പത്തനംതിട്ട: എട്ട് വയസുകാരിക്ക് നേരെ ലൈംഗീകാതിക്രമം നടത്തിയ യുവാവ് അറസ്‌റ്റില്‍. തടിയൂർ സ്വദേശി ലിജു തോമസ് എന്ന മുപ്പത്തൊന്നുകാരനാണ് അറസ്‌റ്റിലായത്.
കാഞ്ഞീറ്റുകരയിൽ വാടകയ്ക്ക് താമസിച്ച് വരുന്ന ലിജു തോമസ് ബുധനാഴ്‌ച്ച ഉച്ചക്ക് 12.30 യോടെ കടയിലേക്കെന്ന് പറഞ്ഞ് കുട്ടിയെ സ്‌കൂട്ടറിൽ കയറ്റി കൊണ്ടുപോവുകയും കാഞ്ഞീറ്റ്കരക്ക് സമീപമുള്ള കനാൽ പാലത്തിലെത്തിച്ച് ലൈംഗീക ചൂഷണം നടത്തുകയുമായിരുന്നു.
കുട്ടി വിവരം അറിയിച്ചതനുസരിച്ച് മാതാവ് കോയിപ്രം പൊലീസിൽ പരാതി നൽകി. തുടർന്ന് മാതാവിൻ്റെ സാന്നിധ്യത്തിൽ കുട്ടിയുടെ മൊഴി രേഖപ്പെടുത്തിയ ശേഷം കോയിപ്രം എസ്ഐ പി സുരേഷ് കേസ് രജിസ്‌റ്റർ ചെയ്‌തു. തുടർന്ന് കോഴഞ്ചേരി ജില്ലാ ആശുപത്രിയിൽ മെഡിക്കൽ പരിശോധനക്ക് ശേഷം തിരുവല്ല ജെഎഫ്എം കോടതി ഒന്നിൽ കുട്ടിയുടെ മൊഴി രേഖപ്പെടുത്തി.
കാഞ്ഞീറ്റുകരയിൽ നിന്നും കസ്‌റ്റഡിയിലെടുത്ത പ്രതിയെ ചോദ്യം ചെയ്‌തപ്പോൾ കുറ്റം സമ്മതിച്ചതിനെ തുടർന്ന് ഇന്ന് രാവിലെ അറസ്‌റ്റ് രേഖപ്പെടുത്തുകയും സ്‌കൂട്ടർ കസ്‌റ്റഡിയിലെടുക്കുകയും ചെയ്‌തു. വൈദ്യ പരിശോധനക്ക് ശേഷം കോടതിയിൽ ഹാജരാക്കിയ പ്രതിയെ റിമാൻ്റ് ചെയ്‌ത് ജയിലിലേക്കയച്ചു.
Also Read: കനത്ത മഴ: ഇരിങ്ങാലക്കുട ജനറല്‍ ആശുപത്രിയുടെ മതില്‍ ഇടിഞ്ഞുവീണു- വീഡിയോ
