ହାଇଦ୍ରାବାଦ: କମଲ ହାସନ ଆଜି ତାଙ୍କର 70 ତମ ଜନ୍ମଦିନ ପାଳନ କରୁଛନ୍ତି । ତାଙ୍କ ଜନ୍ମଦିନରେ କମଲ ହାସନ ତାଙ୍କ ଫ୍ୟାନ୍ସଙ୍କୁ ଭେଟି ଦେଇଛନ୍ତି । ଆଜି ତାଙ୍କ ଜନ୍ମଦିନରେ କମଲ ହାସନ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଥଗ୍ ଲାଇଫ୍'ର ଟିଜର ରିଲିଜ କରି ଫିଲ୍ମ କେବେ ପରଦାକୁ ଆସିବ ତାହା ପ୍ରକାଶ କରିଛନ୍ତି । କମଲ ହାସନ ଦୀର୍ଘ ଦିନ ଧରି ମଲ୍ଟି ଷ୍ଟାରର ଚଳଚ୍ଚିତ୍ର 'ଥଗ୍ ଲାଇଫ'ରେ କାମ କରିଆସୁଛନ୍ତି । ଆଜି ଥଗ୍ ଲାଇଫ୍ ନିର୍ମାତାମାନେ ଫିଲ୍ମର ଟିଜର, ପୋଷ୍ଟର ଏବଂ ରିଲିଜ୍ ତାରିଖ ଘୋଷଣା କରିଛନ୍ତି । ତେବେ କେବେ ଫିଲ୍ମ ରିଲିଜ ହେବ ?ଜାଣନ୍ତୁ,
ଥଗ୍ ଲାଇଫ୍ କେବେ ରିଲିଜ ହେବ?
କମଲ ହାସନଙ୍କ ଫିଲ୍ମ 'ଥଗ୍ ଲାଇଫ୍' ପାଇଁ ଅଧିକ ସମୟ ଅପେକ୍ଷା କରିବାକୁ ପଡିବ । କାରଣ ଥଗ୍ ଲାଇଫ୍ ଚଳିତ ବର୍ଷ ରିଲିଜ୍ ହେବ ନାହିଁ । ଫିଲ୍ମ 'ଥଗ୍ ଲାଇଫ୍' ଆସନ୍ତାବର୍ଷ ଜୁନ୍ 5, 2025 ରେ ପ୍ରେକ୍ଷାଳୟକୁ ଆସୁଛି । ଥଗ ଲାଇଫରୁ ପୋଷ୍ଟରରେ କମଲ ହାସନ ଏବଂ ସିମ୍ବୁଙ୍କ ଲୁକ୍ ଦେଖିବାକୁ ମିଳିଛି । କହିରଖୁଛୁ କି, ଥଗ ଲାଇଫକୁ ଲୋକପ୍ରିୟ ନିର୍ଦ୍ଦେଶକ ମଣି ରତ୍ନମ ନିର୍ଦ୍ଦେଶନା ଦେଇଛନ୍ତି । 36 ବର୍ଷ ପରେ କମଲ ହାସନ ଏବଂ ମଣି ରତ୍ନାମ ଏକ ଫିଲ୍ମ ପାଇଁ ଏକାଠି ହୋଇଛନ୍ତି । ଏହାପୂର୍ବରୁ ଏହି ଯୋଡି ଫିଲ୍ମ 'ନାୟକନ' ନିର୍ମାଣ କରିଥିଲେ ଯାହାକି ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା । ତେବେ ଏହି ଯୋଡ଼ି ପୁଣିଥରେ ବକ୍ସ ଅଫିସରେ ଧମାକା କରିବାକୁ ପ୍ରସ୍ତୁତ ।
ଏହା ମଧ୍ୟ ପଢନ୍ତୁ: କମଲ ହାସନଙ୍କ 70ତମ ଜନ୍ମଦିନ, ସ୍ୟାଣ୍ଡ୍ ଆନିମେସନରେ ସୁପରଷ୍ଟାରଙ୍କୁ ଶୁଭେଚ୍ଛା ଜଣାଇଲେ ବାଲୁକା ଶିଳ୍ପୀ
ଏହି ତାରକା ଆସିବେ ନଜର
ଏ ଆର୍ ରେହମାନଙ୍କ ଦ୍ୱାରା ଥଗ୍ ଲାଇଫ୍ ସଂଗୀତ ଦେଇଥିବା ବେଳେ ଏଥିରେ କମଲ ହାସନଙ୍କ ବ୍ୟତୀତ ତ୍ରିଶା କ୍ରିଷ୍ଣନ୍, ନାସିର, ଜୋଜୁ ଜର୍ଜ, ଅଲି ଫୈଜଲ, ଐଶ୍ୱର୍ଯ୍ୟା ଲକ୍ଷ୍ମୀ ଏବଂ ଅଭିରାମିଙ୍କ ଷ୍ଟାର କାଷ୍ଟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଏହା ପୂର୍ବରୁ ଶଙ୍କରଙ୍କ ଫିଲ୍ମ 'ଇଣ୍ଡିଆନ୍ 2'ରେ କମଲ ହାସନ ନଜର ଆସିଥିଲେ । ଯାହା ଭାରତୀୟ ବକ୍ସ ଅଫିସରେ ଭଲ କଲେକ୍ସନ କରିଥିଲା । ଏହା ବ୍ୟତୀତ କମଲ ହାସନଙ୍କୁ ପ୍ରଭାସ, ଅମିତାଭ ବଚ୍ଚନ, ଦୀପିକା ପାଦୁକୋନ ଷ୍ଟାରର ତଥା ନାଗ ଅଶ୍ୱିନଙ୍କ ଫିଲ୍ମ 'କଲ୍କି 2898AD'ରେ ଜଣେ ଭିଲେନ ଭାବରେ ଦେଖିବାକୁ ମିଳିଥିଲା । ଯାହା ଚଳିତ ବର୍ଷ 2024 ର ସର୍ବାଧିକ ଆୟକାରୀ ଚଳଚ୍ଚିତ୍ର ଭାବେ ରେକର୍ଡ କରିଥିଲା ।
ଏହା ମଧ୍ୟ ପଢନ୍ତୁ: କମଲ@70; 200ରୁ ଅଧିକ ଫିଲ୍ମରେ ଦେଖାଇଛନ୍ତି ଜଲୱା, 6 ବର୍ଷରେ ପାଇଥିଲେ ଗୋଲ୍ଡ ମେଡାଲ୍, 2 ଥର ହାତେଇଛନ୍ତି ପଦ୍ମ ପୁରସ୍କାର
ବ୍ୟୁରୋ ରିପୋର୍ଟ, ଇଟିଭି ଭାରତ
