എറണാകുളം: മുതിര്‍ന്ന സിപിഎം നേതാവ് എംഎം ലോറൻസിന്‍റെ മൃതദേഹം ഒരാഴ്‌ച കൂടി കളമശ്ശേരി മെഡിക്കൽ കോളജ് മോർച്ചറിയിൽ സൂക്ഷിക്കണമെന്ന് ഹൈക്കോടതി. നേരത്തെയുള്ള ഇടക്കാല ഉത്തരവ് ഒരാഴ്‌ചത്തേക്ക് കൂടി നീട്ടി. ലോറന്‍സിന്‍റെ മൂത്ത മകൻ എം.എൽ സജീവനും മകൾ സുജാതയും എതിർ സത്യവാങ്മൂലം സമർപ്പിക്കാൻ സാവകാശം തേടിയിരുന്നു. ഇതോടെയാണ് മോർച്ചറിയിൽ സൂക്ഷിക്കണമെന്ന നേരത്തെയുള്ള ഇടക്കാല ഉത്തരവ് ഒരാഴ്‌ച കൂടി ഹൈക്കോടതി നീട്ടിയത്.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
മെഡിക്കൽ വിദ്യാഭ്യാസ ഡയറക്‌ടറുടെ നേതൃത്വത്തിൽ വീണ്ടുമൊരു ഹിയറിങ് നടത്താനുള്ള സാധ്യത കോടതി സർക്കാരിനോട് ആരാഞ്ഞിരുന്നു. കളമശ്ശേരി മെഡിക്കൽ കോളജ് പ്രിൻസിപ്പലിന്‍റെ നേതൃത്വത്തിൽ നടന്ന ഹിയറിങ് നിയമപരമല്ലെന്ന് ചൂണ്ടിക്കാട്ടിയാണ് മകള്‍ ആശ കോടതിയെ സമീപിച്ചത്.
മൃതദേഹം മെഡിക്കൽ കോളജിന് കൈമാറണമെന്ന് എംഎം ലോറൻസ് നിർദേശിച്ചിരുന്നതായി മകൻ സജീവ് നേരത്തെ അറിയിച്ചിരുന്നു. എന്നാൽ മറ്റൊരു മകളായ സുജാത ഇതിനുളള സമ്മതം മെഡിക്കൽ കോളജ് നടത്തിയ ഹിയറിങ്ങിൽ പിൻവലിച്ചെന്നാണ് ആശ കോടതിയെ അറിയിച്ചത്. സെപ്റ്റംബർ 21നാണ് സിപിഎമ്മിന്‍റെ മുതിർന്ന നേതാവ് എംഎം ലോറൻസ് കൊച്ചിയിൽ അന്തരിച്ചത്.
