ହାଇଦ୍ରାବାଦ: ଆମକୁ ସୁସ୍ଥ ରଖିବା ପାଇଁ ବ୍ୟାୟାମ ଏକ ସନ୍ତୁଳିତ ଖାଦ୍ୟ ଖାଇବା ପରି ଗୁରୁତ୍ୱପୂର୍ଣ୍ଣ ଅଟେ । କିନ୍ତୁ, ଆଜିକାଲି ଅନେକ ଲୋକ ବିଭିନ୍ନ କାରଣରୁ ଶାରୀରିକ କାର୍ଯ୍ୟକଳାପରୁ ଦୂରରେ ରୁହନ୍ତି । ଏହି କାରଣରୁ ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ହୁଅନ୍ତି । ଏପରି ସମୟରେ ବିଶେଷଜ୍ଞମାନେ କହିଛନ୍ତି ଯେ ଯେଉଁମାନେ ଜିମ୍ ଯାଇ ବ୍ୟାୟାମ କରିପାରିବେ ନାହିଁ ସେମାନେ ପ୍ରତିଦିନ ଅଧ ଘଣ୍ଟା ଚାଲିବା ଉଚିତ । ଚାଲିବା ଦ୍ୱାରା ଶରୀର ଫିଟ୍ ରହିବା ସହ ଅନେକ ରୋଗ ଦୂର କରିଥାଏ ବୋଲି କୁହାଯାଏ । ଏପରି ସମୟରେ ଲୋକଙ୍କ ମନରେ ଆସେ ଯେ, ଆମେ ଦିନକୁ କେତେ ଚାଲିବା ଦରକାର । ତେବେ ନିଜ ବୟସ ଅନୁଯାୟୀ କେତେ ଚାଲିବା ଦରକାର ? ଜାଣନ୍ତୁ,
କେଉଁ ବୟସର ବ୍ୟକ୍ତି ପ୍ରତିଦିନ କେତେ ଚାଲିବା ଉଚିତ୍?
ଜଣେ ବ୍ୟକ୍ତି ସୁସ୍ଥ ରହିବା ପାଇଁ ପ୍ରତିଦିନ ଅତି କମରେ ଅଧ ଘଣ୍ଟା ଚାଲିବା ଉଚିତ୍ । ବିଶେଷଜ୍ଞମାନେ କହିଛନ୍ତି ଯେ ଅଧ ଘଣ୍ଟା ଚାଲିବା ଦ୍ୱାରା ପ୍ରାୟ 10,000 ଷ୍ଟେପ ଅର୍ଥାତ୍ ୮ କିଲୋମିଟର ଚାଲିବା ଉଚିତ ।
- ୫ ରୁ ୭ବର୍ଷ ବୟସର ପିଲାମାନେ ଦୈନିକ ୧୨ ହଜାରରୁ ୧୫ ହଜାର ପଦଯାତ୍ରା ଅର୍ଥାତ୍ ୧୨ କିଲୋମିଟର ଚାଲିବା ଉଚିତ୍ ।
- ସେହିପରି ବିଶେଷଜ୍ଞମାନେ କହିଛନ୍ତି ଯେ ୧୮ରୁ ୪୦ବୟସ୍କ ଲୋକମାନେ ପ୍ରତିଦିନ ୧୨ ହଜାର ଷ୍ଟେପ୍ ଅର୍ଥାତ୍ ୯.୬ କିଲୋମିଟର ଚାଲିବା ଉଚିତ୍ ।
- 40 ବର୍ଷରୁ ଅଧିକ ଲୋକଙ୍କୁ ୧୧ ହଜାର ଅର୍ଥାତ୍ ୮.୮ କିଲୋମିଟର ଚାଲିବାକୁ ପରାମର୍ଶ ଦିଆଯାଇଛି ।
- ବିଶେଷଜ୍ଞମାନେ କହିଛନ୍ତି ଯେ ୫୦ ବର୍ଷୀୟ ବୟସ୍କ ଲୋକ ୧୦ ହଜାର ଅର୍ଥାତ୍ ୮କିଲୋମିଟର ଚାଲିଲେ ସୁସ୍ଥ ରହିପାରିବେ ।
- ସେହିପରି ୬୦ ବର୍ଷରୁ ଅଧିକ ବୟସ୍କ ବ୍ୟକ୍ତି ପ୍ରତିଦିନ ୮ହଜାର ଷ୍ଟେପ୍ ଅର୍ଥାତ୍ ୬.୪ କିଲୋମିଟର ଚାଲିବା ଉଚିତ ।
ଚାଲିବାର ଲାଭ:
ବିଶେଷଜ୍ଞମାନେ କହିଛନ୍ତି ଯେ ପ୍ରତିଦିନ ଚାଲିବା ହୃଦୟକୁ ସୁସ୍ଥ ରଖେ । ଏହା ଦ୍ୱାରା ହୃଦଘାତର ଆଶଙ୍କା କମ ହୁଏ ବୋଲି ମଧ୍ୟ କୁହାଯାଇଛି । ୨୦୧୯ରେ "ଦ ଲନସେଟ୍" ପତ୍ରିକାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବିଶେଷଜ୍ଞମାନେ ଜାଣିବାକୁ ପାଇଛନ୍ତି ଯେ ସପ୍ତାହରେ ପାଞ୍ଚ ଦିନ ୩୦ମିନିଟ ଚାଲିବା ଦ୍ୱାରା ହୃଦଘାତ ହେବାର ଆଶଙ୍କା ୨୭% କମିଯାଏ ।
- ଚାଲିବା ରୋଗ ପ୍ରତିରୋଧକ ଶକ୍ତି ବଢିଥାଏ । ଏହା ଅନେକ ପ୍ରକାରର ରୋଗକୁ ରୋକିଥାଏ ।
- ଚାଲିବା ଦ୍ୱାରା ରକ୍ତ ସଞ୍ଚାଳନ ବୃଦ୍ଧି ପାଇଥାଏ । ବିଶେଷଜ୍ଞମାନେ କହିଛନ୍ତି ଯେ ଝାଳ ମାଧ୍ୟମରେ ରକ୍ତରେ ଥିବା ଅଶୁଦ୍ଧତା ଦୂର ହୋଇଥାଏ ।
- ଉଚ୍ଚ ରକ୍ତଚାପରେ ପୀଡିତ ଲୋକମାନେ ଚାଲିବା ଦ୍ୱାରା ସେମାନଙ୍କର ରକ୍ତଚାପକୁ ନିୟନ୍ତ୍ରଣରେ ରଖିପାରିବେ ।
- ମଧୁମେହ ରୋଗୀମାନେ ପ୍ରତିଦିନ ଚାଲିବା ଦ୍ୱାରା ସେମାନଙ୍କର ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣରେ ରଖିପାରିବେ ।
- ନିୟମିତ ଚାଲିବା ଆପଣଙ୍କୁ ଓଜନ ହ୍ରାସ କରିବାରେ ସାହାଯ୍ୟ କରିଥାଏ ।
- ମାନସିକ ଅବସାଦ, ଚିନ୍ତା ଏବଂ ଚାପରେ ପୀଡିତ ଲୋକମାନେ ପ୍ରତିଦିନ ଚାଲିବା ଦ୍ୱାରା ଭଲ ଫଳାଫଳ ପାଇପାରିବେ ।
ଏହା ମଧ୍ୟ ପଢନ୍ତୁ: ଓଜନ କମାଇବାକୁ ଚାହୁଁଛନ୍ତି କି, କେତେ ଦୂର ଚାଲିବେ ?
