पॅरिस (फ्रान्स) Paris Olympics 2024 : पॅरिस ऑलिम्पिक 2024 ला 27 जुलैपासून सुरुवात झाली. भारताला 10 मीटर एअर रायफल मिश्र संघाकडून पहिल्या दिवशी पदकाची अपेक्षा होती. मात्र ते भारताला पदक मिळवून देऊ शकलं नाही. तथापि, भारताची अव्वल नेमबाज मनू भाकरनं चमकदार कामगिरी करत 10 मीटर एअर पिस्तूल महिलांच्या वैयक्तिक स्पर्धेच्या अंतिम फेरीसाठी पात्र ठरली ही भारतासाठी आनंदाची बाब होती. पॅरिस ऑलिम्पिकमध्ये कोणत्या देशानं पहिलं पदक जिंकलं ते जाणून घ्या.
The first medal of @paris2024 has been awarded. It’s a bronze for Kazakhstan! 🥉
— The Olympic Games (@Olympics) July 27, 2024
Third place in shooting 10m air rifle mixed team! The nation's first Olympic medal in shooting since Atlanta 1996.@olympic_kz | @issf_official | #ShootingSport#Paris2024 | #Samsung |… pic.twitter.com/bdKFaSDmNk
पॅरिस ऑलिम्पिकमध्ये कझाकिस्ताननं जिंकलं पहिलं पदक : कझाकस्ताननं 2024 च्या पॅरिस ऑलिम्पिकमध्ये कांस्यपदकाच्या रुपात पहिलं पदक जिंकलं. 10 मीटर एअर रायफल मिश्र सांघिक स्पर्धेत कझाकिस्ताननं जर्मनीचा 17-5 असा पराभव करत कांस्यपदक जिंकलं.
An incredible moment for the People’s Republic of China as they take the first #gold medal of the Olympic Games #Paris2024! 🥇🇨🇳
— The Olympic Games (@Olympics) July 27, 2024
Outstanding performance in shooting 10m air rifle mixed team! That’s back-to-back golds in this event for the People's Republic of China.… pic.twitter.com/hIG9odFgtc
चीननं जिंकलं पहिलं सुवर्णपदक : पॅरिस ऑलिम्पिक स्पर्धेतील पहिलं सुवर्णपदक चीननं पटकावलं. चीनच्या मिश्रित नेमबाजी जोडी हुआंग युटिंग आणि शेंग लिहाओ यांनी 10 मीटर एअर रायफल मिश्र सांघिक स्पर्धेच्या अंतिम फेरीत दक्षिण कोरियाच्या किम जिह्योन आणि पार्क हाजून या जोडीचा 16-12 असा पराभव करत शानदार सुरुवात केली.
दक्षिण कोरियाला पहिलं रौप्यपदक : दक्षिण कोरियानं पॅरिस ऑलिम्पिक 2024 चं पहिले रौप्यपदक जिंकलं आहे. कोरियाच्या 10 मीटर एअर रायफल मिश्र संघानं अंतिम फेरीत दुसरं स्थान मिळवून कोरियाला रौप्य पदकाच्या रुपात पॅरिसचं पहिलं पदक मिळवून दिलं.
The first #silver medal of #Paris2024 goes to Republic of Korea! 🥈🇰🇷
— The Olympic Games (@Olympics) July 27, 2024
They claim the second spot in shooting 10m air rifle mixed team.@issf_official | #ShootingSport#Paris2024 | #Samsung | #TogetherForTomorrow pic.twitter.com/PigTlhH7Fx
भारताच्या नेमबाजांकडून निराशा : पॅरिस ऑलिम्पिक 2024 मध्ये पहिल्या दिवशी भारतीय नेमबाजांकडून पदकांची अपेक्षा होती, पण त्यांनी निराशा केली. 10 मीटर एअर रायफल मिश्र सांघिक स्पर्धेत दोन्ही भारतीय जोडी अंतिम फेरीसाठी पात्र ठरु शकल्या नाहीत. इलावेनिल वालारिवन आणि संदीप सिंग 12 व्या स्थानावर राहिले तर रमिता जिंदाल आणि अर्जुन बबुता यांनी सहावा क्रमांक पटकावला. रमिता-अर्जुननं एकूण 628.7 गुण मिळवले. तर इलावेनिल-संदीप यांना 626.3 गुण मिळाले.
हेही वाचा :
