कंगना रणौतच्या प्रतिक्रियेनंतर अन्नू कपूरनं माफी मागितली, जाणून घ्या प्रकरण... - annu kapoor apologized

Annu Kapoor and Kangana Ranaut : कंगना राणौतला कानशीलात मारल्याप्रकरणी अन्नू कपूरनं वादग्रस्त टिप्पणी केली होती. आता यानंतर त्यानं माफी मागितली आहे.

मुंबई - Annu Kapoor Kangana and Ranaut : 'हम दो हमारे बारह' चित्रपटाच्या प्रमोशनदरम्यान अन्नू कपूरनं एक कमेंट केली. या व्हिडिओमध्ये त्यांनी वादग्रस्त विधान केलं होतं. काही दिवसापूर्वी कंगना राणौतला सीआयएसएफ (CISF) महिला कर्मचाऱ्यांनी कानशीलात मारली होती. याप्रकरणी कंगना राणौतनं आपली प्रतिकिया दिली होती. अन्नू कपूरनं कंगनाबरोबर झालेल्या प्रकरणी वादग्रस्त कमेंट केल्यानंतर हे प्रकरण चिघळलं होतं. यानंतर अन्नू कपूरनं या प्रतिक्रियेनंतर माफी मागितली आहे. त्यांनी थेट सोशल मीडिया अकाउंटवर एक पोस्ट शेअर केली आहे. या पोस्टमध्ये त्यांनी लिहिलं, "माझ्यासाठी प्रत्येक स्त्री आदरणीय आहे, म्हणूनच मी कधीही कोणत्याही महिलेचा अनादर करू शकत नाही."

अन्नू कपूर कपूरनं मागितली माफी : कंगना रणौतबरोबर झालेल्या याप्रकरणी कपूर यांनी ही माफी मागितली आहे. 'हमारे बारह' या चित्रपटासाठी पत्रकार परिषदेत अन्नू कपूरनं सुरुवातीला कंगना राणौतची ओळख नसल्यानं विधान केल्यानं हा वाद सुरू झाला होता. यावेळी त्यांनी म्हटलं होतं, "कोण आहे ही कंगना जी?' कृपया मला सांगा, ती कोण आहे ? साहजिकच तुम्ही विचारताय, म्हणजे कुणीतरी मोठी नायिका असावी?" नंतर पत्रकार परिषदेत अन्नू कपूर यांनी समाजातील यशस्वी महिलांबद्दलच्या धारणांवर भाष्य केलं होतं. कंगनानं अन्नू कपूरच्या पत्रकार परिषदेची एक क्लिप तिच्या इंस्टाग्राम स्टोरीजद्वारे शेअर केली होती.

कंगना रणौतनं शेअर केला व्हिडिओ : यानंतर तिनं या पोस्टवर लिहिलं होतं, "तुम्ही अन्नू कपूरजी यांच्याशी सहमत आहात का ? की आम्ही यशस्वी स्त्रीचा तिरस्कार करतो, ती सुंदर असेल तर तिचा अधिक तिरस्कार करतो. ती शक्तिशाली असेल तर तिचा अधिक तिरस्कार? हे खरे आहे का?" 6 जून रोजी कंगना राणौत राष्ट्रीय लोकशाही आघाडी (NDA) बैठकीसाठी दिल्लीला जाताना चंदीगड विमानतळावर दिसली. विमानतळावरील तपासणीदरम्यान सीआयएसएफच्या एका लेडी कॉन्स्टेबलनं तिला झापड मारली. आयपीसीच्या कलम 321 आणि 341 अंतर्गत या महिलेविरुद्ध एफआयआर नोंदवण्यात आला आहे. तरीही तिला अटक करण्यात आलेली नाही.

हेही वाचा :