ହାଇଦ୍ରାବାଦ: ସାଉଥ ଫିଲ୍ମ ନିର୍ମାତା ଅଟଲି କୁମାରଙ୍କୁ କିଏ ବା ନ ଜାଣେ । ସେ ନିଜ ନିର୍ଦ୍ଦେଶନାରେ ନିର୍ମିତ ଅନେକ ହିଟ୍ ଫିଲ୍ମ ଦେଇ ଦର୍ଶକଙ୍କ ମନ ଜିତିଛନ୍ତି । ୨୦୨୩ରେ ସେ ଫିଲ୍ମ 'ଜବାନ' ସହ ବଲିଉଡରେ ଡେବ୍ୟୁ କରିଥିବା ବେଳେ ଏହି ଫିଲ୍ମ ବିଶ୍ୱରେ ଇତିହାସରେ ରେକର୍ଡ ସୃଷ୍ଟି କରିଥିଲା । ଫିଲ୍ମଟି ୧୧ଶହ କୋଟିରୁ ଅଧିକ ଆୟ କରିବା ସହ ବେଶ ଲୋକପ୍ରିୟତା ହାସଲ କରିଥିଲା । ଯାହା ପରେ ସେ ଖୁବ ଚର୍ଚ୍ଚାରେ ରହିଆସିଛନ୍ତି । ଏହାରି ମଧ୍ୟରେ ବର୍ତ୍ତମାନ ଅଟଲିଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ ଦମଦାର ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଯାହା ଦେଖି ଫ୍ୟାନ୍ସ ଅଟଲିଙ୍କ ଖୁବ ପ୍ରଶଂସା କରୁଛନ୍ତି ।
ନିର୍ଦ୍ଦେଶକ ଶଙ୍କରଙ୍କ ଝିଅଙ୍କ ବିବାହରେ ଚଳଚ୍ଚିତ୍ର ଇଣ୍ଡଷ୍ଟ୍ରିର ଭେଟେରାନ ତାରକା ରଜନୀକାନ୍ତ, କମଲ ହାସନ, ବିକ୍ରମ, ସୂର୍ଯ୍ୟ, ଆର୍ ରହମାନ, ଚିରଞ୍ଜୀବୀ, ରାମ ଚରଣ, ବୋନି କପୁର, ଜାହ୍ନବୀ କପୁର ଏବଂ ନିର୍ଦ୍ଦେଶକ ମଣିରତ୍ନାମ ଯୋଗ ଦେଇଥିଲେ । ବର୍ତ୍ତମାନ ବିବାହ ସମାରୋହର ଅନେକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଅନେକ ତାରକା ଠୁମକା ଲଗାଇଥିଲେ । ତେବେ ଏହି ସମୟରେ ରଣଭୀର ସିଂ ତାଙ୍କର ଅନେକ ଗୀତରେ ଠୁମକା ଲଗାଇଥିବା ବେଳେ ନିର୍ଦ୍ଦେଶକ ଅଟଲିଙ୍କୁ ମଧ୍ୟ ଡ୍ୟାନ୍ସ କରିବାକୁ ଆମନ୍ତ୍ରଣ କରିଥିଲେ । ଯାହା ପରେ ଅଟଲି ଏପରି କିଛି ଡ୍ୟାନ୍ସ ପରଫର୍ମ କରିଛନ୍ତି । ଯାହା ରଣଭୀର ସମେତ ଉପସ୍ଥିତ ଅତିଥି ଏବଂ ଫ୍ୟାନ୍ସଙ୍କୁ ତାଜୁବ କରିଛି ।
ବିବାହରେ ଡିଜେର ତାଳେତାଳେ ନିର୍ଦ୍ଦେଶକ ଅଟଲି ସାଉଥ ଷ୍ଟାଇଲର ଦମଦାର ଡ୍ୟାନ୍ସ ପ୍ରଦର୍ଶନ କରିଛନ୍ତି । ପରେ ରଣଭୀର ମଧ୍ୟ ତାଙ୍କ ସହ ନାଚୁଥିବାର ନଜର ଆସିଛନ୍ତି । ଉଭୟ ଅଟଲି ଏବଂ ରଣଭୀର ସମସ୍ତ ବ୍ଲାକ ଆଉଟଫିଟ ଲୁକରେ ନଜର ଆସିଛନ୍ତି । ବର୍ତ୍ତମାନ ଅଟଲିଙ୍କ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ତାଙ୍କର ଲୁକ୍କାୟିତ ପ୍ରତିଭାର ଖୁବ ପ୍ରଶଂସା କରିଛନ୍ତି ।
ଏହା ମଧ୍ୟ ପଢନ୍ତୁ: ଶାହାରୁଖଙ୍କ ପରେ ଏହି 4 ଟପ୍ ଅଭିନେତାଙ୍କ ସହ ଧମାକା କରିବେ 'ଜବାନ' ନିର୍ଦ୍ଦେଶକ, ଚାଲିଛି ପ୍ରସ୍ତୁତି
ସୂଚନା ଥାଉ କି, 'ଜବାନ୍' ନିର୍ଦ୍ଦେଶକ ଅଟଲିଙ୍କ ପ୍ରକୃତ ନାମ ହେଉଛି ଅରୁଣ କୁମାର । ସେ ୨୦୧୩ରେ ରାଜା ରାଣୀ ଫିଲ୍ମ ସହ ତାମିଲ ଇଣ୍ଡଷ୍ଟ୍ରିରେ ଡେବ୍ୟୁ କରିଥିଲେ । ପରେ 2016ରେ ଥେରି, 2017ରେ ମାର୍ସଲ, 2019ରେ ବିଗିଲ ଫିଲ୍ମରେ ନିର୍ଦ୍ଦେଶକ ଏବଂ ରାଇଟର ଭାବେ କାମ କରିଛନ୍ତି । ତେବେ ଅଟଲିଙ୍କ ନିର୍ଦ୍ଦେଶିତ ଫିଲ୍ମ ବିଗିଲ ଏକ ବ୍ଲକବଷ୍ଟର ଥିଲା ଏବଂ ଏହି ଫିଲ୍ମ 200 କୋଟି ମାର୍କ ଅତିକ୍ରମ କରିଥିଲା । ପରେ ସେ ୨୦୨୩ରେ ଜବାନ ସହ ବଲିଉଡରେ ଏଣ୍ଟ୍ରି କରିଥିଲେ ଏବଂ ଏହି ଫିଲ୍ମରେ ସେ ଶାହାରୁଖ ଖାନଙ୍କ ପ୍ରଥମ ଥର ପାଇଁ କାମ କରିଥିବା ବେଳେ ଫିଲ୍ମଟି ବ୍ଲକବ୍ଲଷ୍ଟର ହୋଇଥିଲା ।
