UK National Election: ବ୍ରିଟେନରେ କଡ ଲେଉଟାଇଲା କ୍ଷମତା । 14 ବର୍ଷ ପରେ ଦେଶରେ ସରକାର ଗଠନ କରିବାକୁ ଯାଉଛି ଲେବର ପାର୍ଟି । ସୁନକଙ୍କ ଉପରେ ଭାରି ପଡିଲେ କେର୍ ଷ୍ଟାରମର । ବ୍ରିଟେନ ସାଧାରଣ ନିର୍ବାଚନରେ ହାର ମାନିଲେ କଞ୍ଜରଭେଟିଭ ପାର୍ଟି ପ୍ରାର୍ଥୀ ଋଷି ସୁନକ । ଲେବର ପାର୍ଟିର ପ୍ରଧାନମନ୍ତ୍ରୀ ପ୍ରାର୍ଥୀ କେର୍ ଙ୍କୁ ବିଜୟର ଶୁଭେଚ୍ଛା ଜଣାଇଲେ ସୁନକ । ଆଜି ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବେ ଋଷି ।
United Kingdom Prime Minister Rishi Sunak concedes the general election to Keir Starmer and the Labour Party.
United Kingdom Prime Minister Rishi Sunak says
Keir Starmer set to become UK prime minister as early as tomorrow, succeeding Rishi Sunak pic.twitter.com/aVYhUAAiTX
— BNO News (@BNONews) July 4, 2024
ହାର ମାନିଲେ ସୁନକ: ବ୍ରିଟେନ ନିର୍ବାଚନରେ ଶୋଚନୀୟ ପରାଜୟ ପରେ ସୁନକଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ କହିଛନ୍ତି, ସାଧାରଣ ନିର୍ବାଚନରେ ଲେବର ପାର୍ଟି ଜିତିଛି ଏବଂ ମୁଁ କେର୍ ଷ୍ଟାର୍ମରଙ୍କୁ ଫୋନ କରି ବିଜୟର ଶୁଭେଚ୍ଛା ଜଣାଇଛି। ସମସ୍ତ ପକ୍ଷର ସଦଭାବନା ସହିତ ଆଜି କ୍ଷମତା, ଶାନ୍ତିପୂର୍ଣ୍ଣ ଏବଂ ବ୍ୟବସ୍ଥିତ ଢଙ୍ଗରେ ପରିବର୍ତ୍ତନ ହେବ । ଅନେକ ଭଲ, କଠିନ ପରିଶ୍ରମି ଓ ରୁଢୀବାଦୀ ପ୍ରାର୍ଥୀଙ୍କର ହାରିବାର ଉତ୍ତରଦାୟିତ୍ବ ମୁଁ ନିଜେ ନେଉଛି । ଯେଉଁ ମାନେ ସେମାନଙ୍କର ଅକ୍ଲାନ୍ତ ପରିଶ୍ରମ କରି ହାରିଯାଇଛନ୍ତି ସେମାନଙ୍କ ପାଇଁ ଦୁଃଖିତ । ବର୍ତ୍ତମାନ ମୁଁ ଲଣ୍ଡନ ଅଭିମୁଖେ ଯିବି, ଯେଉଁଠାରେ ମୁଁ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପୂର୍ବରୁ ଫଳାଫଳ ବିଷୟରେ ଅଧିକ କହିବି ।
Labour Party officially wins 2024 UK general election after reaching the required 326 seats#BBCElection live ⬇️
— BBC Breaking News (@BBCBreaking) July 5, 2024ଅବକି ବାର 400 ପାର୍: 14 ବର୍ଷ ପରେ ଦେଶରେ ପୁଣି କ୍ଷମତାକୁ ଫେରିଛି ଲେବର ପାର୍ଟି । କେର୍ ଷ୍ଟାର୍ମର ଦେଶର ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ଗତକାଲି 650 ଆସନରେ ନିର୍ବାଚନ ହୋଇଥିବା ବେଳେ ଲେବର ପାର୍ଟି 400ରୁ ଉର୍ଦ୍ଧ୍ବ ଆସନରେ ବିଜୟୀ ହୋଇ ସରକାର ଗଠନ କରିବାକୁ ଯାଉଛି । ଭୋଟ ଗଣତି ଏବେ ଜାରି ରହିଥିବା ବେଳେ ବିଧିବଦ୍ଧ ଘୋଷଣାକୁ ଅପେକ୍ଷା କରାଯାଇଛି । ସେହିପରି କଞ୍ଜରଭେଟିଭ ପାର୍ଟି 109 ସିଟ୍ରେ ବିଜୟୀ ହୋଇ ସରକାର ଗଠନ କରିବାରେ ବିଫଳ ହୋଇଛି ।
ବ୍ରିଟେନରେ କେର୍ ଷ୍ଟାର୍ମରଙ୍କ ରାଜ, ଭୋଟରଙ୍କୁ ଧନ୍ୟବାଦ ଜଣାଇଲେ: ଦଳର ବିଜୟ ପରେ କେର୍ ଷ୍ଟାର୍ମର ଦେଶବାସୀଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି, ନିର୍ବାଚନରେ ପ୍ରଚାର ସମୟରେ କଠିନ ପରିଶ୍ରମ କରିଥିବା ଓ ଯୋଉଁ ମାନେ ଲୋବପାର୍ଟି ଉପରେ ବିଶ୍ବାସ ରଖି ଭୋଟ ଦେଇଛନ୍ତି ସେମାନଙ୍କୁ ଧନ୍ୟବାଦ ।
ଗୁରୁବାର ବ୍ରିଟେନରେ ସାଧାରାଣ ନିର୍ବାଚନ ପାଇଁ ମତଦାନ ଆରମ୍ଭ ହୋଇଥିଲା । ବାଲାଟ ପେପରରେ 40 ହଜାର ମତଦାନ କେନ୍ଦ୍ରରେ 46 ମିଲିୟନ ବ୍ରିଟିଶ୍ ନାଗରିକ ସେମାନଙ୍କର ମତ ସାବ୍ୟସ୍ତ କରିଥିଲେ। ଶାସକ ଓ ବିରୋଧୀ ଦୁଇ ମୁଖ୍ୟ ଦଳ ବ୍ୟତୀତ ବ୍ରିଟେନରେ ପ୍ରାୟ 98 ଦଳ ନିର୍ବାଚନରେ ପ୍ରାର୍ଥୀ ଲଢାଇଥିଲେ । ମୈଦାନରେ ମୋଟ 4,515 ପ୍ରାର୍ଥୀ ରହିଥିଲେ। ସେମାନଙ୍କ ମଧ୍ୟରୁ 459 ସ୍ବାଧୀନ ପ୍ରାର୍ଥୀ ମଧ୍ୟ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ