ചിന്നക്കട ഹെഡ് പോസ്റ്റാഫീസിലേക്ക് ഡിവൈഎഫ്ഐ നടത്തിയ പ്രതിഷേധ മാർച്ചിൽ സംഘർഷം (ETV Bharat)
കൊല്ലം : ഡിവൈഎഫ്ഐ ജില്ല കമ്മറ്റി കൊല്ലം ചിന്നക്കട ഹെഡ് പോസ്റ്റ് ഓഫീസിലേക്ക് നടത്തിയ മാർച്ചിൽ സംഘർഷം. നെറ്റ്- നീറ്റ് പരീക്ഷകളിലെ ക്രമക്കേട് കേന്ദ്ര സർക്കാർ വിദ്യാർഥികളോട് കാണിക്കുന്ന ചതിയാണെന്നും അവർ വിദ്യാർഥികളുടെ ഭാവി തുലയ്ക്കുകയാണെന്നും ആരോപിച്ചാണ് ഡിവൈഎഫ്ഐ കൊല്ലം ജില്ലാ കമ്മിറ്റിയുടെ നേതൃത്വത്തിൽ ചിന്നക്കട പോസ്റ്റ് ഓഫീസിലേക്ക് മാർച്ച് സംഘടിപ്പിച്ചത്.
കെഎസ്ആർടിസി ബസ്റ്റാന്‍റിന് സമീപത്തുനിന്നും ആരംഭിച്ച മാർച്ച് ഹെഡ് പോസ്റ്റ് ഓഫീസിന് മുന്നിൽ പൊലീസ് തടഞ്ഞു. തുടർന്ന് പൊലീസും പ്രവർത്തകരും തമ്മില്‍ ഉന്തും തള്ളുമുണ്ടായി. ഇതിനിടയിൽ ബാരിക്കേഡ് മറിക്കടക്കാൻ ശ്രമിച്ച പ്രവർത്തകരെ പൊലീസ് തടഞ്ഞെങ്കിലും ഹെഡ് പോസ്റ്റാഫീസിനുള്ളിലേക്ക് പ്രവേശിച്ചു.
