେମ୍ବର- ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମ
ତୃତୀୟ ମ୍ୟାଚ-28 ଜାନୁଆରୀ- ମହାରାଷ୍ଟ୍ର
ଚତୁର୍ଥ ମ୍ୟାଚ-31 ଜାନୁଆରୀ-ମହାରାଷ୍ଟ୍ର
ପଞ୍ଚମ ମ୍ୟାଚ- 2ଫେବୃଆରୀ-ଓ୍ବାଙ୍ଖଡେ ଷ୍ଟାଡିୟମ
ବ୍ୟୁରୋ ରିପୋର୍ଟ, ଇଟିଭି ଭାରତ
