ହାଇଦ୍ରାବାଦ: 26 ଜୁଲାଇ ଆଜି ଭାରତୀୟ ମାନଙ୍କ ପାଇଁ ଗର୍ବର ଦିନ । ୧୯୯୯ ମସିହାରେ, କାର୍ଗିଲ ଯୁଦ୍ଧରେ ଭାରତ ପାକିସ୍ତାନକୁ ପରାସ୍ତ କରିଥିଲା । ତେବେ କାର୍ଗିଲ ଯୁଦ୍ଧରେ ଶହୀଦ ହୋଇଥିବା ବୀରମାନଙ୍କ ସମ୍ମାନାର୍ଥେ ପ୍ରତିବର୍ଷ 26 ଜୁଲାଇରେ କାର୍ଗିଲ ବିଜୟ ଦିବସ ପାଳନ କରାଯାଏ । ଏହି ଦିନ କାର୍ଗିଲ ଯୁଦ୍ଧରେ ଶହୀଦ ହୋଇଥିବା ଭାରତୀୟ ଯବାନଙ୍କ ବଳିଦାନ ଏବଂ ବୀରତ୍ୱ ସ୍ମରଣ କରାଯାଇଥାଏ । କାର୍ଗିଲ ଯୁଦ୍ଧକୁ ୨୫ ବର୍ଷ ବିତିଗଲାଣି । ବଲିଉଡର ଅନେକ ସେଲିବ୍ରେଟ୍ ମଧ୍ୟ କାର୍ଗିଲ ବିଜୟ ଦିବସରେ ସୋସିଆଲ ମିଡିଆରେ ପୋଷ୍ଟ କରି ଶହୀଦଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ସିଦ୍ଧାର୍ଥ ମଲହୋତ୍ରା ଠାରୁ ଅନୁପମ ଖେର ପର୍ଯ୍ୟନ୍ତ ସେଲିବ୍ରିଟି ଶୁଭେଚ୍ଛା ଜଣାଇଛନ୍ତି ।
ଅନୁପମ ଖେର ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମରେ କାର୍ଗିଲ ବିଜୟ ଦିବସର ୨୫ତମ ବାର୍ଷିକୀରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି, ''କାର୍ଗିଲ ଦିବସର ୨୫ ତମ ବାର୍ଷିକୀ ଅବସରରେ ଭାରତୀୟ ସେନାକୁ ଅଭିନନ୍ଦନ ଏବଂ ଯୁଦ୍ଧରେ ଶହୀଦ ହୋଇଥିବା ଯୋଦ୍ଧା ତଥା ସେମାନଙ୍କ ପରିବାରବର୍ଗଙ୍କୁ ମୋର ସମ୍ମାନ । ଜୟ ହିନ୍ଦ ।''
ସେହିପରି ଜ୍ୟାକି ଶ୍ରଫ କାର୍ଗିଲ ଯୁଦ୍ଧ ସହ ଜଡିତ ଏକ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଭିଡିଓରେ ସେ ସେହି ଯୁଦ୍ଧ ବିଷୟରେ ଅନେକ କଥା କହିଛନ୍ତି । ଏହା ସହ ସେ କ୍ୟାପସନରେ ଲେଖିଛନ୍ତି ଯେ ସମସ୍ତ ସାହସୀ ବୀରଙ୍କୁ ଶ୍ରଦ୍ଧାଞ୍ଜଳି ଏବଂ ସେମାନଙ୍କ ପରିବାର ପ୍ରତି ସମ୍ମାନ । ଜୟ ହିନ୍ଦ । ସେପଟେ ବିକି କୌଶଲ ମଧ୍ୟ ଇନଷ୍ଟାଗ୍ରାମ ଷ୍ଟୋରୀରେ କାର୍ଗିଲ ବିଜୟ ଦିବସ ନେଇ ଏକ ପୋଷ୍ଟ କରିଛନ୍ତି । ସମସ୍ତ ବୀରଙ୍କୁ ଶ୍ରଦ୍ଧାଞ୍ଜଳି ଏବଂ ସେମାନଙ୍କ ପରିବାରକୁ ସମ୍ମାନ ଜଣାଇଛନ୍ତି ।
ସେହିପରି ଅଭିନେତା ସିଦ୍ଧାର୍ଥ ମଲହୋତ୍ରା ତାଙ୍କ ଫିଲ୍ମ 'ଶେରଶାହା' ସହ ଜଡିତ ଏକ କ୍ଲିପ୍ ସେୟାର କରିଛନ୍ତି । ଏହା ସହିତ ସେ ଶହୀଦଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହା ସେୟାର କରି ଲେଖିଛନ୍ତି ଯେ କାର୍ଗିଲ ବିଜୟ ଦିବସ ଉପରେ ମୁଁ ଦେଶ ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ହିରୋମାନଙ୍କୁ ନମସ୍କାର କରୁଛି । ସେମାନଙ୍କର ସାହସିକତା ଆମକୁ ପ୍ରତିଦିନ ପ୍ରେରଣା ଯୋଗାଇଥାଏ । ଜୟ ହିନ୍ଦ । ସେହିପରି ରକୁଲ ପ୍ରୀତ ସିଂ ପରି ଅନେକ ସେଲିବ୍ରିଟି ମଧ୍ୟ ସମସ୍ତ ଶହୀଦଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: କାର୍ଗିଲ ବିଜୟଗାଥା, ହିନ୍ଦୁସ୍ତାନ ସେନାର ପରାକ୍ରମରେ ହାରିଲା ପାକିସ୍ତାନ, କାର୍ଗିଲ ଶୀର୍ଷରେ ଉଡିଲା ତ୍ରିରଙ୍ଗା; 13 ଓଡିଆ ଯବାନଙ୍କ ବଳିଦାନକୁ ଝୁରୁଛି ଓଡିଶା
ବ୍ୟୁରୋ ରିପୋର୍ଟ, ଇଟିଭି ଭାରତ
