ୱାସିଂଟନ: ଆରମ୍ଭ ହୋଇଛି ଆମେରିକା ରାଷ୍ଟ୍ରପତି ନିର୍ବାଚନ । ଦେଶର ୪୭ତମ ରାଷ୍ଟ୍ରମୁଖ୍ୟ ବାଛୁଛନ୍ତି ଆମେରିକାବାସୀ । ଏହି ନିର୍ବାଚନରେ ଡେମୋକ୍ରାଟିକ ଦଳର ପ୍ରାର୍ଥୀ କମଲା ହାରିସ ଆଉ ରିପବ୍ଲିକାନ ଦଳର ପ୍ରାର୍ଥୀ ହୋଇଛନ୍ତି ଡୋନାଲ୍ଡ ଟ୍ରମ୍ପ । ପ୍ରଚାର ଶେଷ ପୂର୍ବରୁ ହାରିସ ଓ ଟ୍ରମ୍ପ ପ୍ରମୁଖ ରାଜ୍ୟରେ ରାଲି କରି ଶକ୍ତି ପ୍ରଦର୍ଶନ କରିଥିଲେ । ସମର୍ଥକଙ୍କ ଭୋଟ ହାତେଇବାକୁ ଉଭୟ ଜୋରଦାର ପ୍ରୟାସ କରିଥିବା ଦେଖିବାକୁ ମିଳିଥିଲା ।
#WATCH | Washington DC: On US elections, President & CEO of US-India Strategic Partnership Forum, Mukesh Aghi says, " there is a sense of anxiety and uncertainty as to the outcome of the result...the results of the elections will not only have an impact in the us but it will have… pic.twitter.com/JCaScDG7Xb
— ANI (@ANI) November 5, 2024
ଦୁଇ ପ୍ରାର୍ଥୀଙ୍କ ମଧ୍ୟରେ କଡା ମୁକାବିଲା:
ୱାଶିଂଟନ ଡିସିରେ ୟୁଏସ-ଇଣ୍ଡିଆ ଷ୍ଟ୍ରାଟେଜିକ ପାର୍ଟନରସିପ୍ ଫୋରମ ଅଧ୍ୟକ୍ଷ ଏବଂ ସିଇଓ ମୁକେଶ ଅଧି କହିଛନ୍ତି, "ଏହି ନିର୍ବାଚନକୁ ନେଇ ଲାଗି ରହିଛି ଚିନ୍ତା ଓ ଅନିଶ୍ଚିତତା । ଯାହାର ପ୍ରଭାବ କେବଳ ଏହି ଦେଶର ନୁହେଁ, ବରଂ ବିଶ୍ବ ସ୍ତରରେ ଦେଖିବାକୁ ମିଳିବ । ଦୁଇ ପ୍ରାର୍ଥୀଙ୍କ ମଧ୍ୟରେ ହେବାକୁ ଯାଉଛି କଡ଼ା ମୁକାବିଲା । ସେ ଆହୁରି କହିଛନ୍ତି, ୫୦ ପ୍ରତିଶତରୁ ଅଧିକ ମତଦାତା ପୂର୍ବରୁ ହିଁ ନିଜ ଭୋଟ୍ ଦେଇସାରିଛନ୍ତି । ଯାହାର ଅର୍ଥ ହେଉଛି, ସେମାନଙ୍କୁ ପୂର୍ବରୁ ଜଣାଅଛି ଯେ, ସେମାନେ କାହାକୁ ସମର୍ଥନ କରୁଛନ୍ତି । ଶେଷ ପର୍ଯ୍ୟାୟରେ ଏହି ସ୍ବିଙ୍ଗ୍ ମତଦାତାଙ୍କୁ ପ୍ରଭାବିତ କରିପାରେ । ମତଦାନ କରିବାକୁ ମହିଳାଙ୍କଠାରୁ ଆରମ୍ଭ କରି ସଂଖ୍ୟାଲଘୁମାନେ ବହୁ ସଂଖ୍ୟାରେ ଆଗେଇ ଆସିଥିବା ଦେଖିବାକୁ ମିଳିଛି ।
ସେ ଏହା ମଧ୍ୟ କହିଛନ୍ତି, "ଯଦି କମଳା ହାରିସ ରାଷ୍ଟ୍ରପତି ଭାବେ ନିର୍ବାଚିତ ହୁଅନ୍ତି, ତେବେ ଭାରତ ବାଣିଜ୍ୟରୁ ଆରମ୍ଭ କରି ରାଜନୈତିକ କ୍ଷେତ୍ରରେ ଲାଭବାନ ହେବ । ଏସବୁ କ୍ଷେତ୍ରରେ ଆମେରିକା ସହ ଭାରତର ଭଲ ବୁଝାମଣା ରହିବ ।"
କହିରଖୁଛୁ, ଏହି ନିର୍ବାଚନ ଜିତିବାକୁ ହେଲେ ପ୍ରାର୍ଥୀଙ୍କୁ ୨୦୭ ଇଲେକ୍ଟୋରାଲ କଲେଜ ଭୋଟର ଆବଶ୍ୟକତା ରହିଛି । ୭ ପ୍ରମୁଖ ରାଜ୍ୟ ଆରିଜୋନା, ମିଚିଗାନ, ୱିସକିନସନ, ନେଭଡା, ପେନସିଲଭାନିଆ, ନର୍ଥ କାରୋଲିନା ଏବଂ ଜର୍ଜିଆର ଫଳାଫଳ ନିର୍ଣ୍ଣାୟକ ଭୂମିକା ନେବ ବୋଲି କୁହାଯାଉଛି ।
୨ ଥର ହୋଇପାରିବେ ରାଷ୍ଟ୍ରପତି:
ଆମେରିକାରେ ରାଷ୍ଟ୍ରପତୀୟ ଶାସନ ବ୍ୟବସ୍ଥା କାର୍ଯ୍ୟକାରୀ ହେଉଛି । ଅର୍ଥାତ ଦେଶର ସାମ୍ବିଧାନିକ ମୁଖ୍ୟ ରାଷ୍ଟ୍ରପତି । ସେ ୪ ବର୍ଷ ପାଇଁ ନିର୍ବାଚିତ ହୋଇଥାନ୍ତି ଓ ଜଣେ ବ୍ୟକ୍ତି ସର୍ବାଧିକ ୨ ଥର ରାଷ୍ଟ୍ରପତି ଭାବେ ନିର୍ବାଚିତ ହୋଇପାରିବେ । ଭାରତ କିମ୍ବା ଅନ୍ୟ ଦେଶ ପରି ଏକାଧିକ ଥର ନୁହେଁ । ପ୍ରତି ୪ ବର୍ଷରେ ଥରେ ଏଠାରେ ନିର୍ବାଚନ ହୋଇଥାଏ । ତେବେ ଆମେରିକା ‘କଂଗ୍ରେସ’ (ଜାତୀୟ ବ୍ୟବସ୍ଥାପିକା ବା ସଂସଦ)ରେ ମୋଟ ୨ଟି ସଦନ ରହିଛି । ଉଚ୍ଚ ସଦନ ‘ସିନେଟ୍’ ଓ ନିମ୍ନ ସଦନ ‘ପ୍ରତିନିଧି ସଭା’ । ଅନ୍ୟାନ୍ୟ ଗଣତନ୍ତ୍ର ପରି ନିମ୍ନ ସଦନଟି ହିଁ ପ୍ରାୟତଃ ଅଧିକ ଆସନ ବିଶିଷ୍ଟ ଓ ସଂଖ୍ୟା ଦୃଷ୍ଟିରୁ ଶକ୍ତିଶାଳୀ ମଧ୍ୟ । ଉଭୟ ଗୃହରେ ମୋଟ ୫୩୮ ଚୟନକର୍ତ୍ତା ବା ‘ଇଲେକ୍ଟର’ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
