"खरंच चाकू मारला की...", सैफ अली खान हल्लाप्रकरणी नितेश राणेंनी व्यक्त केला संशय

अभिनेता सैफ अली खानवर झालेल्या चाकू हल्ल्यामुळे राज्यभर खळबळ उडाली. याप्रकरणी वेगवेगळ्या प्रतिक्रिया येत असतानाच आता मंत्री नितेश राणे यांनी या हल्ल्याबद्दल संशय व्यक्त केलाय.

पुणे : "अभिनेता सैफ अली खानवर (Saif Ali Khan Attack Case) खरंच हल्ला झाला, की तो अ‍ॅक्टिंग करतोय?", असा संशय भाजपा नेते तथा राज्याचे मत्स्य व्यवसाय आणि बंदरे मंत्री नितेश राणे (Nitesh Rane) यांनी व्यक्त केलाय. बुधवारी (22 जाने.) आळंदीतील हिंदू महोत्सव कार्यक्रमात बोलत असताना त्यांनी हे वक्तव्य केलंय.

नेमकं काय म्हणाले नितेश राणे? : यावेळी बोलत असताना नितेश राणे संशय व्यक्त करत म्हणाले की, "बांगलादेशी सैफ अली खानच्या घरात घुसले. अगोदर ते फक्त नाक्यावर उभे रहायचे. आता घरात घुसायला लागले आहेत. कदाचित ते सैफ अली खानला घेऊन जायला आले असतील. सैफ अली खान रुग्णालयातून बाहेर असा चालत आला. त्याला बघून मलाच संशय आला, याला खरंच कोणी चाकू मारला की, हा अ‍ॅक्टिंग करतोय. तो टुणटुण करत रुग्णालयाच्या बाहेर पडला.”

जितेंद्र आव्हाड आणि सुप्रिया सुळेंवर टीका : पुढं नाव न घेता त्यांनी राष्ट्रवादी कॉंग्रेस शरदचंद्र पवार पक्षाच्या खासदार सुप्रिया सुळे (Supriya Sule) आणि आमदार जितेंद्र आव्हाड (Jitendra Awhad) यांच्यावर टीका केली. "आपल्या आजूबाजूला काय चाललंय ते एकदा बघा. सैफ अली खान, नवाब मलिक (Nawab Malik), शाहरुख खानचा (Shah Rukh Khan) मुलगा यांच्याबाबत काही झालं तरंच बारामतीच्या ताईला पुळका येतो. मात्र, सुशांत सिंह राजपूतबद्दल मुंब्र्याचे जितुद्दिन आणि बारामतीच्या ताई काहीच म्हणत नाही," असा जोरदार हल्लाबोल मंत्री नितेश राणे यांनी यावेळी केला.

हेही वाचा -