ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ରିଲିଜ ହେଲା ଟାଇଗର ଶ୍ରଫ ଏବଂ ଆକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଫିଲ୍ମ 'ବଡ଼େ ମିୟାଁ ଛୋଟେ ମିୟାଁ'ର ଟ୍ରେଲର । ଗତକାଲି (ମାର୍ଚ୍ଚ 26)ରେ ବଡେ ମିୟାଁ ଛୋଟେ ମିୟାଁର ଟ୍ରେଲର ରିଲିଜ ହୋଇଛି । ଯେଉଁଥିରେ ଅକ୍ଷୟ କୁମାର ଏବଂ ଟାଇଗର ଶ୍ରଫ ଲିଡ଼ ରୋଲରେ ନଜର ଆସିଛନ୍ତି । ଫିଲ୍ମର ନିର୍ମାତାମାନେ ଗତକାଲି ସକାଳେ ଏହି ଆକ୍ସନ୍ ଡ୍ରାମା ଫିଲ୍ମ ଟ୍ରେଲରର ନୂଆ ପୋଷ୍ଟର ସେୟାର କରି ଏହି ସୂଚନା ଦେଇଛନ୍ତି । ଏଥିରେ ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ସିଟିମାର ଆକ୍ସନ ସିନ ଭରପୁର ହୋଇ ରହିଛି ।
- " class="align-text-top noRightClick twitterSection" data="">
ଏହି 3.31 ମିନିଟର ଟ୍ରେଲରଟି ଆକ୍ସନରେ ଭରପୁର ଥିବା ବେଳେ ଏଥିରେ ଦର୍ଶକ ବୋମା ବିସ୍ଫୋରଣ ଏବଂ ଦମଦାର ଗନ ଫାଇଟିଂ ସିକ୍ବେନ୍ସର ମଜା ନେବେ । ଟ୍ରେଲରରେ ଅକ୍ଷୟ କୁମାର ଏବଂ ଟାଇଗର ଶ୍ରଫ ଏପରି ଏକ ଶତ୍ରୁ ସନ୍ଧାନରେ ଅଛନ୍ତି ଯାହାର ନା କୌଣସି ପରିଚୟ ଅଛି, ଆଉ ନା ତାର କୌଣସି ଠିକଣା ଅଛି । ସେପଟେ ଫିଲ୍ମର ଖଳନାୟକ ଭାରତକୁ ଧ୍ୱଂସ କରିବାର ସ୍ବପ୍ନ ଦେଖୁଛି । ତେବେ ସମଗ୍ର ସୈନ୍ୟ ବାହିନୀ ତାକୁ ହରାଇବାରେ ବିଫଳ ହେବା ପରେ ଏହି ଶତ୍ରୁକୁ ଟ୍ରାକ୍ କରିବା ପାଇଁ ବଡେ ମିଆଁ ଏବଂ ଛୋଟେ ମିଆଁଙ୍କୁ ଡକାଯାଇଥିବା ଦର୍ଶାଯାଇଛି । ଏହି ଆକ୍ସନ୍ ଯୋଡ଼ି ନିଜ ନିଜ ଷ୍ଟାଇଲରେ ଭିଲେନକୁ ହରାଇବା ପାଇଁ ଚେଷ୍ଟା କରୁଥିବା ଦେଖିବାକୁ ମିଳିଛି । ଶେଷରେ ସେମାନେ ପରସ୍ପରର ଶତ୍ରୁ ହୋଇଯାଇଥିବା ଦେଖିବାକୁ ମିଳିଛି । ତେବେ ଏମିତି କଣ ପାଇଁ ହେଲା..... ସେଟା ଫିଲ୍ମ ଦେଖିଲା ପରେ ଜଣା ପଡ଼ିବ।
ଏହା ମଧ୍ୟ ପଢ଼ନ୍ତୁ..... 'ବଡ଼େ ମିୟାଁ ଛୋଟେ ମିୟାଁ' ଟିଜର ରିଲିଜ, ଟାଇଗର-ଅକ୍ଷୟଙ୍କ ଆକ୍ସନ ଅବତାର ଉଡ଼ାଇଲା ହୋସ୍
ତେବେ ଏହି ଆକ୍ସନ୍ ଡ୍ରାମା ଫିଲ୍ମର ନିର୍ଦ୍ଦେଶନା ଅଲି ଅବ୍ବାସ ଜାଫର ଦେଇଥିବା ବେଳେ ଜ୍ୟାକି ଭଗ୍ନାନୀ ଏବଂ ରକୁଲ ପ୍ରୀତ ସିଂଙ୍କ ପ୍ରଡକ୍ସନ ହାଉସ ପୂଜା ଏଣ୍ଟରଟେନମେଣ୍ଟ ଏହାର ପ୍ରଡ୍ୟୁସର ରହିଛି। ତେବେ ଏହି ଫିଲ୍ମ ଆଗାମୀ ଇଦ୍ (ଏପ୍ରିଲ୍ 10)ରେ ରିଲିଜ୍ ହେବାକୁ ଥିବା ସୂଚନା ରହିଛି । ତେବେ ଏହି ଫିଲ୍ମର ଲିଡ଼ କାଷ୍ଟିଂ ଭାବରେ ଅକ୍ଷୟ କୁମାର, ଟାଇଗର ଶ୍ରଫ, ସୋନାକ୍ଷୀ ସିହ୍ନା ଏବଂ ମାନୁଶି ଚିଲର ନଜର ଆସିବେ। ଫିଲ୍ମରେ ଅନେକ ଆକ୍ସନ ସିନ ଥିବା ବେଳେ ଏହା ଅଲଗା ଅଲଗା ଲୋକେସନ ପାଇଁ ଅନେକ ସହରରେ ସୁଟିଂ କରାଯାଇଛି। ତେବେ ପ୍ରଥମଥର ପାଇଁ ଫ୍ୟାନ୍ସମାନେ ଅକ୍ଷୟ ଏବଂ ଟାଇଗରଙ୍କୁ ଏକାଠି ବଡ଼ ପରଦାରେ ଦେଖିବାକୁ ପାଇବେ । ଅଲି ଅବ୍ବାସ ଯେ ସଲମାନ ଖାନଙ୍କ ସହ ଭାରତ ଏବଂ ଟାଇଗର ଜିନ୍ଦା ହେ ଭଳି ଫିଲ୍ମ ଦେଇଛନ୍ତି ସେ ଏହି ଆକ୍ସନ୍ ଯୋଡିକୁ ଏକାଠି କାଷ୍ଟ କରିଛନ୍ତି । ତେବେ ଏହି ଦୁଇ ଜଣ ଷ୍ଟାର ତାଙ୍କ ଫିଲ୍ମ ପ୍ରମୋସନ କରୁଥିବା ବେଳେ ଆଇପିଏଲ୍ ଉଦଘାଟନୀ ସମାରୋହ ଏବଂ ହୋଲି ସେଲିବ୍ରେସନରେ ମଧ୍ୟ ଏକାଠି ନଜର ଆସିଥିଲେ ।
ବ୍ୟୁରୋ ରିପୋର୍ଟ ,ଇଟିଭି ଭାରତ
