मनू भाकरचा नेमबाजीत अचूक 'निशाणा'; 10 मीटर एअर पिस्तूल महिलांच्या अंतिम फेरीत प्रवेश, देशाला मिळणार पहिलं पदक? - Paris Olympics 2024

Paris Olympics 2024 : भारताची अव्वल नेमबाज मनू भाकरनं चमकदार कामगिरी करत पॅरिस ऑलिम्पिक 2024 च्या महिलांच्या 10 मीटर एअर पिस्तूल वैयक्तिक स्पर्धेच्या अंतिम फेरीसाठी पात्र ठरली आहे.

पॅरिस Paris Olympics 2024 : भारताची दिग्गज नेमबाज मनू भाकरनं महिलांच्या 10 मीटर एअर पिस्तूल प्रकाराच्या अंतिम फेरीत प्रवेश केला आहे. तिचा अंतिम सामना उद्या भारतीय वेळेनुसार दुपारी 3:30 वाजता होणार आहे. तिला एकूण 580 गुण मिळाले. तिच्या या शानदार कामगिरीमुळं देशाला पॅरिस ऑलिम्पिकमध्ये पहिलं पदक मिळू शकतं.

🇮🇳Update: 10M AIR PISTOL WOMEN'S QUALIFICATION Results 👇🏼

- @realmanubhaker finished 3rd with a score of 580
- @SangwanRhythm finished 15th with a total score of 573

Manu Bhaker qualified for the finals, also shooting the highest number of Perfect Scores (27). pic.twitter.com/OyD3tqeOkQ

— SAI Media (@Media_SAI) July 27, 2024

अव्वल आठ नेमबाज अंतिम फेरीत : मनू भाकरनं 10 मीटर एअर पिस्तूलमध्ये अंतिम फेरी गाठली आहे. आपल्या खेळात सातत्य राखत तिनं नेमबाजी करताना तिसरं स्थान पटकावण्यात यश मिळवलं. यामध्ये अव्वल स्थानी राहिलेले आठ नेमबाज अंतिम फेरीसाठी पात्र होतात. मनूला अंतिम फेरीत स्थान मिळालं. मात्र, भारताची दुसरी नेमबाज रिदम सांगवानच्या पदरी निराशा पडली अन तिला 15व्या स्थानावर समाधान मानावं लागलं.

20 वर्षांनंतर वयक्तिक महिला नेमबाज अंतिम फेरीत : मागील 20 वर्षांमध्ये वयक्तिक स्पर्धेत ऑलिम्पिकमध्ये अंतिम फेरी गाठणारी मनू भाकर पहिली भारतीय महिला नेमबाज ठरली आहे. यापूर्वी भारताच्या सुमा शिरुरनं 2004 मध्ये 10 मीटर एअर रायफल स्पर्धेत मध्ये अथेन्स इथं झालेल्या स्पर्धेत अंतिम फेरी गाठली होती.

Fact Check: Manu Bhaker is now the 1st Indian female shooter to reach an Olympic Final in an individual event in the last 20 years!

The last time was Suma Shirur, who reached the Final of the 10m Air Rifle event in Athens 2004. https://t.co/qKzl0DS809

— India_AllSports (@India_AllSports) July 27, 2024

रिदम सांगवानच्या पदरी निराशा : महिलांच्या 10 मीटर एअर पिस्तूल स्पर्धेत रिदम सांगवान देखील सहभागी होती. परंतु, तिनं निराशा केली. रिदम 573 गुणांसह 15व्या स्थानावर राहिली. 22 वर्षीय मनू भाकर टोकियो ऑलिम्पिकमध्ये विशेष काही करु शकली नव्हती. ती 10 मीटर एअर पिस्तूल, 25 मीटर पिस्तूल आणि 10 मीटर पिस्तूल मिश्र संघ या तीन स्पर्धांमध्ये सहभागी आहे.

हेही वाचा :