ହାଇଦ୍ରାବାଦ: 2 ନଭେମ୍ବର ଅର୍ଥାତ୍ ଆଜି ଶାହାରୁଖ ଖାନଙ୍କୁ ଆଜି 59 ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ । ଏପରି ସମୟରେ ଓସ୍କାର ଏକାଡେମୀ ଶାହାରୁଖ ଖାନଙ୍କୁ ଶୁଭେଚ୍ଛା ଜଣାଇଛି । ସେହିପରି ଫରହା ଖାନ ମଧ୍ୟ କିଙ୍ଗ ଖାନଙ୍କୁ ଶୁଭେଚ୍ଛା ଜଣାଇଛନ୍ତି । ସୋସିଆଲ ମିଡିଆରେ ପୋଷ୍ଟ ସେୟାର କରି ଓସ୍କାର ଏକାଡେମୀ ଏବଂ ଫରାହ ଖାନ ଶାହାରୁଖଙ୍କୁ ଶୁଭେଚ୍ଛା ଜଣାଇଛନ୍ତି ।
ଓସ୍କାର ଏକାଡେମୀ ଶାହାରୁଖ ଖାନ, ହ୍ରିତିକ ରୋଶନ, କାଜୋଲ, କରୀନା କପୁର, ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ଅଭିନୀତ ପାରିବାରିକ ଡ୍ରାମା ଚଳଚ୍ଚିତ୍ର 'କଭି ଖୁସୀ କଭି ଘମ'ର ଆଇକନିକ ସିନ୍ ଶାହାରୁଖ ଖାନଙ୍କ ଏଣ୍ଟ୍ରି ସିନ୍ ସେୟାର କରିଛନ୍ତି ଏବଂ ଏହାକୁ ଚମତ୍କାର ବୋଲି ବର୍ଣ୍ଣନା କରିଛନ୍ତି । ଏହି ଭିଡିଓର କ୍ୟାପସନରେ ଲେଖା ଅଛି, 'ମାଆଙ୍କ ମନ ସର୍ବଦା ଠିକ୍ ବୋଲି ପ୍ରମାଣ କରେ ।' ତେବେ କହିରଖୁଛୁ କି, ଶାହାରୁଖ ଖାନଙ୍କ ଅଭିନୀତ ଚଳଚ୍ଚିତ୍ର କାଲ ହୋ ନା ହୋର ନିର୍ଦ୍ଦେଶକ ନିଖିଲ ଆଡଭାନୀ ନିକଟରେ ପ୍ରକାଶ କରିଥିଲେ ଯେ ଶାହାରୁଖ ଖାନ ଫିଲ୍ମ ର ଏହି ସିନକୁ ପସନ୍ଦ କରୁନାହାନ୍ତି । ନିର୍ଦ୍ଦେଶକ କହିଥିଲେ ଯେ ଶାହାରୁଖ ଖାନ ଅନୁଭବ କରନ୍ତି ଯେ ଏହି ସିନରେ ଜୟା ବଚ୍ଚନଙ୍କୁ ଅଧିକ ପ୍ରାଧାନ୍ୟ ଦିଆଯାଉଛି । ତେବେ ଏହି ପୋଷ୍ଟ ସେୟାର ହେବା ମାତ୍ରେ ଫ୍ୟାନ୍ସ ଫିଲ୍ମକୁ ପୁଣି ମନେ ପକାଇବା ସହ ଶାହାରୁଖଙ୍କ ଖୁବ ପ୍ରଶଂସା କରିଛନ୍ତି ।
ଏହା ମଧ୍ୟ ପଢନ୍ତୁ: ଶାଶୁଙ୍କ ସହ ନାଚିଲେ ଶାହାରୁଖ, 'ପଠାନ' ଗୀତରେ ସିଗ୍ନେଚର ପୋଜ୍ ଦେଇ ଜିତିଲେ ଫ୍ୟାନ୍ସଙ୍କ ମନ
ସୂଚନା ଥାଉ କି, 2001 ରେ ମୁକ୍ତିଲାଭ କରିଥିବା ଫିଲ୍ମ 'କଭି ଖୁସୀ କବି ଘମ' ନିର୍ଦ୍ଦେଶନା ଦେଇଥିଲେ କରଣ ଜୋହର । ଏହା 'କୁଛ କୁଛ ହୋତା ହେ' ପରେ କରଣ ଜୋହର ଏବଂ ଶାହାରୁଖ ଖାନଙ୍କ ବଡ ହିଟ ଫିଲ୍ମ ଥିଲା । ଏହି ଚଳଚ୍ଚିତ୍ରରେ ଶାହାରୁଖ ଖାନ ଅମିତାଭ ବଚ୍ଚନ-ଜୟା ବଚ୍ଚନଙ୍କ ପୁଅ ଏବଂ ହ୍ରିତିକ ରୋଶନଙ୍କ ବଡ଼ ଭାଇ ଭୂମିକାରେ ଅଭିନୟ କରିଥିଲେ । ଯେତେବେଳେ କି, କାଜୋଲ ଏହି ଫିଲ୍ମରେ ଶାହାରୁଖ ଖାନଙ୍କ ପତ୍ନୀ ହୋଇଥିଲେ । ଏହି ସମୟରେ ହ୍ରିତିକ ରୋଶନ ଏବଂ କରୀନା କପୁର ଖାନଙ୍କୁ ପ୍ରଥମ ଥର ଏକାଠି ଦେଖିବାକୁ ମିଳିଥିଲା । ଏହି ଫିଲ୍ମ ଆଜି ବି ଲୋକେ ଦେଖିବାକୁ ବେଶ ଭଲ ପାଆନ୍ତି ।
ଏହା ମଧ୍ୟ ପଢନ୍ତୁ: ହୁରୁନ ଇଣ୍ଡିଆ ଧନୀ ତାଲିକାରେ ଡେବ୍ୟୁ କଲେ ଶାହାରୁଖ ଖାନ; ଜାଣନ୍ତୁ ବାଦଶାହାଙ୍କ ନେଟୱର୍ଥ କେତେ ?
ସେହିପରି ନିର୍ମାତା ଫରାହ ଖାନ ମଧ୍ୟ ଶାହାରୁଖ ଖାନଙ୍କ ଜନ୍ମଦିନରେ କିଛି ଥ୍ରୋବ୍ୟାକ ଫଟୋ ସେୟାର କରି କିଙ୍ଗ ଖାନଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ପ୍ରଥମ ଫଟୋରେ ଫରାହ ଏବଂ ଶାହାରୁଖ ନଜର ଆସିଛନ୍ତି । ଦ୍ୱିତୀୟ ଫଟୋରେ ଫରାହ, ଗୌରୀ ଖାନ ଖାନ, କରଣ ଜୋହର, ଆଲିଆ ଭଟ୍ଟ, ସିଦ୍ଧାର୍ଥ ମଲହୋତ୍ରା ଏବଂ କ୍ୟାଟ୍ରିନା କୈଫ ଶାହାରୁଖ ଖାନଙ୍କ ସହ ନଜର ଆସିଛନ୍ତି । ତୃତୀୟ ଚିତ୍ରରେ ସୁଶାନ୍ତ ସିଂ ରାଜପୁତ ମଧ୍ୟ ଶାହାରୁଖ ଖାନ ଏବଂ ଫରାହଙ୍କ ସହ ନଜର ଆସିଛନ୍ତି । ଚତୁର୍ଥ ଫଟୋରେ ଫରାହ, ଶାହାରୁଖ ଏବଂ ପୂଜା ଦାଦଲାନି ନଜର ଆସିଛନ୍ତି । ଏହି ଫଟୋ ସେୟାର କରି ସେ ଶାହାରୁଖ ଖାନଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
