ମୁମ୍ବାଇ: 'ଦଶରା' ଓ 'ହାୟ ନାନା'ର ଜବରଦସ୍ତ ସଫଳତା ପରେ ସାଉଥ ସୁପର ସୁପରଷ୍ଟାର ନାନୀ ଏବେ ପୁଣିଥରେ ପରଦାକୁ ଫେରିଛନ୍ତି । ତାଙ୍କର ଆଗାମୀ ଆକ୍ସନ ଫିଲ୍ମ 'ସରିପୋଧା ଶନିବାରମ୍' ସହିତ ପୁଣିଥରେ ବଡ ପରଦାରେ ଧମାଲ ମଚାଇବେ । ନାନୀଙ୍କ ଜନ୍ମଦିନରେ ଫିଲ୍ମର ପ୍ରଥମ ଝଲକ ସାମ୍ନାକୁ ଆସିଛି । ପ୍ରଥମ ଲୁକ ପୋଷ୍ଟର ଓ ଟିଜରରେ ନାନୀଙ୍କୁ ଜବରଦସ୍ତ ଅନ୍ଦାଜରେ ଦେଖିବାକୁ ମିଳିଛି ।
'ସରିପୋଧା ଶନିବାରମ୍' 'ଟିଜରରେ ସାଉଥ ସୁପରଷ୍ଟାର ନାନୀ ଆଙ୍ଗ୍ରି ୟଙ୍ଗ ମ୍ୟାନ ଭାବରେ ମାରପିଟ କରୁଥିବାର ନଜର ଆସିଛନ୍ତି । ବିବେକ ଅତ୍ରେୟଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମରେ ନାଚୁରାଲ ଷ୍ଟାରଙ୍କ ସହିତ ସାଉଥ ଅଭିନେତା ଏସଜେ ସୂର୍ଯ୍ୟଙ୍କୁ ମଧ୍ୟ ଦେଖିବାକୁ ମିଳିବ । ଗତକାଲି(ଶନିବାର) ନାନିଙ୍କ ଜନ୍ମଦିନରେ ଫିଲ୍ମ ମେକର ଫ୍ୟାନ୍ସଙ୍କୁ ଏହି ଭେଟି ଦେଇଛନ୍ତି । ଟିଜରରେ ନାନୀଙ୍କୁ ଆଙ୍ଗ୍ରି ୟଙ୍ଗ ମ୍ୟାନ ଭୂମିକାରେ ଦେଖିବାକୁ ମିଳିଥିବା ବେଳେ ଏସ.ଜେ ସୂର୍ଯ୍ୟଙ୍କୁ ଫିଲ୍ମରେ ପୋଲିସ୍ ଭୂମିକାରେ ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ - ଫିଲ୍ମ ଫ୍ରାଇଡେରେ ରିଲିଜ ହେଲା ଆର୍ଟିକିଲ ୩୭୦, ଫାଷ୍ଟ ଡେ ଫାଷ୍ଟ ଶୋରେ ହାଉସଫୁଲ
ଫିଲ୍ମ ନିର୍ମାତା ଟିଜରକୁ ଡିଭିଭି ମୁଭିଜର ଅଫିସିଆଲ ଆକାଉଣ୍ଟରେ ସେୟାର କରି କ୍ୟାପସନରେ ଲେଖିଛନ୍ତି ଯେ, 'ଜନ୍ମଦିନର ଶୁଭେଚ୍ଛା ଭାଇ ନାନୀ । ସମସ୍ତଙ୍କ ପାଇଁ ଆମ ତରଫରୁ ଉପହାର । ସାମୁହିକ ଉପହାର ଅଟେ..' ଫିଲ୍ମ ' ସରିପୋଧା ଶନିବାରମ୍'ର ନିର୍ମାଣ ଡିବିବି ଦାନୟା ଓ ଡିବିବି ଏଣ୍ଟରଟେନମେଣ୍ଟର କଲ୍ୟାଣୀ ଦାଶାରୀ ଦ୍ବାରା ପ୍ରସ୍ତୁତ ହୋଇଛି । ଫିଲ୍ମରେ ନାନିଙ୍କ ସହିତ ପ୍ରିୟଙ୍କା ଅରୁଲ ମୋହନଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ମିଳିବ । ବିବେକ ଅତ୍ରେୟଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ 'ସରିପୋଧା ଶନିବାରମ୍' ତେଲୁଗୁ, ତାମିଲ, କନ୍ନଡ, ମାଲାୟାଲମ ଓ ହିନ୍ଦୀ ଭାଷାରେ ରିଲିଜ ହେବ ।
ପ୍ରକାଶ ଥାଉକି, ଗତବର୍ଷ ନାନି ଅଭିନୀତ ଫିଲ୍ମ ଦଶରା ଭାରତୀୟ ବକ୍ସ ଅଫିସରେ ଦମଦାର ପ୍ରଦର୍ଶନ କରିଥିଲା । ଫିଲ୍ମଟି ଗତବର୍ଷ ମାର୍ଚ୍ଚ 30ରେ ରିଲିଜ ହୋଇଥିଲା ଏବଂ ରିଲିଜ ହେବାର 6 ଦିନରେ ଫିଲ୍ମ 100 କୋଟି କ୍ଲବରେ ସାମିଲ ହୋଇଥିଲା । ଏହି ଫିଲ୍ମଟି ଦର୍ଶକଙ୍କୁ ବେଶ ପସନ୍ଦ ଆସିଥିଲା ।
