കോട്ടയം : കോട്ടയത്ത് കോരുത്തോട് പനക്കച്ചിറയിൽ വാഹനമിടിച്ച് വയോധിക മരിച്ച സംഭവത്തിൽ നിർത്താതെ പോയ കാർ അഞ്ച് മാസത്തിനു ശേഷം കണ്ടെത്തി. ഹൈദരാബാദിൽ നിന്നും മുണ്ടക്കയം പൊലീസാണ് എർട്ടിഗ കാർ കണ്ടെത്തിയത്. വാഹനം ഓടിച്ച ദിനേശ് റെഡിയെയും പൊലീസ് കസ്‌റ്റഡിയിലെടുത്തു.
കഴിഞ്ഞ ഡിസംബർ 15-നാണ് എൺപത്തിയെട്ടുകാരി തങ്കമ്മ ശബരിമല തീർഥാടകരുടെ വാഹനം ഇടിച്ച് മരിച്ചത്. നമ്പർ കേന്ദ്രീകരിച്ചുള്ള അന്വേഷണമാണ് വാഹനം പിടികൂടാൻ സഹായകരമായത്. കാറും ഡ്രൈവറെയും ഉടൻ കേരളത്തിലെത്തിക്കുമെന്നും, തുടർ നടപടികൾ സ്വീകരിക്കുമെന്നും പൊലീസ് അറിയിച്ചു.
