കോഴിക്കോട്: വോട്ടർമാരോട് നന്ദി പറയാൻ വയനാട് ലോക്സഭ മണ്ഡലത്തിലെത്തി രാഹുൽ ഗാന്ധി. മലപ്പുറം ജില്ലയിലെ എടവണ്ണയിലാണ് രാഹുൽ ആദ്യം എത്തിയത്. റോഡ് ഷോ നടത്തിയ രാഹുൽ വോട്ടർമാരെ അഭിവാദ്യം ചെയ്തു. പ്രതിപക്ഷ നേതാവ് വിഡി സതീശൻ, രമേശ് ചെന്നിത്തല, യുഡിഎഫ് കൺവീനർ എംഎം ഹസ്സൻ തുടങ്ങിയ കോൺഗ്രസ് നേതാക്കള് രാഹുൽ ഗാന്ധിയെ സ്വീകരിച്ചു.
![RAHUL GANDHI WAYANAD CONSTITUENCY LOK SABHA ELECTION RESULT രാഹുൽ ഗാന്ധിയുടെ റോഡ് ഷോ](https://etvbharatimages.akamaized.net/etvbharat/prod-images/12-06-2024/21693013_rahul.jpg)
റോഡ് ഷോയിൽ കോൺഗ്രസ് ലീഗ് പതാകകൾ ഉയർത്തിയാണ് പ്രവർത്തകർ അണിനിരന്നത്. ഉച്ചക്ക് ശേഷം കൽപ്പറ്റയിലായിരിക്കും രാഹുൽ വോട്ടർമാരെ കാണുക. മണ്ഡലമൊഴിയുന്നതടക്കമുള്ള കാര്യത്തിൽ രാഹുൽ നയം വ്യക്തമാക്കുമോ എന്നതിലാണ് എല്ലാവരുടെയും ആകാംഷ. സിറ്റിങ് സീറ്റായ വയനാട് ഒഴിവാക്കി റായ്ബറേലി നിലനിർത്താനാണ് നിലവിലെ ധാരണ.