ହାଇଦ୍ରାବାଦ: ଜଣାଶୁଣା ଅଭିନେତା ମନୋଜ ବାଜପେୟୀଙ୍କ ବହୁ ଚର୍ଚ୍ଚିତ ତଥା ବ୍ଲକବଷ୍ଟର ୱେବ ସିରିଜ 'ଦି ଫ୍ୟାମିଲି ମ୍ୟାନ'ର ତୃତୀୟ ସିଜନକୁ ଦର୍ଶକମାନେ ଉତ୍ସାହର ସହ ଅପେକ୍ଷା କରିଛନ୍ତି । ଏଭଳି ପରିସ୍ଥିତିରେ ଦର୍ଶକଙ୍କ ଅପେକ୍ଷାର ଅନ୍ତ ହୋଇଛି । ଏହି ସିରିଜର ତୃତୀୟ ସିଜିନର ସୁଟିଂ ଆରମ୍ଭ ହୋଇଛି । ପ୍ରାଇମ ଭିଡିଓ ସୁଟିଂ ସମୟର ଫଟୋ ସେୟାର କରି ଏହି ସୂଚନା ଦେଇଛନ୍ତି ।
ମନୋଜ ବାଜପେୟୀଙ୍କୁ ଟ୍ୟାଗ କରି ପ୍ରାଇମ୍ ଭିଡିଓ 'ଦ ଫ୍ୟାମିଲି ମ୍ୟାନ' ସିଜନ ୩ର ସୁଟିଂ ଘୋଷଣା କରିଛି । ନିର୍ମାତାମାନେ ଇନଷ୍ଟାଗ୍ରାମରେ କ୍ଲିପବୋର୍ଡ ଏବଂ ମନୋଜ ବାଜପେୟୀଙ୍କ ସହ ଟିମର ଫଟୋ ସେୟାର କରିଛନ୍ତି । ପ୍ରଥମ ଫଟୋରେ କ୍ଲିପବୋର୍ଡର ଫଟୋ ଦେଖିବାକୁ ମିଳିଥିବା ବେଳେ ଦ୍ୱିତୀୟଟିରେ ମନୋଜ ବାଜପେୟୀ, ଶୋ'ର ନିର୍ଦ୍ଦେଶକ ରାଜ ଏବଂ ଡି.କେଙ୍କ ସହ ପୋଜ୍ କରୁଥିବା ଦେଖିବାକୁ ମିଳିଛି । ଏହି ଫଟୋ ସେୟାର କରିବାବେଳେ ନିର୍ମାତାମାନେ କ୍ୟାପସନରେ ଲେଖିଛନ୍ତି, ''TFM3W ? ଆମ: ସୁଟିଂ ଆରମ୍ଭ ହେଲା ।''
'ଦ ଫ୍ୟାମିଲି ମ୍ୟାନ' ଷ୍ଟାରକାଷ୍ଟ
'ଦ ଫ୍ୟାମିଲି ମ୍ୟାନ' ମନୋଜ ବାଜପେୟୀଙ୍କ ପ୍ରଥମ ୱେବସିରିଜ ଅଟେ । ଏହି ସିରିଜର ପ୍ରଥମ ଦୁଇଟି ଭାଗ ହିଟ ହେବା ସହ ଲୋକପ୍ରିୟତା ହାସଲ କରିଥିଲା । ଏହି ଧାରାବାହିକରେ ମନୋଜ ବାଜପେୟୀ ଶ୍ରୀକାନ୍ତ ତିୱାରୀଙ୍କ ଚରିତ୍ରରେ ନଜର ଆସିଥିବା ବେଳେ ପୁଣି ୩ୟ ସିଜନରେ ଏହି ଚରିତ୍ର ସହ ଧମାକା କରିବେ ବୋଲି ଜଣାପଡିଛି । 'ଫ୍ୟାମିଲି ମ୍ୟାନ' ରାଜ ଏବଂ ଡି.କେ. ଏହି ହିଟ୍ ଯୋଡି ଏହି ଧାରାବାହିକର ନିର୍ଦ୍ଦେଶନା ଦେଇଛନ୍ତି । ସୁମନ କୁମାର ଏବଂ ରାଜ, ଡି.କେ ଏକାଠି ଦି ଫ୍ୟାମିଲି ମ୍ୟାନର କାହାଣୀ ଲେଖିଛନ୍ତି । ସିରିଜର ତୃତୀୟ ଭାଗରେ କିଛି ପୁରୁଣା ଚେହେରା ପୁଣି ଥରେ ଦେଖିବାକୁ ମିଳିବ । ମନୋଜ ବାଜପେୟୀଙ୍କ ବ୍ୟତୀତ ପ୍ରିୟମଣି (ସୁଚିତ୍ରା ତିୱାରୀ), ଶରିବ ହାଶ୍ମୀ (ଜେ.କେ ତଲପଡେ), ଅଶଲେଶା ଠାକୁର (ଧୃତି ତିୱାରୀ) ଏବଂ ବେଦାନ୍ତ ସିହ୍ନା (ଅଥର୍ବ ତିୱାରୀ) ଭଳି ତାରକା ନଜର ଆସିବେ ।
'ଦ ଫ୍ୟାମିଲି ମ୍ୟାନ'ର କାହାଣୀ
'ଦ ଫ୍ୟାମିଲି ମ୍ୟାନ'ରେ ମନୋଜ ଓରଫ ଶ୍ରୀକାନ୍ତଙ୍କୁ ଜାତୀୟ ସୁରକ୍ଷା ପ୍ରତି ମୁକାବିଲା କରିବା ସହ ପାରିବାରିକ ଜୀବନର ଦାୟିତ୍ୱ ତୁଲାଉଥିବା ମଧ୍ୟ ଦେଖିବାକୁ ମିଳିବ । ଅର୍ଥାତ ଶ୍ରୀକାନ୍ତ ଏକ ମଧ୍ୟବିତ୍ତ ପରିବାରର ହୋଇଥିବା ବେଳେ ସେ ତାଙ୍କ ପତ୍ନୀଙ୍କ ସହ ସମ୍ପର୍କକୁ ସୁଦୃଢ କରିବା ପାଇଁ ଅନେକ ଚେଷ୍ଟା କରୁଥିବା ଦେଖିବାକୁ ମିଳିବ । ଏଥିସହ ସେ ନିଜ ଦେଶକୁ ଶତ୍ରୁମାନଙ୍କ ଠାରୁ ମଧ୍ୟ ରକ୍ଷା କରିବାକୁ ଲଢେଇ କରୁଥିବା ନଜର ଆସିବେ ।
