मुंबई : सलमान खानचा धमाकेदार शो 'बिग बॉस 18' लोकांच्या पसंतीस उतरत आहे. या शोमध्ये अनेक वेगवेगळ्या गोष्टी प्रेक्षकांना पाहायला मिळत आहे. या शोमधील काही स्पर्धक प्रेक्षकांचं खूप मनोरंजन करताना दिसत आहेत. 'बिग बॉस 18' सुरू झाल्यापासून स्पर्धक गुणरत्न सदावर्ते हे सतत चर्चेत आहे. घरात राहून ते अशा गोष्टी बोलतात, ज्याला पाहून सलमान खान देखील हसू आवरू शकत नाही. मात्र आश्चर्याची बाब म्हणजे, दुसऱ्या आठवड्याच्या सुरुवातीला गुणरत्न सदावर्ते यांना घराबाहेरचा रस्ता दाखवण्यात आला आहे.
🚨 BREAKING! Gunratan Sadavarte has been taken out of the house for his case. He might join the show later. #BiggBoss18
— #BiggBoss_Tak👁 (@BiggBoss_Tak) October 14, 2024
'बिग बॉस 18'मधून गुणरत्न सदावर्ते बाहेर : गुणरत्न सदावर्ते यांना 'बिग बॉस 18'मधून अचानक बाहेर पडावं लागलं. आता त्यांच्या बाहेर पडण्याचं कारण त्यांची वादग्रस्त विधानं नसून मुंबई उच्च न्यायालयात प्रलंबित असलेली जुनी केस आहेत. सदावर्ते यांच्याशी संबंधित ही माहिती 'बिग बॉस 18'च्या फॅनपेज 'बिग बॉस तक'नं दिली आहे. सदावर्ते यांच्याबद्दल, 'एक्स' अकाउंटवर लिहिलं आहे की, 'गुणरत्न सदावर्ते यांना त्यांच्या केसमुळे बाहेर काढण्यात आले आहे. परंतु ते नंतर शोचा भाग बनू शकतात.' एका रिपोर्टनुसार, गुणरत्न सदावर्ते यांनी मुंबई उच्च न्यायालयात मराठा आरक्षणाविरोधात अपील केलं होती. याप्रकरणी ते 'बिग बॉस'च्या घराबाहेर आले आहेत. मराठा आरक्षण केसमुळे सदावर्ते हे काही दिवसांपासून खूप चर्चेत होते.
न्यायालयानं केली नाराजी व्यक्त : 'बिग बॉस 18'मध्ये असल्यानं या खटल्याच्या सुनावणीवेळी गुणरत्न सदावर्ते हे न्यायालयात उपस्थित नव्हते. यानंतर न्यायालयात उपस्थित असणाऱ्या काही वकीलांनी सदावर्ते यांच्याबाबत न्यायाधीशांना सांगितलं की, ते 'बिग बॉस 18'मध्ये आहेत. याप्रकरणी न्यायालयानं नाराजी व्यक्त करत या प्रकरणाची पुढील सुनावणी 19 नोव्हेंबरपर्यंत पुढे ढकलली आहे. आता गुणरत्न सदावर्ते हे बाहेर गेल्यामुळे काही प्रेक्षक नाराज असल्याचे दिसत आहेत. यापूर्वी 'बिग बॉस' निर्मात्यांनी एक प्रोमो रिलीज केला होता, यामध्ये सदावर्ते हे घरातील सदस्याबरोबर अभिनेत्री मल्लिका शेरावतबद्दल बोलताना दिसत होते. याशिवाय 'बिग बॉस 18'मध्ये मल्लिका ही पाहुणी म्हणून आली होती. यावेळी तिनं सलमान खानबरोबर खूप धमाल केली.
हेही वाचा :
