श्रीलंकेविरुद्ध कसोटी सामना सुरु असताना दक्षिण आफ्रिकेच्या खेळाडूंना अटक, क्रिकेट विश्वात खळबळ

दक्षिण आफ्रिकेसाठी 100 हून अधिक बळी घेणारा माजी डावखुरा वेगवान गोलंदाज लोनवाबो त्सोत्सोबेसह तीन खेळाडूंना दक्षिण आफ्रिकेच्या सरकारनं अटक केली आहे.

डरबन Cricketers Arrested for Corruption : सध्या डरबनमध्ये दक्षिण आफ्रिका आणि श्रीलंका क्रिकेट संघ यांच्यातील कसोटी मालिकेतील पहिला सामना खेळला जात आहे. या सामन्यात यजमान दक्षिण आफ्रिका मजबूत स्थितीत असून विजयापासून अवघ्या 5 विकेट दूर आहे. एकीकडे दक्षिण आफ्रिकेच्या क्रिकेटसाठी ही मोठी, चांगली आणि अभिमानाची बातमी आहे, त्याचवेळी एक लाजिरवाणी बातमीही समोर आली आहे. दक्षिण आफ्रिकेसाठी जवळपास 100 आंतरराष्ट्रीय सामने खेळलेल्या माजी अनुभवी खेळाडूला मॅच फिक्सिंगच्या आरोपाखाली अटक करण्यात आली आहे. दक्षिण आफ्रिकेच्या गुन्हेगारी तपास विभागानं शुक्रवारी 29 नोव्हेंबर रोजी माजी वेगवान गोलंदाज लोनवाहो त्सोत्सोबेला अटक केली. सोत्सोबेशिवाय आणखी दोन माजी खेळाडूंनाही अटक करण्यात आली आहे.

[MATCH-FIXING] Hawks’ Serious Organised Crime arrested three (3) former South African cricket players, Ethy Mbhalati (43), Thamsanqa Tsolekile (44) and Lonwabo Lennox Tsotsobe (40), implicated in a match-fixing scheme during the 2015/2016 domestic T20 Ram Slam Challenge. pic.twitter.com/u6DigVl2MX

— South African Criminal Justice System (@RSA_CJS) November 29, 2024

क्रिकेट दक्षिण आफ्रिकेनं घातली होती बंदी : ईएसपीएन क्रिकइन्फोच्या अहवालानुसार, लोनवाबो त्सोत्सोबे, थामी त्सोलेकिले आणि इथी मभालती हे त्या सात क्रिकेटपटूंपैकी आहेत, ज्यांना क्रिकेट दक्षिण आफ्रिकेनं 2016 आणि 2017 मध्ये T20 टूर्नामेंट दरम्यान मॅच फिक्सिंगसाठी बंदी घातली होती. त्याची स्ट्रिंग 2015-16 रॅम स्लॅम चॅलेंज स्पर्धेशी जोडलेली आहे. 7 खेळाडूंपैकी गुलाम बोदी यापूर्वीच तुरुंगात गेला आहे. तर जीन सिम्स आणि पुमी मतशिक्वे यांना दोषी ठरवल्यानंतर निलंबित शिक्षा सुनावण्यात आली. ज्या तीन खेळाडूंना नुकतीच अटक करण्यात आली आहे. त्यांची सुनावणी फेब्रुवारी 2025 पर्यंत पुढं ढकलण्यात आली आहे. तर अल्विरो पीटरसनबद्दल कोणतीही माहिती नाही.

Lonwabo Tsotsobe, Thami Tsolekile and Ethy Mbhalati have been arrested and charged in relation to their involvement in match-fixing during the 2015-16 Ram Slam Challengehttps://t.co/Sk4IyykOKx

— ESPNcricinfo (@ESPNcricinfo) November 29, 2024

निवेदनात काय म्हटलं : डीपीसीआयचे राष्ट्रीय प्रमुख लेफ्टनंट जनरल गॉडफ्रे लेबेया यांनी एका निवेदनात म्हटलं आहे की, भ्रष्टाचारामुळं खेळाची अखंडता कमी होते आणि हॉक्स समाजाच्या सर्व क्षेत्रात निष्पक्षता आणि व्यावसायिकतेच्या मूल्यांसाठी वचनबद्ध आहेत. या संकटाचा सामना करण्यासाठी सहकार्य केल्याबद्दल आम्ही क्रिकेट दक्षिण आफ्रिकेचे आभार मानतो.

भारताविरुद्ध खेळला होता शेवटचा वनडे सामना : लोनवाबो त्सोत्सोबेनं दक्षिण आफ्रिकेसाठी आंतरराष्ट्रीय क्रिकेटमध्ये 100 हून अधिक बळी घेतले आहेत. त्यानं 2009 मध्ये आफ्रिकन संघाकडून वनडे क्रिकेटमध्ये पदार्पण केलं. यानंतर, 2013 मध्ये त्यानं भारताविरुद्ध शेवटचा वनडे सामना खेळला. लोनवाबोनं आफ्रिकेसाठी कसोटीत 9 विकेट्स, वनडे सामन्यात 94 बळी आणि आंतरराष्ट्रीय T20 सामन्यात एकूण 18 बळी घेतले आहेत.

🚨 Match Fixing Arrest 🚨
Former South African cricketers Lonwabo Tsotsobe, Thami Tsolekile, and Ethy Mbhalati have been arrested by the Directorate for Priority Crime Investigation. The arrests stem from their involvement in a match-fixing scandal during the 2015/16 T20 Ram Slam… pic.twitter.com/swPPlc4UpA

— Vipin Tiwari (@Vipintiwari952) November 29, 2024

सचिन-विराट आणि रोहितला केलं आउट : डावखुरा वेगवान गोलंदाज लोनवाबो त्सोत्सोबे यानं तिन्ही फॉरमॅटमध्ये दक्षिण आफ्रिकेचे प्रतिनिधित्व केले. वनडे क्रिकेटमध्ये त्याला सर्वाधिक यश मिळालं. त्सोत्सोबेनं 61 वनडे सामन्यात 94 विकेट घेतल्या होत्या. ज्यात त्यानं रोहित शर्मा, विराट कोहली, एमएस धोनी यांसारख्या दिग्गज भारतीय फलंदाजांना आपला बळी बनवलं. सचिन तेंडुलकर आणि राहुल द्रविडसारख्या मोठ्या नावांचा समावेश असलेल्या 5 कसोटी सामन्यांमध्ये त्याच्या खात्यात 9 विकेट्स होत्या. याशिवाय त्यानं 23 T20 सामन्यात 18 विकेट्स घेतल्या आहेत. सोत्सोबेनं डिसेंबर 2015 नंतर व्यावसायिक क्रिकेटमध्ये एकही सामना खेळला नाही.

हेही वाचा :