छत्रपती संभाजीनगर- छत्रपती संभाजीनगर येथील फुलंब्री परिसरात प्लास्टिकच्या दुकानाला भीषण आग लागली. या आगीच्या दुर्घटनेत तीन जणांचा मृत्यू झाला. ही आग रविवारी पहाटे १ वाजण्याच्या सुमारास लागली. प्लॅस्टिकच्या दुकानाला शॉर्टसर्किटमुळे आग लागल्याचा अंदाज वर्तविण्यात येत आहे.
मिळालेल्या माहितीनुसार, फुलंब्री येथील दुकानात अचानक शॉर्ट सर्किट होऊन आग लागली. आगीमुळे दुकान उघडण्यासाठी आलेल्या तिघांचा जागीच मृत्यू झाला. शॉर्ट सर्किटमुळे आग लागण्याच्या घटना सतत घडतात. प्लास्टिकसारखे ज्वलनशील पदार्थ असल्यास आगीची तीव्रता आणखीन भडकते. आगीच्या दुर्घटनमुळे दुकाने आणि इतर व्यावसायिक आस्थापनांमधील सुरक्षेचा प्रश्न पुन्हा उपस्थित झाला. यात नितीन रमेश नागरे (वय 25), गजानन वाघ (वय 30), राजू सलीम पटेल (वय 25) सर्व राहणार फुलंब्री अशी मृतांची नावे आहेत. तर घटनेत शाहरुख सलीम पटेल आणि अजय सुभाष नागरे हे जखमी झाले आहेत. त्यांच्यावर घाटी रुग्णालयात उपचार सुरू आहेत.
- मिळालेल्या माहितीनुसार प्लास्टिक साहित्य विक्री करणाऱ्या दुकानाला रविवारी पहाटे शॉक सर्किटमुळे आग लागली. घटनेची माहिती झाल्यावर दुकान उघडताच तयार झालेल्या गॅसने तिघे फेकले गेले. होरपळून त्यांचा मृत्यू झाला.
नेमकी दुर्घटना कशी घडली?फुलंब्री तालुक्यातील दरी फाटा भागात राजू स्टील आणि प्लास्टिक नावाचे दुकान आहे. या दुकानात मोठ्या प्रमाण प्लास्टिक साहित्य भरलेले होते. रविवारी पहाटे रात्री एक वाजून 45 मिनिटांनी दुकानातील आतील भागात शॉक सर्किटमुळे आग लागली. दुकानात मोठ्या प्रमाणात गॅस तयार झाला. आग लागल्याची माहिती दुकान मालक आणि शेजारी असलेल्या दुकान मालकाला समजली. त्यांनी तातडीनं दुकानाकडे धाव घेतली. दुकानाचे शटर उघडताच आतमध्ये तयार झालेल्या गॅसने तीन लोकांना वेगाने बाहेर फेकले गेले. यात ते लोखंडी पार्टवर आदळले. तसेच आगीत होरपळून गेले.
पोलीस तपास सुरू घटनेतील मृत गजानन वाघ आणि जखमी शाहरुख पटेल हे दोघे चांगले मित्र होते. ते होमगार्डमध्ये आहेत. शाहरुख पटेल याचा मृत भाऊ राजू पटेल याचे दुकान आहे. हे आग विझविण्याकरीता घटनास्थळी गेले होते. फुलंब्री पोलिसांनी रात्री घटनास्थळी धाव घेऊन सर्वांना घाटी रुग्णालयात दाखल केले आहे. या घटनेचा तपास करत असल्याची माहिती पोलिसांनी दिली.
हेही वाचा-
