हैदराबाद : सोशल मीडिया प्लॅटफॉर्म Instagram लवकरच नवीन कृत्रिम बुद्धिमत्ता (AI) वैशिष्ट्य लॉंच करण्याची शक्यता आहे. हे नवीन फीचर वापरकर्त्यांना AI प्रोफाईल फोटो जनरेट करण्यास अनुमती देणार आहे. हे फीचर कसे काम करते हे अद्याप समोर आलेलं नाहीय, मात्र इंटरनेटवर त्याचं एक छायाचित्र व्हायरल होत आहे.
Instagram AI प्रोफाइल : मेटा कंपनी फेसबुकसह व्हॉट्सॲपसाठी समान वैशिष्ट्ये विकसित करत आहे. Instagram AI प्रोफाइल चित्र निर्मितीची एक झलक पहायला मिळालीय. थ्रेड्सवरील पोस्टमध्ये Instagram AI प्रोफाइल डेव्हलपर अलेस्सांद्रो पलुझी याची झलक शेअर केलीय. इंस्टाग्रामवर त्यांचे प्रोफाइल चित्र अपडेट करताना, त्यांना एक नवीन मेनू पर्याय दिसला ज्यावर लिहिलं होतं, एआय प्रोफाइल चित्र तयार करा. यानंतर त्यांनी त्याचा स्क्रीनशॉट घेत तो थ्रेड्सवर शेअर केलाय.
AI तंत्रज्ञानाची मदत : हे वैशिष्ट्य नेमकं कसं कार्य करेल हे सांगणे कठिण आहे, कारण ते अद्याप विकसित केलं जात आहे. हे मेटा लामा लार्ज लँग्वेज मॉडेल्स (LLM) ला समर्थित असेल. हे वैशिष्ट्य दोन प्रकारे कार्य करू शकतं. हे वापरकर्त्यांना मजकूर-आधारित प्रॉम्प्ट वापरून सुरवातीपासून AI प्रतिमा तयार करण्यास किंवा विद्यमान प्रोफाइल चित्रांना AI वापरून भिन्न शैलींमध्ये रूपांतरित करण्यास अनुमती देऊ शकतं. इंस्टाग्रामवर येणारे हे पहिलं एआय फीचर नाहीय. कंपनीने DM संदेशांसाठी AI पुनर्लेखन वैशिष्ट्य देखील सादर केलं होत, जे दुसऱ्या वापरकर्त्याला पाठवले जाणारे संदेश पुन्हा लिहिण्यास आणि बदलण्याची परवानगी देतं. नुकतेच Meta नं सांगितलं की, Facebook आणि Instagram वर फसव्या जाहिराती शोधण्यासाठी AI तंत्रज्ञानाची मदत घेत आहेत.
हे वाचलंत का :
