मुंबई - Shatrughan Sinha Digital Debut: ज्येष्ठ अभिनेता शत्रुघ्न सिन्हा त्याच्या डिजिटल प्लॅटफॉर्मवर 'गँग्स ऑफ गाझियाबाद' या आगामी वेब सीरिजमधून पदार्पण करणार आहेत. या वेब सीरीजमध्ये त्यांची कडक स्टाईल प्रेक्षकांना पाहायला मिळणार आहे. शत्रुघ्न सिन्हा शेवटी 'यमला पगला दीवाना: फिर से'मध्ये दिसले होते. आता डिजिटलवर दिसणार असल्यानं त्याचे चाहते खूप खूश आहेत. सोशल मीडियावर अनेकजण 'गँग्स ऑफ गाझियाबाद'च्या व्हायरल झालेल्या पोस्टवर प्रतिक्रिया देताना दिसत आहेत. शत्रुघ्न सिन्हा या वेब सीरीजमध्ये आपल्या अनोख्या अंदाजामध्ये दिसणार आहे.
'गँग्स ऑफ गाझियाबाद' पहिली झलक : शत्रुघ्न सिन्हा यांनी 7 मार्च रोजी 'गँग्स ऑफ गाझियाबाद' ची पहिली झलक शेअर करत पोस्टमध्ये लिहिलं, ''दिग्दर्शक नागेंद्र चौधरी, प्रतिभावान आणि मेहनती अभिनेते प्रदीप नागर, जतीन सरना, आशुतोष राणा, अभिमन्यू सिंग, मुकेश तिवारी, प्रतिभावान, होनहार माहिरा शर्मा आणि सर्व कलाकारांच्या समर्पण अनुभवाबरोबर काम करणं, हा एक संस्मरणीय अनुभव होता.'' याशिवाय त्यांनी पुढं लिहिलं, ''गाझियाबादच्या ओटीटी गँग्सवरील माझ्या पहिल्यावेब सीरीजचा फर्स्ट लूक शेअर करत आहे. ही वेब सीरीज विनय कुमार आणि प्रदीप नागर निर्मित आणि नागेंद्र चौधरी दिग्दर्शित आहे. या वेब सीरीजमध्ये 90 च्या दशकातील किरकोळ अंडरवर्ल्डचा परतीचा प्रवास असणार आहे.''
