मुंबई - Janhvi Kapoor Climbs remple Stairs : अभिनेत्री जान्हवी कपूर हिला तिचा कथित बॉयफ्रेंड शिखर पहारिया या महिन्याच्या सुरुवातीला तिच्या वाढदिवसानिमित्त तिरुमला तिरुपती देवस्थानाला भेट देण्यासाठी मित्र ऑरीसह आला होता. ऑरीने या भेटीचा एक व्हिडिओ तपशीलवार माहिती आणि अनुभवासह शेअर केला आहे. व्हिडिओमध्ये, जान्हवी, शिखर आणि ऑरीने अनवाणी चालताना दिसले आहेत.
जान्हवीने तिची आई श्रीदेवीची तिरुपती मंदिराला भेट देण्याची परंपरा सुरू ठेवली आहे. ती भगवान तिरुपतीचे पवित्र दर्शन घेण्यासाठी ती वारंवार तिरुपती मंदिरात जाताना दिसते. ऑरीने जारी केलेल्या व्हिडिओत जान्हवी, शिखर आणि त्याच्या स्वतःच्या अनेक अनुभवाच्या गोष्टी आपल्याला पाहायला मिळतात. जान्हवीची ही साधारण तिरुपती मंदिराला पन्नासावी भेट असेल, तर शिखर पहारिया नऊ वेळा यापूर्वी मंदिरात दर्शनासाठी येऊन गेला आहे. ऑरीची मात्र ही पहिलीच भेट होती. चेन्नईतील जान्हवीच्या घरापासून त्यांनी प्रवास सुरू केला तिथ पासून या व्हिडिओमध्ये अनेक गोष्टी पाहायला मिळतात. यामध्ये जान्हीवी मंदिराच्या पायऱ्या अनवानी चढताना दिसते. तर ऑरी आणि शिखरही तिला फॉलो करतात. त्यांनी मध्ये थांबून घेतलेली विश्रांती, साजूक तुप असलेल्या दाक्षिणात्य भोजनावर सर्वांनी मारलेला ताव अशा अनेक गोष्टींचा व्हिडिओत समावेश आहे.
- " class="align-text-top noRightClick twitterSection" data="">
जान्हवी यामध्ये स्पष्ट करते, "भगवान के दर्शन का हक कमाना पडता है," त्यामुळेच तिला पायऱ्या चढण्यात मजा येते. दर्शनाच्या दिवशी अभिनेत्री जान्हवीने किरमिजी रंगाचा पारंपारिक दक्षिण भारतीय लेहेंगा चोली घातली होती. तर ऑरी आणि शिखरने पारंपारिक कपडे परिधान केले होते.
कामाच्या आघाडीवर, जान्हवी आगामी 'मिस्टर अँड मिसेस माही'मध्ये राजकुमार राव, ज्युनिअर एनटीआर स्टारर 'देवरा'मध्ये दिसणार आहे आणि राम चरणचे तात्पुरते शीर्षक 'आरसी 16' या चित्रपटातही ती काम करत आहे.
हेही वाचा -
- राणी मुखर्जीनं तिच्या 46व्या वाढदिवसानिमित्त पापाराझीबरोबर कापला केक, व्हिडिओ व्हायरल - Rani Mukreji 46th birthday
- हृतिक रोशन आणि दीपिका पदुकोण स्टारर 'फायटर' ओटीटीवर प्रदर्शित - Fighter OTT Release
- Stri and Singham : 'स्त्री'चा दुसरा आणि 'सिंघम'चा तिसरा भाग प्रेक्षकांच्या भेटीला! - Stri and Singham sequel
