ଓଡ଼ିଶାରେ 'ପୁଷ୍ପା 2' କ୍ରେଜ; ଭୁବନେଶ୍ୱରରେ ହାଉସଫୁଲ୍ ଶୋ', ପଇସା ଭସୁଲ କହିଲେ ଦର୍ଶକ

ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା 2' ନେଇ ଓଡ଼ିଶାରେ ବି କ୍ରେଜ ଦେଖିବାକୁ ମିଳିଛି । ପ୍ରଥମ ଦିନର ପ୍ରଥମ ଶୋ' ପାଇଁ ଥିଏଟରରେ ଜମିଛି ପ୍ରବଳ ଭିଡ଼ ।

ଭୁବନେଶ୍ୱର: ବିଶ୍ୱରେ ମୁକ୍ତିଲାଭ କରିଛି ଅଲ୍ଲୁ ଅର୍ଜୁନଙ୍କ ବହୁ ପ୍ରତିକ୍ଷୀତ ଫିଲ୍ମ 'ପୁଷ୍ପା ୨'। ଏହି କ୍ରମରେ ଓଡ଼ିଶାର ସବୁ ସିନେମା ହଲରେ ବି ରିଲିଜ ହୋଇଛି ସାଉଥ ସୁପରଷ୍ଟାରଙ୍କ ଫିଲ୍ମ 'ପୁଷ୍ପା ୨'। ସକାଳୁ ସକାଳୁ ସବୁ ହଲରେ ଦେଖିବାକୁ ମିଳିଛି ଦର୍ଶକଙ୍କ ଖଚାଖଚ ଭିଡ଼ । ସବୁଠି ହାଉସଫୁଲ ଶୋ' ଆଉ ଦର୍ଶକଙ୍କ ଉତ୍ସାହ ଦେଖିବାକୁ ମିଳିଛି । ସେହିପରି ଭୁବନେଶ୍ୱରରେ ମଧ୍ୟ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି । ମହାରାଜା ହଲରେ ପୁଷ୍ପା ଦେଖିବାକୁ ପ୍ରବଳ ଭିଡ଼ ରହିଥିବା ବେଳେ ସିନେମାକୁ ବେଶ ପସନ୍ଦ କରିଛନ୍ତି ଦର୍ଶକ । ପ୍ରଥମ ଦିନର ପ୍ରଥମ ଶୋ' ଦେଖି ଫିଦା ହୋଇଛନ୍ତି ଫ୍ୟାନ୍ସ ।

'ପଇସା ଭସୁଲ' ମୁଭି କହିଲେ ଦର୍ଶକ

ଓଡ଼ିଶାରେ ଭିନ୍ନ ରିଲିଜ ହୋଇଥିବା ବେଳେ ବିଭିନ୍ନ ଜିଲ୍ଲାରୁ ଲୋକେ ଭୋର ସକାଳୁ ଆସି ଫିଲ୍ମ ଦେଖିଛନ୍ତି । 'ପୁଷ୍ପା 2' ଦେଖି ଲୋକେ ବିମୋହିତ ହୋଇଥିବା ବେଳେ ଫିଲ୍ମକୁ ବ୍ଲକବ୍ଲଷ୍ଟର ଟ୍ୟାଗ ଦେଇଛନ୍ତି । ଅନେକ ଫ୍ୟାନ ଫିଲ୍ମକୁ ରେଟିଂ 10-10 ଦେଇଛନ୍ତି । ପ୍ରତିକ୍ରିୟା ଦେଇ ଜଣେ ଫ୍ୟାନ୍ କହିଛନ୍ତି, ଫିଲ୍ମରେ ରୋମାନ୍ସ, ପାରିବାରିକ ଡ୍ରାମା ଏବଂ କାହାଣୀ ଦମଦାର ରହିଛି । ଫିଲ୍ମ ସବୁ ରେକର୍ଡ ଭାଙ୍ଗିବ ବୋଲି ମୁଁ ଆଶା କରୁଛି । ସେହିପରି ଆଉ ଜଣେ କହିଛନ୍ତି, ମୁଁ ଫିଲ୍ମକୁ 10-10 ରେଟିଂ ଦେବି । ପୁଷ୍ପାରାଜ କେବେ ନଇଁବ ନାହିଁ । ଅନେକ ଜଣେ ଫିଲ୍ମକୁ ପ୍ରଂଶସାରେ ପୋତିବା ସହ 'ପଇସା ଭସୁଲ' ବୋଲି କହିଛନ୍ତି ।

ଏହା ମଧ୍ୟ ପଢନ୍ତୁ: ଫ୍ୟାନ୍ ମୃତ୍ୟୁ ଘଟଣା; ସହାୟତା ଦେବେ କହିଲେ ଅଲ୍ଲୁ ଅର୍ଜୁନଙ୍କ ଟିମ୍

pushpa 2 craze in odisha (ETV Bharat Odisha)

ରବିବାର ଯାଏଁ ହାଉସଫୁଲ୍ ଶୋ'

ସେପଟେ ହଲ୍ ମ୍ୟାନେଜର ଲିଙ୍ଗରାଜ ପଣ୍ଡା ପ୍ରତିକ୍ରିୟା ଦେଇ କହିଛନ୍ତି, 'ପୁଷ୍ପା 2' ନେଇ ଲୋକଙ୍କ ମଧ୍ୟରେ ଭିନ୍ନ କ୍ରେଜ ରହିଛି । ଆସନ୍ତା ରବିବାର ହଲ୍ ହାଉସଫୁଲ ଶୋ' ରହିଛି । ଆଜି ପ୍ରଥମ ଦିନର ଶୋ ମଧ୍ୟ ହାଉସଫୁଲ ରହିଥିଲା । ପ୍ରବଳ ମାତ୍ରାରେ ଲୋକଙ୍କ ଭିଡ଼ ଦେଖିବାକୁ ମିଳିଛି । ଫିଲ୍ମ କ୍ରେଜ ଦେଖି କହିପାରିବି ଯେ ବ୍ୟବସାୟ ଦୃଷ୍ଟିରୁ ଫିଲ୍ମ ବମ୍ପର କଲେକ୍ସନ କରିବ ।

ଏହା ମଧ୍ୟ ପଢନ୍ତୁ: 'ପୁଷ୍ପା 2' ବ୍ଲକବ୍ଲଷ୍ଟର ନା ଫ୍ଲପ୍, ଆସିଲା ରିଭ୍ୟୁ

pushpa 2 craze in odisha (ETV Bharat Odisha)

'ପୁଷ୍ପା ୨'ର ଟିକେଟ୍ ମୂଲ୍ୟ

ଦେଶର ମୋଟ ପ୍ରେକ୍ଷାଳୟର 80% ରେ 'ପୁଷ୍ପା 2' ରିଲିଜ୍ ହେଉଛି । ପ୍ରେକ୍ଷାଳୟ ଏବଂ ଶୋ ’ଦୃଷ୍ଟିରୁ ଏହା ସବୁଠୁ ବଡ ରିଲିଜ । ଟିକେଟ୍ ମୂଲ୍ୟ ମଧ୍ୟ ବୃଦ୍ଧି କରାଯାଇଛି, ଯାହା ଫିଲ୍ମର କଲେକ୍ସନ ଉପରେ ସିଧାସଳଖ ପ୍ରଭାବ ପକାଇଛି । ଦିଲ୍ଲୀ-ଏନସିଆର ଏବଂ ମୁମ୍ବାଇ ପରି ବଡ ସର୍କିଟରେ ଟିକେଟ୍ ମୂଲ୍ୟ 150 ରୁ 2500 ଟଙ୍କା (ଗୋଲ୍ଡ କ୍ଲାସ୍), ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ମଧ୍ୟ ସରକାରଙ୍କ ଅନୁମୋଦନ କ୍ରମେ ଟିକେଟ୍ ମୂଲ୍ୟ 1800 ଟଙ୍କା ପର୍ଯ୍ୟନ୍ତ ରଖାଯାଇଛି । ତେବେ ଫିଲ୍ମ ପ୍ରଥମ ଦିନରେ 200 କୋଟିରୁ ଅଧିକ କଲେକ୍ସନ କରି ରେକର୍ଡ କରିବ ବୋଲି ଆଶା କରାଯାଉଛି ।

The BIGGEST INDIAN FILM off to a sensational start ❤‍🔥

WILDFIRE BLOCKBUSTER #Pushpa2TheRule gets terrific ratings from top Hindi critics and media houses 💥💥💥

RULING IN CINEMAS

Book your tickets now!
🎟️ https://t.co/tHogUVEOs1#Pushpa2#WildFirePushpa

Icon Star… pic.twitter.com/s2qBbeGUDg

— Mythri Movie Makers (@MythriOfficial) December 5, 2024

ଇଟିଭି ଭାରତ, ଭୁବନେଶ୍ୱର