କେନ୍ଦ୍ରାପଡା: ବର୍ଷା ଦିନକୁ ସଂକ୍ରମଣ ହେବାର ଆଶଙ୍କା ବେଶୀ ଥାଏ । ତେଣୁ ବର୍ଷାଦିନେ ଯଥେଷ୍ଟ ସତର୍କତା ଅବଲମ୍ବନ କରାଯାଇଥାଏ । ମୁଖ୍ୟତଃ ଗର୍ଭବତୀ ମହିଳାଙ୍କ ଅଧିକ ସତର୍କତାର ଅବଲମ୍ବନ କରିବା ଉଚିତ୍ । ଗର୍ଭବତୀ ମହିଳାମାନେ ଏହିଦିନ ଗୁଡିକରେ କିପରି ନିଜର ଓ ଗର୍ଭସ୍ଥ ଶିଶୁର ଯତ୍ନ ନେବେ ସେନେଇ ସୂଚନା ଦେଇଛନ୍ତି ସ୍ତ୍ରୀ ଓ ପ୍ରସୂତି ରୋଗ ବିଭାଗର ବରିଷ୍ଠ ଚିକିତ୍ସକ ଡାକ୍ତର ଦେବପ୍ରସାଦ ସାହୁ ।
ଗର୍ଭାବସ୍ଥାରେ କମ ଥାଏ ରୋଗ ପ୍ରତିରୋଧକାରୀ ଶକ୍ତି:
ଡାକ୍ତର ଦେବପ୍ରସାଦ ସାହୁଙ୍କ ପରାମର୍ଶ ମୁତାବକ,"ଗର୍ଭାବସ୍ଥାରେ ସାଧାରଣତଃ ରୋଗ ପ୍ରତିରୋଧକାରୀ ଶକ୍ତି କମ ରହୁଥିବା ସମୟ । ଗର୍ଭବତୀ ମହିଳାଙ୍କ ରୋଗ ପ୍ରତିରୋଧକାରୀ ଶକ୍ତି ସାଧାରଣ ଲୋକ ଠାରୁ ଯଥେଷ୍ଟ କମ ରହିଥାଏ । କାରଣ ଗର୍ଭସ୍ଥ ଶିଶୁଟି ପେଟରେ ବଢୁଥାଏ ଏବଂ ମାଆ ବା ଗର୍ଭବତୀ ମହିଳା ଜଣଙ୍କ ଯାହା ଖାଇଥାଏ ତାହା ଶିଶୁଟିଏ ମଧ୍ୟ ପାଇଥାଏ । ଯେଉଁଥିପାଇଁ ଗର୍ଭବତୀ ମହିଳାଙ୍କ ଶରୀରର ରୋଗ ପ୍ରତିରୋଧକ ଶକ୍ତି ଅନ୍ୟମାନଙ୍କ ଅପେକ୍ଷା ଖୁବ କମ ହୋଇଥାଏ ।"
ବର୍ଷାଦିନେ ଗର୍ଭବତୀ ମହିଳା କାହିଁକି ଅଧିକ ସାବଧାନ ହେବା ଉଚିତ:
ଗ୍ରୀଷ୍ମଋତୁରେ ସାଧାରଣତଃ ଧୂଳିକଣା ବାୟୁମଣ୍ଡଳରେ ଘୁରି ବୁଲୁଥାଏ । ବର୍ଷା ହେଲେ ଏହି ଧୂଳିକଣା ଜମାଟ ବାନ୍ଧି ଭୂପୃଷ୍ଠରେ ପଡିଥାଏ । ଯାହାକି ମଶାମାଛିଙ୍କ ବଂଶ ବିସ୍ତାର କରିବାରେ ସହାୟକ ହୋଇଥାଏ । ବର୍ଷାଦିନେ ଗର୍ଭବତୀ ମହିଳାମାନଙ୍କ ରୋଗ ପ୍ରତିରୋଧକ ଶକ୍ତି କମ ହୋଇଥାଏ । ପ୍ରଦୂଷିତ ଜଳ ବା ଅଶୁଦ୍ଧ ପାନୀୟ କାରଣରୁ ବିଭିନ୍ନ ଜଳବାହିତ ସଂକ୍ରମଣ ରୋଗ ଗର୍ଭବତୀମାନଙ୍କ ନିକଟରେ ଦେଖା ଯାଇଥାଏ । ଯାହାକି ଗର୍ଭବତୀ ମହିଳା ଓ ପେଟରେ ବଢୁଥିବା ଗର୍ଭସ୍ଥ ଶିଶୁ ପାଇଁ ବିପଦ ପାଲଟିପାରେ । ତେଣୁ ଏହି ସମୟରେ ବିଶୁଦ୍ଧ ପାଣି ବ୍ୟବହାର ଏବଂ ପିଇବା ପାଇଁ ପରାମର୍ଶ ଦେଇଛନ୍ତି ଡାକ୍ତର ଦେବପ୍ରସାଦ ସାହୁ ।
ପ୍ରଦୂଷିତ ବାୟୁ ବାହିତ ରୋଗ ସଂକ୍ରମଣ ଆଶଙ୍କା ଅଧିକ:
ବର୍ଷାଦିନେ ଅପରିଷ୍କାର ପାଣି ସଂକ୍ରମଣ ଭଳି ଦୂଷିତ ବାୟୁ ଯୋଗୁଁ ସଂକ୍ରମଣର ଆଶଙ୍କା ଗର୍ଭବତୀଙ୍କ ନିକଟରେ ଅଧିକ ଥାଏ । ରୋଗ ପ୍ରତିରୋଧକ ଶକ୍ତି କମ ରହୁଥିବା କାରଣରୁ ଥଣ୍ଡା, ଛିଙ୍କ, ଜ୍ୱର ଓ କାଶ ମଧ୍ୟ ବ୍ୟାପିଥାଏ । ଏହାକୁ ଭାଇରାଲ ବା ଫ୍ଲୁ କୁହାଯାଇଥାଏ । ଏହି ରୋଗ ଗର୍ଭବତୀମାନଙ୍କୁ ଥରେ ବ୍ୟାପିଲେ ଉଭୟ ମାଆ ଓ ଗର୍ଭସ୍ଥ ଶିଶୁ ପାଇଁ ବିପଦ ହୋଇପାରେ । ଗର୍ଭବତୀ ମହିଳାମାନଙ୍କର ଜ୍ୱର ଓ କାଶ ହେଲେ ଗର୍ଭସ୍ଥ ଶିଶୁ ମଧ୍ୟ ଏହାର ଶିକାର ହୋଇଥାଏ । ଯାହାଫଳରେ କୌଣସି ପ୍ରକାର ଅଘଟଣ ଘଟିପାରେ ବୋଲି ଆଶଙ୍କା ରହିଥିବା କହିଛନ୍ତି ଡାକ୍ତର ଦେବପ୍ରସାଦ ସାହୁ ।
ବର୍ଷା ଦିନେ ମଶାମାଛି ବଂଶ ବୃଦ୍ଧି, ଗର୍ଭବତୀ ମହିଳାଙ୍କ ପାଇଁ ବିପଦଜ୍ଜନକ:
ବର୍ଷାଦିନେ ଗର୍ଭବତୀ ମହିଳା ଓ ଗର୍ଭସ୍ଥ ଶିଶୁଙ୍କ ପାଇଁ କ'ଣ ରହିଛି ସତର୍କତା ଏବଂ ପ୍ରତିକାର:
ବର୍ଷାଦିନ ପାଇଁ ଗର୍ଭବତୀ ମହିଳାମାନେ ଅଧିକ ରୋଗ ପ୍ରତିରୋଧକ ଶକ୍ତି ଥିବା ପୁଷ୍ଟିକ ଆହାର ସହ ଫଳ ଏବଂ ସବୁଜ ପନିପରିବା ଖାଇବା ଉଚିତ । ଏଥିସହ ବିଭିନ୍ନ କିସମର ଶାଗ ମଧ୍ୟ ଖାଇବା ଉଚିତ । ସେହିପରି ମାଛିଙ୍କ ଦାଉରୁ ରକ୍ଷା ପାଇବା ପାଇଁ ଘୋଡା ଯାଇଥିବା ଅଳ୍ପ ଉଷୁମ ଖାଦ୍ୟ ଖାଇବା ଉଚିତ । ମଶାଙ୍କ କବଳରୁ ରକ୍ଷା ପାଇବା ପାଇଁ କୌଣସି ପ୍ରକାର ମଶା ଧୂପ ଏବଂ ଲିକ୍ୱଡ଼ ବ୍ୟବହାରକୁ ସମ୍ପୂର୍ଣ୍ଣ ବାରଣ କରିବା ସହ କେବଳ ମଶାରୀ ଟାଙ୍ଗି ଶୋଇବା ଉଚିତ । ଘରର ଆଖପାଖରେ ପାଣି ଜମିଥିଲେ ଏହାକୁ ସଫା କରିବା ଉଚିତ । ସାଧାରଣତଃ ଦୂଷିତ ପାଣି ବ୍ୟବହାର ଦ୍ୱାରା ଥଣ୍ଡା, ଛିଙ୍କ ଭଳି ସଂକ୍ରାମକ ରୋଗ ବ୍ୟାପିଥାଏ । ତେଣୁ ଯଥାସମ୍ଭବ ଏହାଠାରୁ ଦୂରେଇ ରହିବା ଉଚିତ । ଅନ୍ୟପଟେ ଯଦି ଗର୍ଭବତୀ ମହିଳାଙ୍କୁ କୌଣସି ପ୍ରକାର ସଂକ୍ରାମକ ରୋଗ ହୁଏ ତେବେ ପ୍ରାକୃତିକ ଉପାୟରେ ଏହାର ପ୍ରାଥମିକ ଚିକିତ୍ସା କରାଯିବା ଉଚିତ, ନଚେତ ପାରସିଟାମଲ ବ୍ୟବହାର ସର୍ବନିମ୍ନ କରାଯିବା ଉଚିତ ବୋଲି କହିଛନ୍ତି ସ୍ତ୍ରୀ ଓ ପ୍ରସୂତି ରୋଗ ବିଭାଗ ଡାକ୍ତର ଦେବପ୍ରସାଦ ସାହୁ ।
ଇଟିଭି ଭାରତ, କେନ୍ଦ୍ରାପଡ଼ା
