पुणे Manorama Khedkar : बडतर्फ आयएएस अधिकारी पूजा खेडकर यांच्या आई मनोरमा खेडकर यांनी दोन वर्षाच्या पूर्वी मुळशी तालुक्यातील शेतकऱ्याला पिस्तूल दाखवल्याप्रकरणी मनोरमा खेडकर यांना न्यायालयाने 14 दिवसांची न्यायालयीन कोठडी सुनावली होती. आत्ता या प्रकरणी आयएएस अधिकारी पूजा खेडकर यांच्या आई मनोरमा खेडकर यांना न्यायालयाचा दिलासा मिळाला. मनोरमा खेडकर यांचा जामीन न्यायालयानं मंजूर केला आहे.
मुळशी तालुक्यातील शेतकऱ्याला पिस्तूल दाखवून धमकावल्याप्रकरणी मनोरमा खेडकर यांच्यावर गुन्हा दाखल करण्यात आला होता. त्यानंतर पुणे पोलिसांनी मनोरमा खेडकर यांना महाडमधील लॉजमधून अटक केली होती. त्यानंतर न्यायालयाने मनोरमा खेडकर यांना 14 दिवसांची न्यायालयीन कोठडी सुनावली होती. आज झालेल्या सुनावणीत न्यायालयाने मनोरमा खेडकर यांचा जामीन अर्ज मंजूर केला आहे. या प्रकरणात सह आरोपी असलेले पूजा खेडकरचे वडील दिलीप खेडकर यांनी अटकपूर्व जामीनसाठी अर्ज केला होता. त्यांना यापूर्वीच जामीन मिळाला आहे. मनोरमा खेडकर यांना न्यायालयानं 14 दिवसांची न्यायालयीन कोठडी सुनावली होती. तेव्हा न्यायालयीन कोठडी मिळताच मनोरामा खेडकर यांनी लगेच जामीन अर्ज दाखल केला. मात्र, त्यांचा जामीन अर्ज न्यायालयानं फेटाळला होता.
नेमकं प्रकरण काय? : पूजा खेडकर यांचे वडील दिलीप खेडकर यांनी अनेक ठिकाणी जमीनी विकत घेतल्या आहेत. गेल्या वर्षी 5 जून 2023 रोजी मुळशी तालुक्यातील धडवली येथील सर्व्हे नं.12/1 मध्ये शेजारच्या शेतकऱ्याच्या जमिनीवर देखील अतिक्रमण करण्याचा प्रयत्न खेडकर कुटुंबियांकडून करण्यात आला. त्यावेळी पूजा खेडकर यांच्या आई मनोरमा खेडकर बाऊन्सर घेऊन तिथं पोहचल्या. त्यांनी हातात पिस्तूल घेऊन एका शेतकऱ्याला धमकावल्याचा एक व्हिडिओ समोर आला होता. या व्हायरल व्हिडिओ प्रकरणी पोलिसांनी माजी आयएएस अधिकारी पूजा खेडकर यांच्या आई मनोरमा खेडकर आणि वडील दिलीप खेडकर यांच्या विरोधात गुन्हा दाखल केला होता.
हेही वाचा
- पूजा खेडकर यांचा जामीन अर्ज फेटाळल्यानं अटक होण्याची शक्यता, आणखी कोण अडचणीत येणार? - Pooja Khedkar bail rejected
- पूजा खेडकरची उमेदवारी रद्द, विद्यार्थ्यांकडून कारवाईचं स्वागत - IAS Pooja Puja Khedkar
- आयएएस पूजा खेडकर प्रकरण, यूपीएससीने निर्णय घेऊन विश्वासार्हता वाढवली - अविनाश धर्माधिकारी - Avinash Dharmadhikari
