सचिन तेंडुलकर, सलमान खान, सोनाली कुलकर्णीसह 'या' दिग्गज सेलेब्रिटींनी केलं मतदान

मुंबई : महाराष्ट्र विधानसभा निवडणूक 2024 साठी मतदान पार पडलंय. अनेक मतदान केंद्रावर दिग्गज सेलेब्रिटी आपल्या मतदानाचा हक्क बजावताना दिसले. यामध्ये बॉलिवूड आयकॉन सलमान खानचे वडील सलीम खान हे मुंबईत मतदान करण्यासाठी बाहेर पडलेल्या प्रमुख व्यक्तींपैकी एक होते. शाहरूख खान, सलमान खान, आरबाज खान, रणबीर कपूर, शंकर महादेवन, सोनाली कुलकर्णी, सुबोध भावे, अक्षय कुमार, रकुल प्रीत सिंग, कार्तिक आर्यन, अनुपम खेर, रितेश देशमुख, जेनेलिया, फरहान अख्तर, जॅकी भगनानी यासारख्या सेलेब्रिटींनीही मतदान केलं. टीम इंडियाचा माजी खेळाडू आणि क्रिकेटचा देव मानल्या जाणाऱ्या सचिन तेंडुलकरनंही आपल्या कुटुंबासह मतदानाचा अधिकार बजावला. मतदान केल्यानंतर सचिन, अंजली आणि सारा यांनी शाई लावलेलं बोट दाखवलं. त्याचा व्हिडीओ देखील व्हायरल झाला. यावेळी सचिननं सर्वांना घराबाहेर पडून मतदान करण्याचं आवाहन केलं.