ଆମୀର ଖାନଙ୍କ ଫେକ୍ ପଲିଟିକାଲ୍ ଭିଡିଓ ଭାଇରାଲ, ମାମଲା ରୁଜୁ କଲେ ଅଭିନେତା - Aamir Khan Fake Political Video

Aamir Khan Fake Political Video: ଆମୀର ଖାନ ଫେକ୍ ପଲିଟିକାଲ୍ ଭିଡିଓ ନେଇ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଅଭିନେତା ଏନେଇ ମାମଲା ରୁଜୁ କରିବା ସହ ଏକ ବିବୃତ୍ତି ଜାରି କରି ଏପରି କରିଥିବା ଲୋକ ଉପରେ ବର୍ଷିଛନ୍ତି ।

ହାଇଦ୍ରାବାଦ: ଲୋକସଭା ନିର୍ବାଚନ 2024 ପାଇଁ କେବଳ କିଛି ଦିନ ବାକି ଅଛି । ଯାହାକୁ ନେଇ ଏବେ ସାରା ଦେଶରେ ରାଜନୈତିକ ମାହୋଲ ସରଗରମ ହେବା ସହ ସମସ୍ତ ଦଳ ନିଜର ଜୋରଦାର ପ୍ରସ୍ତୁତି ଚଳାଇଛନ୍ତି । ଏଥିସହ ବିଭିନ୍ନ ଦଳର ବିଭିନ୍ନ ତାରକା ସମର୍ଥନ କରି ନିର୍ବାଚନୀ ପ୍ରଚାର କରିବାକୁ ପ୍ରସ୍ତୁତି ଆରମ୍ଭ କରିଛନ୍ତି । ଏଭଳି ପରିସ୍ଥିତିରେ ଅଭିନେତା ଆମୀର ଖାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ଆମୀର ଖାନ ଏକ ନିର୍ଦ୍ଦିଷ୍ଟ ପାର୍ଟିକୁ ପ୍ରୋତ୍ସାହିତ କରୁଥିବା ନଜର ଆସିଛନ୍ତି । ଯାହାକୁ ବର୍ତ୍ତମାନ ଅଭିନେତା ନକଲି ବୋଲି କହିବା ସହ ଏହା ବିରୁଦ୍ଧରେ ମାମଲା ରୁଜୁ କରିଛନ୍ତି ।

• भारत का हर नागरिक लखपति है
  क्योंकि सबके पास काम से कम 15 लाख तो होने ही चाहिए ..
  क्या कहा
  आपके अकाउंट में 15 लाख नहीं है..
  तो आपके 15 लाख गए कहां ???
  तो ऐसे जुमलेबाजों से रहे सावधान
  नहीं तो होगा तुम्हारा नुकसान
  🇮🇳🇮🇳🇮🇳देशहित में जारी🇮🇳🇮🇳🇮🇳 pic.twitter.com/hJkEFEL5vG

  — Mini Nagrare (@MiniforIYC) April 14, 2024

ଏକ ବିବୃତ୍ତି ଜାରି କରି ଆମୀର ଖାନଙ୍କ ଟିମ ଲେଖିଛନ୍ତି, 'ଆମେ ଏହା ସ୍ପଷ୍ଟ କରିବାକୁ ଚାହୁଁଛୁ ଯେ ଆମୀର ଖାନ ତାଙ୍କ ୩୫ ବର୍ଷର କ୍ୟାରିଅରରେ କୌଣସି ରାଜନୈକ ଦଳକୁ ସମର୍ଥନ କରିନାହାଁନ୍ତି । 'ନିକଟରେ ଆମେ ଏକ ଭିଡିଓ ଭାଇରାଲ କରୁଥିବାର ଦେଖିଥିଲୁ ଯେଉଁଥିରେ କୁହାଯାଇଥିଲା ଯେ ଆମୀର ଏକ ନିର୍ଦ୍ଦିଷ୍ଟ ପାର୍ଟିକୁ ପ୍ରୋତ୍ସାହିତ କରୁଛନ୍ତି । ତେଣୁ ଆମୀର କହିବାକୁ ଚାହାଁନ୍ତି ଯେ ଏହି ଭିଡିଓଟି ନକଲି ଏବଂ ସଂପୂର୍ଣ୍ଣ ଭୁଲ ଅଟେ । ସେ ସମ୍ପୃକ୍ତ ଅଧିକାରୀଙ୍କୁ ଏ ସମ୍ପର୍କରେ ଜଣାଇଛନ୍ତି । ଏଥିରେ ମୁମ୍ବାଇ ପୋଲିସର ସାଇବର କ୍ରାଇମ ସେଲରେ ମାମଲା ମଧ୍ୟ ରୁଜୁ କରାଯାଇଛି।

ଏଥିରେ ଆହୁରି ମଧ୍ୟ ଲେଖାଅଛି, ଗତ ଅନେକ ନିର୍ବାଚନରେ ​​ଆମୀର ନିର୍ବାଚନ ଆୟୋଗର ଜନସଚେତନତା ଅଭିଯାନ ମାଧ୍ୟମରେ ଜନସଚେତନତା ବୃଦ୍ଧି କରିବାକୁ ଚେଷ୍ଟା କରିଛନ୍ତି । ହେଲେ କୌଣସି ନିର୍ଦ୍ଦିଷ୍ଟ ଦଳକୁ ସେ କେବେ ପ୍ରୋତ୍ସାହିତ କରିନାହାନ୍ତି । ସମସ୍ତଙ୍କର ଇଚ୍ଛା ମୁତାବକ ନିଜସ୍ୱ ଭୋଟ ଦେବାର ଅଧିକାର ଅଛି । ଏଣୁ ସମସ୍ତଙ୍କୁ ଭୋଟ୍ ଦେବାକୁ ଏବଂ ନିର୍ବାଚନର ଏକ ଅଂଶ ହେବାକୁ ଆମୀର ଖାନ ଅନୁରୋଧ କରିଛନ୍ତି । ସୂଚନା ଥାଉ କି, ପ୍ରାୟ ୩୧ ସେକେଣ୍ଡର ଏହି ଭାଇରାଲ୍ ଭିଡିଓରେ ଆମୀର ଖାନ୍ ଭାରତୀୟ ନାଗରିକଙ୍କୁ କୋଟିପତି ବୋଲି କହୁଛନ୍ତି । ଏହି ଭିଡିଓ ଶେଷରେ, ଏକ ରାଜନୈତିକ ଦଳର ଲୋଗୋ ଦେଖାଯାଏ ଏବଂ ଏହାକୁ ଭୋଟ୍ ଦେବାକୁ ମଧ୍ୟ କୁହାଯାଏ ।

ଏହା ମଧ୍ୟ ପଢନ୍ତୁ: କୌଣସି ଦଳରେ ମିଶିବେ ନାହିଁ, କି ନିର୍ବାଚନ ଲଢିବେ ନାହିଁ: ସ୍ପଷ୍ଟ କଲେ ସଞ୍ଜୟ ଦତ୍ତ

ଆମୀର ଖାନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ୨୦୨୨ରେ ଆମୀରଙ୍କୁ ଶେଷ ଥର ପାଇଁ ଫିଲ୍ମ 'ଲାଲ ସିଂ ଚଢା'ରେ ଦେଖିବାକୁ ମିଳିଥିଲା । ଏହି ଫିଲ୍ମ ବକ୍ସ ଅଫିସରେ ଫ୍ଲପ ହୋଇଥିଲା । ଯାହା ପରେ ଫିଲ୍ମି ଦୁନିଆରୁ ବ୍ରେକ ନେଇଥିଲେ ଆମୀର ଖାନ । ତେବେ ଦୀର୍ଘ ଦିନର ବ୍ୟବଧାନ ପରେ ବର୍ତ୍ତମାନ ଆମୀର ପୁଣି ପରଦାକୁ ଫେରିବାକୁ ଯାଉଛନ୍ତି । ଆମୀର ଫିଲ୍ମ 'ସୀତାରେ ଜମିନ ପର' ସହ ଧମାକା କରିବାକୁ ପ୍ରସ୍ତୁତ ଅଛନ୍ତି । ଏହି ଫିଲ୍ମ ଚଳିତ ବର୍ଷ ଖ୍ରୀଷ୍ଟମାସରେ ମୁକ୍ତିଲାଭ କରିବ ।