ହାଇଦ୍ରାବାଦ: ଆଉ ମାତ୍ର ଗୋଟିଏ ଦିନର ଅପେକ୍ଷା । ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଆକ୍ସନ୍ ଫିଲ୍ମ 'ପୁଷ୍ପା ୨' ବଡ ପରଦାରେ ଆସିବାକୁ ଯାଉଛି । ଯାହାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ଫିଲ୍ମ ଡିସେମ୍ୱର 5ରେ ରିଲିଜ ହେବ । ତେବେ ଫିଲ୍ମର ଆଡଭାନ୍ସ ବୁକିଂ ଜୋରସୋରରେ ଚାଲିଥିବା ବେଳେ ଏହି ଚଳଚ୍ଚିତ୍ର ଟିକେଟ୍ ମୂଲ୍ୟ ନେଇ ବର୍ତ୍ତମାନ କେଉଁଠି ରେକର୍ଡ କରିଛି ତ ଆଉ କେଉଁଠି ଆଇନଗତ ସମସ୍ୟାର ସମ୍ମୁଖୀନ ହୋଇଛି । ଆନ୍ଧ୍ରପ୍ରଦେଶରେ ଫିଲ୍ମର ଟିକେଟ୍ ମୂଲ୍ୟ ବୃଦ୍ଧି ନେଇ ମଞ୍ଜୁରୀ ମିଳିଥିବା ବେଳେ ତେଲେଙ୍ଗାନାରେ ଏନେଇ ଯାଚିକା ଦାୟର ହୋଇଛି ।
BREAKING: Petition filed in Telangana High Court against #Pushpa2 ticket price hike.
— Manobala Vijayabalan (@ManobalaV) December 2, 2024
Hearing tomorrow.
SHOCKING!
- ଆନ୍ଧ୍ରରେ ମହଙ୍ଗା ହେଲା 'ପୁଷ୍ପା 2' ଟିକେଟ୍
ଆନ୍ଧ୍ରପ୍ରଦେଶ ସରକାର 13 ଦିନ ପାଇଁ 'ପୁଷ୍ପା 2' ର ଟିକେଟ୍ ମୂଲ୍ୟରେ ଉଲ୍ଲେଖନୀୟ ବୃଦ୍ଧି ପାଇଁ ମଞ୍ଜୁରୀ ଦେଇଛନ୍ତି । 'ପୁଷ୍ପା 2' ନିର୍ମାତାଙ୍କ ଅନୁରୋଧ ପରେ ଏହି ବୃଦ୍ଧିକୁ ଅନୁମୋଦନ କରାଯାଇଥିଲା, ପ୍ରିମିୟର୍ ସୋ ଏବଂ ସ୍କ୍ରିନିଂର ପ୍ରଥମ 13 ଦିନରେ ଟିକେଟ ମୂଲ୍ଯ ଏକ ସ୍ୱତନ୍ତ୍ର ମୂଲ୍ୟ ଗଠନ କରାଯିବ ବୋଲି ନିଶ୍ଚିତ କରିଛନ୍ତି । ତେବେ ଡିସେମ୍ବର 4 ରେ ରାତି 9:30 ରେ ନିର୍ମିତ ପ୍ରିମିୟର୍ ସୋ ତେଲୁଗୁ ରାଜ୍ୟଗୁଡିକର ଚୟନ ପ୍ରେକ୍ଷାଳୟରେ ଅନୁଷ୍ଠିତ ହେବ ।
I extend my heartfelt thanks to the Government of Andhra Pradesh for approving the ticket hike. This progressive decision demonstrates your steadfast commitment to the growth and prosperity of the Telugu film industry.
— Allu Arjun (@alluarjun) December 2, 2024
A special note of thanks to the Hon’ble @AndhraPradeshCM,…
- ଟିକେଟ୍ ଦାମ୍ କେତେ ?
'ପୁଷ୍ପା 2' ର ଟିକେଟ୍ ମୂଲ୍ୟ ଆନ୍ଧ୍ରପ୍ରଦେଶରେ ଏକ ନୂତନ ମାନଦଣ୍ଡ ସ୍ଥାପନ କରି ଇତିହାସ ସୃଷ୍ଟି କରିଛି । ଡିସେମ୍ବର 4 ରେ ପ୍ରିମିୟର୍ ସୋ ପାଇଁ ଉଭୟ ସିଙ୍ଗଲ୍ ସ୍କ୍ରିନ୍ ଏବଂ ମଲ୍ଟିପ୍ଲେକ୍ସ ପାଇଁ ଟିକେଟ୍ ମୂଲ୍ୟ 944 ଟଙ୍କା (ଜିଏସ୍ଟି ଅନ୍ତର୍ଭୂକ୍ତ କରି) ରହିଛି । ଏହା ରାଜ୍ୟରେ ସର୍ବାଧିକ ଟିକେଟ୍ ମୂଲ୍ୟ ପାଇଁ ଏକ ରେକର୍ଡ ସୃଷ୍ଟି କରିଛି । ଡିସେମ୍ବର 5 ର ଅଫିସିଆଲ୍ ରିଲିଜ୍ ଦିନରେ ଗୋଟିଏ ସ୍କ୍ରିନ୍ ଥିଏଟରର ଟିକେଟ୍ ମୂଲ୍ୟ 324.50 ଟଙ୍କା ଥିବାବେଳେ ମଲ୍ଟିପ୍ଲେକ୍ସ ଟିକେଟ୍ ମୂଲ୍ୟ 413 ଟଙ୍କା ରହିବ । ତେବେ ଟିକେଟ୍ ମୂଲ୍ୟ ବୃଦ୍ଧି ସହ 'ପୁଷ୍ପା 2' ମହଙ୍ଗା ତେଲୁଗୁ ଫିଲ୍ମ ହୋଇପାରିଛି ।
- ଆନ୍ଧ୍ର ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ ଅଲ୍ଲୁ ଅର୍ଜୁନ
ଆନ୍ଧ୍ରପ୍ରଦେଶରେ ଟିକେଟ୍ ମୂଲ୍ୟ ବୃଦ୍ଧି ହେବା ପରେ ଅଲ୍ଲୁ ଅର୍ଜୁନ ସୋସିଆଲ ମିଡିଆକୁ ଯାଇ ଆନ୍ଧ୍ର ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି। ଏକ୍ସରେ ସେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏବଂ ଉପମୁଖ୍ୟମନ୍ତ୍ରୀ ପୱନ କଲ୍ୟାଣଙ୍କୁ ଅଦମ୍ୟ ସମର୍ଥନ ଜଣାଇ ଏକ ହୃଦୟସ୍ପର୍ଶୀ ବାର୍ତ୍ତା ସେୟାର କରିଛନ୍ତି । ସେ ଲେଖିଛନ୍ତି, ''ଟିକେଟ୍ ବୃଦ୍ଧିକୁ ଅନୁମୋଦନ କରିଥିବାରୁ ମୁଁ ଆନ୍ଧ୍ରପ୍ରଦେଶ ସରକାରଙ୍କୁ ଅଶେଷ ଧନ୍ୟବାଦ ଜଣାଉଛି। ଏହି ନିଷ୍ପତ୍ତି ତେଲୁଗୁ ଚଳଚ୍ଚିତ୍ର ଶିଳ୍ପର ଅଭିବୃଦ୍ଧି ତଥା ସମୃଦ୍ଧତା ପ୍ରତି ତୁମର ଦୃଢ ପ୍ରତିବଦ୍ଧତାକୁ ପ୍ରତିଫଳିତ କରିଛି। ତାଙ୍କର ଦୃଷ୍ଟିକୋଣ ଏବଂ ଶିଳ୍ପ ପ୍ରତି ଅବିସ୍ମରଣୀୟ ଉତ୍ସାହ, ମୁଁ ମଧ୍ୟ ଫିଲ୍ମ ଇଣ୍ଡଷ୍ଟ୍ରିର ସଶକ୍ତିକରଣରେ ଅମୂଲ୍ୟ ସମର୍ଥନ ପାଇଁ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀଙ୍କୁ ଅଶେଷ ଧନ୍ୟବାଦ ଜଣାଉଛି ।''
- ତେଲେଙ୍ଗାନାରେ ଯାଚିକା ଦାୟର
ଏହି ମୂଲ୍ୟ ବୃଦ୍ଧିକୁ ଆନ୍ଧ୍ରପ୍ରଦେଶରେ ବହୁ ପ୍ରଶଂସା କରାଯାଇଛି, କିନ୍ତୁ ପଡୋଶୀ ତେଲେଙ୍ଗାନାରେ ମଧ୍ୟ କିଛି ବିବାଦ ସୃଷ୍ଟି ହୋଇଛି। ତେଲେଙ୍ଗାନାରେ ସରକାର ମଧ୍ୟ ସମାନ ଟିକେଟ୍ ମୂଲ୍ୟ ବୃଦ୍ଧିକୁ ଅନୁମୋଦନ କରିଛନ୍ତି, ଯେଉଁଥିରେ ପ୍ରିମିୟର ସୋ’ର ଟିକେଟ୍ ମୂଲ୍ୟ 1,200 ଟଙ୍କା ହେବ। ତେବେ ପରବର୍ତ୍ତୀ ସୋ ପାଇଁ ଟିକେଟ୍ ମୂଲ୍ୟ ସିଙ୍ଗଲ୍ ସ୍କ୍ରିନ୍ ପାଇଁ 354 ଟଙ୍କା ଏବଂ ମଲ୍ଟିପ୍ଲେକ୍ସ ପାଇଁ 531 ଟଙ୍କା ସ୍ଥିର କରାଯାଇଛି। ଏହି ନିଷ୍ପତ୍ତି ଜନସାଧାରଣଙ୍କ ମଧ୍ୟରେ ବିତର୍କ ସୃଷ୍ଟି କରିଛି ଏବଂ ମୂଲ୍ୟ ବୃଦ୍ଧିକୁ ଚ୍ୟାଲେଞ୍ଜ କରି ତେଲେଙ୍ଗାନା ହାଇକୋର୍ଟରେ ଏକ ପିଟିସନ ଦାଖଲ କରାଯାଇଛି। ଫିଲ୍ମ ରିଲିଜ ହେବାର ଗୋଟିଏ ଦିନ ପୂର୍ବରୁ ଡିସେମ୍ବର 3 ରେ ଆଜି ଏହି ପିଟିସନର ଶୁଣାଣି ହେବ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ଆଡଭାନ୍ସ ବୁକିଂ; 48ଘଣ୍ଟାରେ ବିକ୍ରି ହେଲାଣି ଏତିକି ଟିକେଟ୍, ଛାପିଲାଣି କୋଟି କୋଟି ନୋଟ୍
'ପୁଷ୍ପା ୨' ଫିଲ୍ମ ବିଷୟରେ କହିବାକୁ ଗଲେ, ସୁକୁମାରନଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
