ହାଇଦ୍ରାବାଦ: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ୍ ଚେୟାରମ୍ୟାନ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଏବଂ ଶିଳ୍ପପତି ବିରେନ୍ ମର୍ଚ୍ଚାଣ୍ଟଙ୍କ ଝିଅ ରାଧିକା ମର୍ଚ୍ଚାଣ୍ଟ ଖୁବ ଶୀଘ୍ର ବିବାହ କରିବାକୁ ଯାଉଛନ୍ତି । ବର୍ତ୍ତମାନ ଏହି କପଲ ପ୍ରି-ୱେଡିଂ ସେଲିବ୍ରେସନ କରୁଛନ୍ତି । ମାର୍ଚ୍ଚ ଆରମ୍ଭରେ ଗୁଜୁରାଟର ଜାମନଗରରେ ଅନନ୍ତ-ରାଧିକାଙ୍କ ପ୍ରି-ୱେଡିଂ ହୋଇଥିବା ବେଳେ ଏବେ ଉଭୟ ଇଟାଲୀରେ ଦ୍ୱିତୀୟ ପ୍ରି-ୱେଡିଂ ପାଳନ କରୁଛନ୍ତି । ଶାହାରୁଖ ଖାନଙ୍କ ଠାରୁ ସଲମାନ ଖାନ ପର୍ଯ୍ୟନ୍ତ ସମସ୍ତ ବଲିଉଡ ତାରକା ଅନନ୍ତ-ରାଧିକାଙ୍କ କ୍ରୁଜ ପାର୍ଟୀରେ ଯୋଗଦେବା ପାଇଁ ଇଟାଲୀରେ ପହଞ୍ଚିଛନ୍ତି । ଅନେକ ବିଦେଶୀ ସେଲିବ୍ରିଟି ମଧ୍ୟ ଏହି ଉତ୍ସବରେ ଅଂଶଗ୍ରହଣ କରିଛନ୍ତି । ଏହି ସମୟରେ ଅନନ୍ତ-ରାଧିକାଙ୍କ ବିବାହର ନିମନ୍ତ୍ରଣ କାର୍ଡ ମଧ୍ୟ ପ୍ରକାଶ ପାଇଛି । ଏହି କପଲ ଜୁଲାଇ ୧୨ରେ ହାତକୁ ଦି'ହାତ ହେବାକୁ ଯାଉଛନ୍ତି ।
ବିଦେଶରେ ନୁହଁ ଭାରତରେ ହେବ ଅନନ୍ତ-ରାଧିକାଙ୍କ ବିବାହ
ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟଙ୍କ ବିବାହ ମୁମ୍ବାଇର ଜିଓ ୱାର୍ଲ୍ଡ କନଭେନସନ୍ ସେଣ୍ଟରରେ ଅନୁଷ୍ଠିତ ହେବ । ପୂର୍ବରୁ ଉଭୟଙ୍କ ବିବାହ ଲଣ୍ଡନରେ ହେବ ବୋଲି କୁହାଯାଉଥିଲା । କିନ୍ତୁ ବିବାହ କାର୍ଡ ଅନୁଯାୟୀ ଉଭୟଙ୍କ ବିବାହ ମୁମ୍ୱାଇରେ ହେବ ବୋଲି ଜଣାପଡିଛି । ଜୁଲାଇ ୧୨ରେ ଏହି କପଲ ବିବାହ ବନ୍ଧନରେ ବାନ୍ଧି ହେବେ । କପଲଙ୍କ ବିବାହ କାର୍ଯ୍ୟର ବିବରଣୀ ମଧ୍ୟ କାର୍ଡରେ ଦିଆଯାଇଛି ।
୩ଦିନ ଧରି ଚାଲିବ ବିବାହ ସମାରୋହ
ଅନନ୍ତ-ରାଧିକାଙ୍କ ବିବାହର ନିମନ୍ତ୍ରଣ କାର୍ଡ ଅନୁଯାୟୀ, ବିବାହ କାର୍ଯ୍ୟ ତିନି ଦିନ ଧରି ଚାଲିବ । ୧୨ ଜୁଲାଇରେ ଶୁଭ ବିବାହ କିମ୍ବା ବିବାହ କାର୍ଯ୍ୟ ସହ ଆରମ୍ଭ ହେବ । ଡ୍ରେସ୍ କୋଡ୍ ଭାରତୀୟ ପାରମ୍ପାରିକ ହେବ । ଜୁଲାଇ ୧୩ ଶୁଭ ଆଶୀର୍ବାଦର ଦିନ ହେବ । ଏହି ଦିନ ସମସ୍ତେ ଇଣ୍ଡିଆନ ଫର୍ମାଲ ଡ୍ରେସ କୋଡରେ ନଜର ଆସିବେ । ୧୪ ଜୁଲାଇରେ ଏକ ମଙ୍ଗଳ ଉତ୍ସବ ବା ବିବାହ ରିସେପ୍ସନ୍ ହେବ । ଏହି ଦିନ ସମସ୍ତେ ଇଣ୍ଡିଆନ ଡ୍ରେସ କୋର୍ଡରେ ନଜର ଆସିବେ ।
ଅନନ୍ତ-ରାଧିକାଙ୍କ ବିବାହ କାର୍ଡ ପାରମ୍ପାରିକ ଲାଲ ଏବଂ ସୁବର୍ଣ୍ଣ ରଙ୍ଗର ଅଟେ । ଏହି ବିବାହର କାର୍ଡରେ ପରିବାର ସଦସ୍ୟଙ୍କ ନାମ ଦିଆଯାଇଛି । ମୁକେଶ ଅମ୍ବାନୀ-ନୀତା ଅମ୍ବାନୀଙ୍କ ବ୍ୟତୀତ ଝିଅ ଇଶା ଅମ୍ବାନୀ ଏବଂ ତାଙ୍କ ସ୍ୱାମୀ ଆନନ୍ଦ ପିରାମଲଙ୍କ ନାମ ମଧ୍ୟ ସାମିଲ ହୋଇଛି । ଏହା ବ୍ୟତୀତ ପୁଅ ଆକାଶ ଅମ୍ବାନୀ ଏବଂ ବୋହୂ ଶ୍ଲୋକା ମେହେତାଙ୍କ ନାମ ଦିଆଯାଇଛି । ଏହା ସହିତ ପ୍ରୀତି ଅମ୍ବାନୀ, ଆଦିଶାକ୍ଷୀ ଅମ୍ବାନୀ, କୃଷ୍ଣ ଅମ୍ବାନୀ ଏବଂ ବେଦ ଅମ୍ବାନୀଙ୍କ ନାମ ଅମ୍ବାନୀ ପରିବାରର ସାନ ସଦସ୍ୟଙ୍କ ମଧ୍ୟରେ ଅନ୍ତର୍ଭୁକ୍ତ କରାଯାଇଛି ।
ଏହା ମଧ୍ୟ ପଢନ୍ତୁ: ଅନନ୍ତ ଅମ୍ବାନୀଙ୍କ ହାତଘଣ୍ଟା ଦେଖି ଫିଦା ହେଲେ ମାର୍କ ଜୁକରବର୍ଗଙ୍କ ପତ୍ନୀ, ଦାମ୍ ଜାଣିଲେ ଉଡିଯିବ ହୋସ୍
ବ୍ୟୁରୋ ରିପୋର୍ଟ, ଇଟିଭି ଭାରତ
