चंदीगड Ram Rahim Came Out Of Jail : डेरा सच्चा सौदा प्रमुख गुरमीत राम रहीम याला 20 दिवसांचा पॅरोल मिळाला आहे. त्यामुळे राम रहीम हा सुनारिया कारागृहातून बाहेर आला आहे. गुरमीत राम रहीमला तब्बल 20 दिवसांचा पॅरोल मिळाल्यानं त्याच्या भक्तांनी मोठा जल्लोष केला आहे. कारागृहातून बाहेर आल्यानंतर राम रहीम थेट बरनावा आश्रमात धडकला. इथ त्याचं त्याच्या भक्तांनी मोठ्या जल्लोषात स्वागत केलं. आज सकाळी गुरमीत राम रहीमला कारागृहातून बाहेर काढण्यात आलं. राम रहीमला पॅरोल मिळाल्यानं कारागृह परिसराची सुरक्षा वाढवण्यात आली. कडेकोट पोलीस बंदोबस्तात राम रहीमला कारागृहातून बाहेर काढण्यात आलं.
राम रहीमला सशर्त 20 दिवसाचा पॅरोल : डेरा सच्चा सौदा प्रमुख राम रहीम याला तब्बल 20 दिवसाचा पॅरोल मंजूर करण्यात आला आहे. मात्र राम रहीम हा आगामी हरियाणा विधानसभा निवडणुकीत प्रभाव टाकू शकतो, असा आरोप काँग्रेसनं घेतला आहे. राम रहीमला सशर्त पॅरोल मंजूर करण्यात आला आहे. मात्र पॅरोल मिळाल्यानंतर राम रहीम हरियाणात राहणार नाही. राम रहीम हा सोशल मीडियावर सक्रिय राहणार नाही. राम रहीम यानं निवडणुकीच्या कोणत्याही कामांत सहभागी होऊ नये, आदी अटी घालून देण्यात आलेल्या आहेत. या अटींचं उल्लंघन केल्यास राम रहीम याचा पॅरोल त्वरित रद्द करण्यात येईल, अशी तंबीही त्याला देण्यात आली आहे.
राम रहीमला 20 दिवसाचा पॅरोल, काँग्रेसचा आक्षेप : डेरा सच्चा सौदा प्रमुख राम रहीम याला 20 दिवसाचा पॅरोल देण्यात आला आहे. मात्र आगामी काळात हरियाणामध्ये विधानसभा निवडणूक 2024 होणार आहे. या निवडणुकीत राम रहीम हा प्रभाव पाडण्याची शक्यता आहे. त्यामुळे राम रहीम याच्या पॅरोलवर काँग्रेसनं आक्षेप घेतला आहे. काँग्रेसनं निवडणूक आयोगाला पत्र लिहून यावेळी राम रहीमला पॅरोल देणं योग्य नसल्याचं स्पष्ट केलं आहे. राम रहीमला पॅरोल दिल्यानं विधानसभा निवडणूक मतदानावर परिणाम होण्याची शक्यता आहे, असं काँग्रेसनं स्पष्ट केलं. याआधी राम रहीम 21 दिवसांच्या फर्लोनंतर 4 सप्टेंबरला रोहतक तुरुंगात परतला होता. 2017 पासून त्याला 10 वेळा पॅरोल आणि फर्लो रजा मंजूर करण्यात आली आहे.
हेही वाचा :
- डेरा सच्चा सौदा प्रमुख गुरमीत राम रहीमला दिलासा ; रणजीत सिंह हत्या प्रकरणात उच्च न्यायालयाकडून दोषमुक्त - Ram Rahim Acquitted In Murder Case
- Gurmeet Ram Rahim Got Parole : बलात्कारी गुरमीत राम रहिमला 30 दिवसांचा पॅरोल, आज संध्याकाळी येणार बाहेर
- Ram Rahim Parole : राम रहीमला पुन्हा पॅरोल मंजूर, आज तुरुंगातून बाहेर येण्याची शक्यता
