ହାଇଦ୍ରାବାଦ: ବର୍ଡର ଗାଭାସ୍କର ଟ୍ରଫିର ଆଜି ରହିଛି ଦ୍ବିତୀୟ ମ୍ୟାଚ । ଆଡିଲେଡ ଓଭାଲରେ ଆରମ୍ଭ ହୋଇଯାଇଛି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଦ୍ବିତୀୟ ଟେଷ୍ଟ ମ୍ୟାଚ । ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଟିମ୍ ଇଣ୍ଡିଆ, ଫଳରେ ଫିଲ୍ଡିଂ କରିବ କଙ୍ଗାରୁ ଦଳ । ଓପନିଂ ଯୋଡି ଭାବେ ପଡିଆକୁ ଓହ୍ଲାଇଛନ୍ତି କୋଏଲ ରାହୁଲ ଓ ଜୟସ୍ବାଲ । ମିଚେଲ ଷ୍ଟ୍ରକଙ୍କ ପ୍ରଥମ ବଲରେ ଆଉଟ ହୋଇଛନ୍ତି ଜୟସ୍ବାଲ । 5ଟିକିଆ ମ୍ୟାଚ ବିଶିଷ୍ଟ ଏହି ଟେଷ୍ଟ ସିରିଜରେ 1-0ରେ ଆଗୁଆ ରହିଛି ଟିମ୍ ଇଣ୍ଡିଆ । ଷ୍ଟାର ସ୍ପୋର୍ଡ୍ସରେ ମ୍ୟାଚ ସିଧା ପ୍ରସାରଣ ଦେଖିପାରିବେ କ୍ରିକେଟ ପ୍ରେମୀ । ପ୍ରଥମ ମ୍ୟାଚରେ ଭାରତର ପ୍ରଦର୍ଶନ ଦମଦାର ରହିଥିଲା । ଉଭୟ ବ୍ୟାଟିଂ ଓ ବୋଲିଂ ବିଭାଗ ଧୂଆଁଧାର ପ୍ରଦର୍ଶନ କରି କଙ୍ଗାରୁ ଦଳକୁ ଚିତପଟାଙ୍ଗ କରିଦେଇଥିଲେ । ଆଜି ମଧ୍ୟ ସମାନ ଧାରାରେ ଭାରତ ପ୍ରଦର୍ଶନ କରି ଦ୍ବିତୀୟ ମ୍ୟାଚକୁ ନିଜ ସପକ୍ଷରେ କରିବାକୁ ଲକ୍ଷ୍ୟ ରଖିଛି । ସେପଟେ ପ୍ରଥମ ମ୍ୟାଚ ହାରିଥିବାରୁ ଦ୍ବିତୀୟ ମ୍ୟାଚରେ ଅଷ୍ଟ୍ରେଲିଆ କମବ୍ୟାକ କରିବ ବୋଲି ଜୋରଦାର ପ୍ରସ୍ତୁତି କରିଛି ।
ଆଜି ଖେଳିବେ ରୋହିତ, 4 ନମ୍ବରରେ କରିବେ ବ୍ୟାଟିଂ, ଓପନିଂ କରିବେ ରାହୁଲ:
ପ୍ରଥମେ ମ୍ୟାଚରେ ଅଧିନାୟକ ରୋହିତ ଶର୍ମା ଉପସ୍ଥିତ ନଥିଲେ । ତେଣୁ ତାଙ୍କ ବଦଳରେ ବୁମରାଙ୍କ ନେତୃତ୍ବରେ ଭାରତ ମ୍ୟାଚ ଖେଳି ବିଜୟୀ ହୋଇଥିଲା । ଆଜି କିନ୍ତୁ ଦ୍ବିତୀୟ ମ୍ୟାଚ ଖେଳିବାକୁ ରୋହିତ ଶର୍ମା ପ୍ରସ୍ତୁତ । ଆଜିର ମ୍ୟାଚରେ ରାହୁଲ ଓପନିଂ କରିବେ ଓ ରୋହିତ ମଧ୍ୟମ କ୍ରମରେ ଖେଳିବେ ବୋଲି ଗତକାଲି ସାମ୍ବାଦିକ ସମ୍ମିଳନୀରେ କହିଛନ୍ତି । ରୋହିତଙ୍କ ଅନୁପସ୍ଥିତିରେ କେ.ଏଲ୍ ରାହୁଲ ଏବଂ ଜୟସ୍ବାଲ ପ୍ରଥମ ମ୍ୟାଚରେ ଓପନିଂ କରି ଜବରଦସ୍ତ ପାଳି ଖେଳିଥିଲେ । 20 ବର୍ଷ ପରେ ପ୍ରଥମ ଭାରତୀୟ ଓପନିଂ ଯୋଡି ଭାବେ 100 ରନର ଶତକୀୟ ଭାଗିଦାରୀ କରିବା ପରେ ବ୍ୟାଟର କେଏଲ ରାହୁଲ ଏବଂ ଯଶସ୍ୱୀ ଜୟଶ୍ୱାଲ କଙ୍ଗାରୁ ମାଟିରେ ପ୍ରଥମ ଭାରତୀୟ ଯୋଡି ଭାବେ ପ୍ରଥମ ଓ୍ବିକେଟ ପାଇଁ ସର୍ବାଧିକ ରନର ପାର୍ଟନରସିପ୍ ଠିଆ କରିଥିଲେ । ଦୁହେଁ ସ୍ଥାନୀୟ ଗ୍ରାଉଣ୍ଡରେ ଚାଲିଥିବା ଗର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚରେ ଭାରତର ଦ୍ବିତୀୟ ଇନିଂସରେ 201 ରନର ବିଶାଳ ଓପନିଂ ପାର୍ଟନରଶିପ କରିଥିଲେ ।
🗣️ #TeamIndia captain Rohit Sharma talks about his decision to bat in the middle-order in the Adelaide Test #AUSvIND | @ImRo45 pic.twitter.com/pdiqQPaLgP
— BCCI (@BCCI) December 5, 2024
ଅଷ୍ଟ୍ରେଲିଆକୁ ବୁମରା ଭୟ:
ପ୍ରଥମ ମ୍ୟାଚର ପ୍ରଥମ ଇନିଂସରେ ଭାରତୀୟ ଦଳ ବ୍ୟାଟିଂ ବିଭାଗ ଫେଲ ମାରିଥିଲା, କିନ୍ତୁ ବୋଲିଂ ବିଭାଗ ବିପକ୍ଷ ଦଳର ନିଦ ହଜାଇ ଦେଇଥିଲା । ପଡିଆରେ ଚାଲିଥିଲା ବୁମ ବୁମ ବୁମରାଙ୍କ ଯାଦୁ । ଘାତକ ବୋଲିଂ କରି ଜଣଙ୍କ ପରେ ଜଣେ ବ୍ୟାଟରଙ୍କୁ ଆଉଟ କରି ଦଳକୁ ବିଜୟ ପଥ ଦେଖାଇଥିଲେ । ଅଷ୍ଟ୍ରେଲିଆ ପ୍ରଥମ ଇନିଂସରେ 30 ରନ୍ ଦେଇ 5 ଟି ୱିକେଟର ହାସଲ କରିଥିବା ବୁମରା, ଦ୍ବିତୀୟ ଇନିଂସରେ 42 ରନ ବିନିମୟରେ 3ଟି ୱିକେଟ ହାସଲ କରିଥିଲେ । ଦୁଇଟି ଇନିଂସରେ ମୋଟ 8ଟି ୱିକେଟ ନେଇ ଅଷ୍ଟ୍ରେଲିଆର ବ୍ୟାଟିଂ ମେରୁଦଣ୍ଡକୁ ଭାଙ୍ଗି ଦେଇଥିଲେ । ତେଣୁ ବୁମରାଙ୍କୁ ନେଇ ଅଷ୍ଟ୍ରେଲିଆ ବ୍ୟାଟରଙ୍କ ମଧ୍ୟରେ ଏକ ଭୟ ସୃଷ୍ଟି ହୋଇଛି । ପିଙ୍କ ବଲରେ ତାଙ୍କୁର ସୁଇଂକୁ ଜାଣିବା ବିପକ୍ଷ ଦଳ ପକ୍ଷରେ କାଠିକର ପାଠ ହେବା ପରି ମନେ ହେଉଛି । ଯଦି ଆଜି ଗୋଟିଏ ଓ୍ବିକେଟ ନିଅନ୍ତି ବୁମରା ତେବେ ଚଳିତ ବରେଷ 50 ଓ୍ବିକେଟ ନେବାରେ ସେ ପ୍ରଥମ ବୋଲର ହେବେ ।
ବିରାଟ-ରାହୁଲ -ଜୟସ୍ବାଲ-ରୋହିତଙ୍କ ଉପରେ ନଜର:
#WATCH | Adelaide: Ahead of the 2nd Test Match of the Border Gavaskar Trophy between Australia and India, an Indian supporter says, " we drove from melbourne just to watch the test match. we are here to support india..." pic.twitter.com/beA1NH1X4P
— ANI (@ANI) December 6, 2024
ଜୟସ୍ବାଲଙ୍କ ଟେଷ୍ଟ ମ୍ୟାଚରେ ଫର୍ମ ଭଲ ରହିଛି । ଗତ ମ୍ୟାଚରେ ସେ ଶତକୀୟ ପାଳି ଖେଳିଥିଲେ । ଆଜି ମଧ୍ୟ ଭଲ ପ୍ରଦର୍ଶନ କରିବା ନେଇ ଆଶା ରହିଛି । ବିରାଟ କୋହଲି ମଧ୍ୟ ପ୍ରଥମ ମ୍ୟାଚରେ ଶତକ ହାସଲ କରିଥିଲେ । ଆଜି ସେ ବି ଶତକୀୟ ପାଳି ଖେଳିବେ ବୋଲି ଆଶା କରାଯାଉଛି । ରାହୁଲ ଧିରେ ଧିରେ ଫର୍ମକୁ ଫେରୁଛନ୍ତି । ଗତ ମ୍ୟାଚରେ ସେ ଅର୍ଦ୍ଧଶତକୀୟ ପାଳି ଖେଳିଥିଲେ, ସେହି ଧାରା ଆଜିବି ବଜାୟୀ ରଖିବେ ବୋଲି ଆଶା । ରୋହିତ ମଧ୍ୟ ପୂର୍ବରୁ ଖେଳାଯାଇଥିବା ଦିନିକିଆ ମ୍ୟାଚରେ ଭଲ ପ୍ରଦର୍ଶନ କରିନଥିଲେ , ତେଣୁ ତାଙ୍କ ଫର୍ମକୁ ନେଇ ପ୍ରଶ୍ନ ଉଠିଥିଲା । ଏହି ମ୍ୟାଚରେ ସେ ଫର୍ମକୁ ଫେରି ପାରନ୍ତି ବୋଲି ଦଳ ଆଶାବାଦୀ ।
ବୋଲିଂ ବିଭାଗ: ଭାରତୀୟ ଦଳର ବୋଲିଂ ବିଭାଗ ବେଶ ସୁଦୃଢ ରହିଛି । ପ୍ରଥମ ମ୍ୟାଚରେ ଘାତକ ବୋଲିଂ କରିଥିଲେ ଭାରତୀୟ ବୋଲର । ରବିଚନ୍ଦ୍ର ଅଶ୍ବିନୀଙ୍କ ସ୍ଥାନରେ ଓ୍ବାସିଂଟନ ସୁନ୍ଦର ଖେଳିପାରନ୍ତି ବୋଲି କୁହାଯାଉଛି । ନୀତିଶ କୁମାର ରେଡ୍ଡୀ ମଧ୍ୟ ସ୍ଥାନ ବଜାୟ ରଖିବେ । ତାଙ୍କର ପ୍ରଭାବି ପ୍ରଦର୍ଶନ ରହିଛି ।
#WATCH | Adelaide: Ahead of the 2nd Test Match of the Border Gavaskar Trophy between Australia and India, an Indian supporter says, " i am very excited for the match and i wish india the best..." pic.twitter.com/hrC1maqV0s
— ANI (@ANI) December 6, 2024
ଅଷ୍ଟ୍ରେଲିଆ ପ୍ରତିଶୋଧ ଲକ୍ଷ୍ୟରେ: ପର୍ଥ ଟେଷ୍ଟରେ ଇତିହାସ ରଚିଥିଲା ଭାରତ । ଅଷ୍ଟ୍ରେଲିଆକୁ 295 ରନରେ ହରାଇଥିଲା ଟିମ୍ ଇଣ୍ଡିଆ । ତେଣୁ ପୂର୍ବ ମ୍ୟାଚରେ ଆଜି ପ୍ରତିଶୋଧ ନେବାକୁ ପ୍ରସ୍ତୁତ ହୋଇଛି ପ୍ୟାଟ କମିନ୍ସ ବାହିନୀ । ଦଳରେ ହାଜଲେଉଡ୍ଙ୍କ ସ୍ଥାନରେ ସ୍କଟ ବୋଲାଣ୍ଡକୁ ସ୍ଥାନ ମିଳିଛି । ଫର୍ମକୁ ଫେରିବାକୁ ପୁରା ପ୍ରସ୍ତୁତ ହୋଇଛି ଦଳ ।
