विराट कोहलीच्या बालेकिल्ल्यात स्मृती मंधानाचं 'राज'; सलग दुसरं शतक झळकावत रचला इतिहास - smriti mandhana

Smriti Mandhana : बंगळुरुत सुरू असलेल्या भारतीय महिला क्रिकेट संघ आणि दक्षिण आफ्रिका महिला क्रिकेट संघातील 3 सामन्यांच्या एकदिवसीय मालिकेतील दुसऱ्या सामन्यात स्मृती मंधानानं शतक झळकावलंय. यासह तिनं अनेक विक्रमांना गवसणी घातलीय.

बंगळुरु Smriti Mandhana : भारतीय महिला क्रिकेट संघ आणि दक्षिण आफ्रिका महिला क्रिकेट संघातील 3 सामन्यांच्या एकदिवसीय मालिकेतील दुसऱ्या सामन्यात स्मृती मंधानानं शतक झळकावलंय. यासह तिनं मालिकेतील सलग दुसरं शतक झळकावलं. या शतकासह तिनं अनुभवी मिताली राजसह 5 खेळाडूंची बरोबरी केली. ती, मिताली राजसह, भारतीय महिला क्रिकेटपटूनं सर्वाधिक शतकं झळकावणारी खेळाडू बनलीय. तिनं आज दक्षिण आफ्रिकेविरुद्ध दुसऱ्या एकदिवसीय सामन्यात 120 चेंडूत 136 धावांची खेळी केली. यात तिनं तब्बल 18 चौकार आणि 2 षटकार मारले आहेत.

सातवं एकदिवसीय शतक : स्मृतीचं हे सातवं एकदिवसीय शतक होतं. मिताली राजच्या नावावरही तेवढीच शतकं आहेत. महिलांच्या एकदिवसीय क्रिकेटमध्ये सर्वाधिक 15 शतकांचा विक्रम ऑस्ट्रेलियाच्या मेग लॅनिंगच्या नावावर आहे. तिच्याशिवाय न्यूझीलंडच्या सुझी बेट्सनं 13 शतकं झळकावली आहेत. या दोन खेळाडूंशिवाय कोणीही 10 पेक्षा जास्त शतकं झळकावलेली नाहीत. स्मृती ही फक्त 27 वर्षांची आहे. अशा परिस्थितीत ती सर्वाधिक शतकं करण्याचा विक्रमही आपल्या नावावर करू शकते.