शिर्डी Chandrababu Naidu in Shirdi : तेलुगु देसम पक्षाचे अध्यक्ष तथा आंध्रप्रदेशचे माजी मुख्यमंत्री चंद्राबाबू नायडू यांनी आज महाराष्ट्र भेटीत शिर्डीतील साई बाबांच्या समाधीचं दर्शन घेतलं. आजच सकाळी त्यांनी कोल्हापूरच्या अंबाबाईचंही दर्शन घेतलं होतं.
चंद्राबाबू आल्याचं कळताच चाहत्यांची गर्दी : आज दुपारी चंद्राबाबू नायडू खास विमानानं कोल्हापूरहून शिर्डी विमानतळवर पोहोचले. तिथून त्यांचा ताफा थेट साईमंदिराच्या गेट नंबर दोनवर पोहचला. नायडू साई बाबंच्या दर्शनाला येणार असल्याचं समजताच आंध्र प्रदेशच्या साई भक्तांनी चंद्राबाबूंना पाहण्यासाठी गर्दी केली. चंद्राबाबू नायडू यांनी साईंच्या समाधी मंदिरात जात दर्शन घेतलं. तसंच सपत्नीक साईंची पाद्यपूजाही केली. यादरम्यान मंदिरातून साईदर्शन करुन बाहेर आलेल्या भाविकांना चंद्राबाबू आल्याचं कळताच चंद्राबाबूंच्या चाहत्यांनी आवाज त्यांना भेटण्यासाठी एकच गर्दी केली होती. साईमंदिरातून बाहेर निघताना चाहत्यांनी सीएम सीएम, नेक्स्ट सीएम तसंच सीबीएन अशा घोषणा दिल्या. यानंतर चाहत्यांचं प्रेम पाहून नायडूंनीही सर्वांना नमस्कार करत गाडीच्या दारात उभे राहात अभिवादन केलं.
मंदिर प्रशासनाकडून चंद्रबाबू नायडूंचा सत्कार : साई मंदिरात दर्शनानंतर साईबाबा संस्थानचे मुख्य कार्यकारी अधिकारी गोरक्ष गाडीलकर यांनी साई मूर्ती तसंच शॉल देवून चंद्राबाबू नायडूंचा सहपत्नीक सत्कार केला.
“I am very happy to have blessings from God Saibabaji very great experience and I am totally charged to serve the people in a better manner always seeking his blessings.” - चंद्रबाबू नायडू
जनतेची सेवा करण्यासाठी मागितले आशीर्वाद : शिर्डीत येण्यापूर्वी नायडू यांनी करवीर निवासिनी आई अंबाबाईचं दर्शन घेतलं. हे मंदिर साडेतीन शक्तीपीठांपैकी एक असून देशातील प्रार्थना स्थळांपैकी एक महत्त्वाचं मंदिर आहे. आज करवीर निवासिनी आई अंबाबाई चरणी नतमस्तक झालो आणि देशातील जनतेची सेवा करण्यासाठी आशीर्वाद मागितले. नक्कीच मला विश्वास आहे, करवीर निवासिनी आई महालक्ष्मी आम्हा सर्वांना आशीर्वाद देईल, असा विश्वास यावेळी माजी मुख्यमंत्री चंद्राबाबू नायडू यांनी व्यक्त केला. सकाळी साडे अकराच्या सुमारास हैदराबादहून विमानानं चंद्राबाबू नायडू हे कोल्हापुरात दाखल झाले. यानंतर त्यांनी अंबाबाईचं दर्शन घेतलं. यावेळी सुमारे अर्धातास नायडू कुटुंबांनी मंदिरात पूजा आणि आरती केली. त्यानंतर ते शिर्डीला रवाना झाले होते.
हेही वाचा :
