ହାଇଦ୍ରାବାଦ: ଆଜି (ନଭେମ୍ବର 1 ରେ) ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ସିଙ୍ଘମ ଏଗେନ' ଏବଂ 'ଭୁଲ୍ ଭୁଲେୟା 3' ଏକାସାଙ୍ଗେ ରିଲିଜ ହୋଇଛି । ଉଭୟ ଫିଲ୍ମ ମଧ୍ୟରେ ବକ୍ସ ଅଫିସରେ କଡା ଟକ୍କର ଦେଖିବାକୁ ମିଳିଥିବା ବେଳେ ଉଭୟ ଫିଲ୍ମ ଦର୍ଶକଙ୍କ ମନ ଜିତିବାରେ ସଫଳ ହୋଇଛି । ଫିଲ୍ମକୁ ନେଇ ସୋସିଆଲ ମିଡିଆରେ ଲୋକେ ପ୍ରତିକ୍ରିୟା ଦେଉଛନ୍ତି । କିଏ 'ସିଙ୍ଘମ ଏଗେନ' ବ୍ଲକବ୍ଲଷ୍ଟର ଟ୍ୟାଗ ଦେଉଛି ତ କିଏ 'ଭୁଲ୍ ଭୁଲେୟା 3'କୁ ପଇସା ଭସୁଲ ଫିଲ୍ମ କହୁଛି । ଏପରି ସମୟରେ ଉଭୟ ଫିଲ୍ମର ଷ୍ଟାର ଅର୍ଜୁନ କପୁର ଏବଂ କାର୍ତ୍ତିକ ଆର୍ଯ୍ୟନ ସିଦ୍ଧିବିନାୟକ ମନ୍ଦିର ପରିଦର୍ଶନ କରିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ସିଦ୍ଧିବିନାୟକଙ୍କ ଦର୍ଶନ କଲେ କାର୍ତ୍ତିକ ଆର୍ଯ୍ୟନ
କାର୍ତ୍ତିକ ଆର୍ଯ୍ୟନ 'ଭୁଲ ଭୁଲେୟା 3' ରିଲିଜରେ ସିଦ୍ଧବିନାୟକ ମନ୍ଦିର ଦର୍ଶନ କରିଛନ୍ତି । ଏହି ସମୟରେ ସେ ହ୍ୱାଇଟ ସାର୍ଟ ଏବଂ ବ୍ଲୁ ଜିନ୍ସରେ ନଜର ଆସିଥିଲେ । ଏଥିସହ ଅଭିନେତା ଏକ ନାଲି ଏବଂ ହଳଦିଆ ଚୁନି ମଧ୍ୟ ପିନ୍ଧିଥିଲେ । କାର୍ତ୍ତିକ ଆର୍ଯ୍ୟନ ଜନତାଙ୍କ ମଧ୍ୟରେ ବାପ୍ପାଙ୍କ ଆଶୀର୍ବାଦ ନେଇଥିଲେ ଏବଂ ପ୍ରଶଂସକଙ୍କୁ ମଧ୍ୟ ନିରାଶ କରିନଥିଲେ । ଅଭିନେତାମାନେ ଗୋଟିଏ ପରେ ଗୋଟିଏ ଫ୍ୟାନ୍ସଙ୍କ ସହ ସେଲ୍ପି ମଧ୍ୟ ନେଇଥିଲେ । ଜଣେ ପ୍ରଶଂସକଙ୍କ ଜନ୍ମଦିନକୁ ମଧ୍ୟ ସେ ସ୍ୱତନ୍ତ୍ର କରିଥିଲେ । କାର୍ତ୍ତିକ ପ୍ରଶଂସକଙ୍କ ହାତ ଧରି କେକ୍ କାଟିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ପରେ ଖୁବ ପ୍ରଶଂସା ସାଉଁଟୁଛନ୍ତି ଅଭିନେତା ।
ସିଦ୍ଧିବିନାୟକଙ୍କ ଦର୍ଶନ କଲେ ଅର୍ଜୁନ କପୁର
'ସିଙ୍ଘମ ଏଗେନ' ରିଲିଜ ଅବସରରେ ଅଭିନେତା ଅର୍ଜୁନ କପୁର ମଧ୍ୟ ସିଦ୍ଧବିନାୟକ ମନ୍ଦିର ପରିଦର୍ଶନ କରିଛନ୍ତି । ସୋସିଆଲ ମିଡିଆରେ ଅଭିନେତାଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ଦର୍ଶନ ପରେ ବାହାରକୁ ଆସୁଥିବାର ନଜର ଆସିଛନ୍ତି। ଏହି ସମୟରେ ସେ ହ୍ୱାଇଟ ରଙ୍ଗର ଶେରୱାନିରେ ନଜର ଆସିଛନ୍ତି । ତେବେ ଫିଲ୍ମର ସଫଳତା ପାଇଁ ବାବା ସିଦ୍ଧିବିନାୟକଙ୍କ ନିକଟରେ ଆଶୀର୍ବାଦ କାମନା କରିଛନ୍ତି ।
ଏହା ମଧ୍ୟ ପଢନ୍ତୁ: 'ସିଙ୍ଘମ ଏଗେନ-ଭୁଲ ଭୁଲେୟା 3' ଆସିଲା ରିଭ୍ୟୁ; ବ୍ଲକବ୍ଲଷ୍ଟର ନା ଫ୍ଲପ୍...ଅଜୟ ଦେବଗନ ନା କାର୍ତ୍ତିକ ଆର୍ଯ୍ୟନ, କିଏ କାହା ଉପରେ ପଡିଲା ଭାରୀ ?
'ସିଙ୍ଘମ ଏଗେନ' ବିଷୟରେ କହିବାକୁ ଗଲେ, ଏହି ଫିଲ୍ମ ଏକ ଆକ୍ସନ୍ ଏବଂ ଥ୍ରୀଲର ଚଳଚ୍ଚିତ୍ର ଅଟେ । ଏଥିରେ ଅଜୟ ଦେବଗନଙ୍କ ସହ ରଣଭୀର ସିଂ, ଦୀପିକା ପାଦୁକୋନଙ୍କ ବ୍ୟତୀତ ମଲ୍ଟି ଷ୍ଟାର ଅର୍ଥାତ୍ ଅକ୍ଷୟ କୁମାର, କରୀନା କପୁର ଖାନ, ଟାଇଗର ଶ୍ରଫ ଏବଂ ଅର୍ଜୁନ କପୁରଙ୍କୁ ଦେଖିବାକୁ ମିଳିଛି । ଏଥିସହ ଏଥିରେ ସଲମାନ ଖାନଙ୍କୁ ଚୁଲବୁଲ ପାଣ୍ଡେ ଭୂମିକାରେ କ୍ୟାମିଓ ରୋଲରେ ଦେଖିବାକୁ ମିଳିଛି । 'ଭୁଲ ଭୁଲେୟା 3' ବିଷୟରେ କହିବାକୁ ଗଲେ, ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନ, ତ୍ରିପ୍ତି ଡିମ୍ରୀ ଏବଂ ବିଦ୍ୟା ବାଲାନ ଓ ମାଧୁରୀ ଦୀକ୍ଷିତ ମଧ୍ୟ ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
