पूजा खेडकर यांना यूपीएससीचा दणका : खोटं प्रमाणपत्र प्रकरणी दाखल केला खटला, बजावली कारणं दाखवा नोटीस - UPSC Issue Notice To Pooja Khedkar

UPSC Issue Notice To Pooja Khedkar : खोटे प्रमाणपत्र दाखल करुन लोकसेवा आयोगाची परीक्षा दिल्याप्रकरणी केंद्रीय लोकसेवा आयोगानं वादग्रस्त परिविक्षाधिन आयएएस अधिकारी पूजा खेडकर यांना कारणं दाखवा नोटीस बजावील आहे.

पुणे UPSC Issue Notice To Pooja Khedkar : वादग्रस्त परिविक्षाधिन आयएएस अधिकारी पूजा खेडकर यांना केंद्रीय लोकसेवा आयोगानं (UPSC) मोठा दणका दिला आहे. लोकसेवा आयोगानं पूजा खेडकर यांच्याविरोदात खटला दाखल केला आहे. आयोगानं पूजा खेडकर यांना कारणं दाखवा नोटीस बजावली आहे. लोकसेवा आयोगानं वादग्रस्त आयएएस अधिकारी पूजा खेडकर यांना नोटीस बजावल्यानं त्यांच्या अडचणी प्रचंड वाढल्या आहेत.

लोकसेवा आयोगानं दिलेलं पत्र (Reporter)

उमेदवारी रद्द करण्यासाठी कारणं दाखवा नोटीस : केंद्रीय लोकसेवा आयोगाने (UPSC) नागरी सेवा परीक्षा-2022 च्या तात्पुरत्या शिफारस केलेल्या उमेदवार पूजा मनोरमा दिलीप खेडकर यांच्या गैरवर्तनाचा तपशीलवार आणि सखोल तपास केला आहे. या तपासणीतून असं उघड झालं आहे की त्यांनी परीक्षा नियमांनुसार परवानगी असलेल्या मर्यादेच्या पलीकडं त्यांचं नाव, वडिलांचं आणि आईचं नाव, फोटो आणि स्वाक्षरी, त्यांचा ईमेल आयडी, मोबाईल नंबर आणि पत्ता बदलून त्यांची खोटी ओळख देऊन फसवणूक केली. त्यामुळे, UPSC नं, पोलीस अधिकाऱ्यांकडं फर्स्ट इन्फॉर्मेशन रिपोर्ट (FIR) दाखल करून फौजदारी खटल्यासह त्यांच्याविरुद्ध कारवाई सुरू केली. त्यांची सिव्हिलची उमेदवारी रद्द करण्यासाठी कारणं दाखवा नोटीस (SCN) जारी केली आहे. सेवा परीक्षा-2022 नागरी सेवा परीक्षा-2022 च्या नियमांनुसार भविष्यातील परीक्षा निवड यापासून बंदी घालण्याचं प्रस्तावित करण्यात येत आहे.

नियमांचे काटेकोर पालन करून घेतली परीक्षा : केंद्रीय लोकसेवा आयोगानं पूजा खेडकर यांना पाठवलेल्या नोटीसमध्ये स्पष्टपणानं आपली बाजू मांडली आहे. लोकसेवा आयोगानं घेतलेल्या परीक्षेत नियमांचं काटेकोरपणानं पालन करण्यात येते. आयोग कोणत्याही प्रकारची तडजोड करत नाही. त्यामुळे लोकसेवा आयोगानं अत्यंत पारदर्शकपणे ही प्रक्रिया पार पाडली आहे.

काय आहे पूजा खेडकर प्रकरण : वादग्रस्त परिविक्षाधिन आयएएस अधिकारी पूजा खेडकर यांनी पुण्यात असताना आपल्या खासगी ऑडी कारवर अंबर दिवा लावल्यानं हे प्रकरण प्रकाशझोतात आलं. त्यानंतर त्यांनी वरिष्ठ अधिकाऱ्याची केबिन बळकावल्यानं पुण्याचे जिल्हाधिकाऱ्यांनी या प्रकरणी वरिष्ठांकडं तक्रार दाखल केली. त्यानंतर या प्रकरणाला वाचा फुटली.

हेही वाचा :