मुंबई - व्हॅलेंटाईनच्या या आठवड्यात ओटीटी स्ट्रीमिंग प्लॅटफॉर्मवर अनेक उत्तम चित्रपट आणि मालिका प्रदर्शित होणार आहेत. तुम्ही हलक्याफुलकी रोमँटिक कॉमेडी पाहण्याच्या मूडमध्ये असाल किंवा एखादा धडाकेबाज अॅक्शन ड्रामा पाहायचा असे, तर तुमच्या आवडी निवडीसाटी या आठवड्यात अनेक पर्याय उपलब्ध आहेत. यावेळी नेटफ्लिक्स, जिओसिनेमा, प्राइम व्हिडिओ, सोनीलिव्ह आणि इतर ओटीटी प्लॅटफॉर्म तुमच्यासाठी अनेक पर्याय घेऊन आले आहेत.
धूम धाम (हिंदी) - (नेटफ्लिक्स)
यामी गौतम आणि प्रतीक गांधी यांच्या भूमिका असलेला 'धूम धाम' हा एक अॅक्शन थ्रिलर चित्रपट आहे. अनेक धक्कादायक वळणं असलेली ही कथा रंजक आहे. यात एका नवविवाहित जोडप्याच्या लग्नाची रात्र एका दुःस्वप्नात बदलते. त्या रात्री काही हल्लेखोर त्या जोडप्याचा पाठलाग करतात आणि त्यांना अनेक गुपितं उघड करण्यास भाग पाडलं जाते. ऋषभ सेठ दिग्दर्शित हा चित्रपट रोमान्स, कॉमेडी आणि धमाकेदार अ‍ॅक्शनचा पूर्ण पॅकेज आहे आणि म्हणूनच व्हॅलेंटाईन डेसाठी हा एक परिपूर्ण पर्याय आहे.
मार्को (मल्याळम) - (सोनी लिव्ह)
मार्को हा एक मनोरंजक निओ-नॉयर अॅक्शन थ्रिलर चित्रपट आहे ज्यामध्ये मार्को ज्युनियरची कथा दाखवण्यात आली आहे. त्याचा अंध भाऊ व्हिक्टरची निर्घृण हत्या झाल्यानंतर मार्को ज्युनियर बदला घेण्यासाठी बाहेर पडतो. त्याच्या मृत्यूपूर्वी, व्हिक्टरनं त्याच्यावर हल्ला करणाऱ्या रसेल आयझॅकला ओळखलेले असते. मार्को अंडरवर्ल्डमध्ये खोलवर जातो आणि फसवणूक आणि भ्रष्टाचार उघड करतो. हनीफ अदेनी दिग्दर्शित या थ्रिलर चित्रपटात दमदार अॅक्शन सीक्वेन्स आणि सिनेमॅटोग्राफी आहे.
कधलिक्का नेरमिल्लई (तमिळ) - (नेटफ्लिक्स)
ही रोमँटिक कॉमेडी असलेली कथा चेन्नईची आर्किटेक्ट असलेल्या श्रेयाभोवती फिरते. ती आयव्हीएफ तंत्रानं सिंगल मदर बनते. श्रेयाचा हा निर्णय तिच्या रूढीवादी कुटुंबाशी असलेल्या तिच्या नातेसंबंधात तणाव निर्माण करतो. पण एका फर्टिलिटी क्लिनिकमधील एका चुकीमुळे तिचा स्ट्रक्चरल इंजिनिअर सिडशी संपर्क येतो. जेव्हा ते खूप वर्षांनी भेटतात तेव्हा अनेक जुन्या आठवणी ताज्या होतात. या चित्रपटाचं दिग्दर्शन किरुथिगा उदयनिधी यांनी केले आहे.
सब्सर्विएन्स (इंग्रजी) - (लायन्सगेट प्ले)
या सायन्स फिक्शन थ्रिलरमध्ये, मेगन फॉक्स एका एआय-चालित गायनॉइडची भूमिका साकारत आहे. जी एका पुरुषाच्या पत्नीच्या हृदय प्रत्यारोपणावर उपचार घेत असलेल्या मदतीसाठी नियुक्त केली जातेपरंतु, जेव्हा गायनॉइडला तिच्या कुटुंबाचं वेड लागतं तेव्हा परिस्थिती धोकादायक वळण घेते. हा चित्रपट तंत्रज्ञान, भयपट आणि मानसिक ताण यांचे मिश्रण असणारा आहे.
मेलो चित्रपट (कोरियन) - (नेटफ्लिक्स)
चोई वू-शिक आणि पार्क बो-यंग अभिनीत एक रोमँटिक ड्रामा असलेला हा मेलू चित्रपट एका प्रतिभावान दिग्दर्शकाची भावनिक प्रेमकथा आहे. तो एका सर्जनशील महिलेच्या प्रेमात पडतो पण त्यांची प्रेमकथा लवकर संपुष्ठात येते. पण नशीब त्यांना खूप काळानंतर पुन्हा एकत्र आणतं. त्यांना प्रेमात दुसरी संधी मिळेल का? व्हॅलेंटाईन वीकमध्ये पाहण्यासाठी हा सुंदर रोमँटिक चित्रपट एक परफेक्ट पर्याय असू शकतो.
