തിരുവനന്തപുരം: കരമന അഖിൽ വധക്കേസിൽ മുഖ്യപ്രതികളിലൊരാൾ കൂടി പിടിയിൽ. വിനീത് രാജിനെയാണ് കരമന പൊലീസ് അറസ്റ്റ് ചെയ്‌തത്. തിരുവനന്തപുരം ചെങ്കൽച്ചൂളയിൽ നിന്നാണ് വിനീതിനെ പൊലീസ് കസ്റ്റഡിയിലെടുത്തത്. അഖിലിന്‍റെ ശരീരത്തിലേക്ക് ഭാരമുള്ള കല്ല് പലതവണയിട്ട് മാരകമായി പരിക്കേൽപ്പിച്ചത് വിനീത് ആണ്.
ഇതോടെ കേസിൽ ആകെ പിടിയിലായവരുടെ എണ്ണം ആറായി. മുഖ്യപ്രതികളിൽ ഒരാളായ അഖിൽ എന്ന അപ്പുവിനെ തമിഴ്‌നാട്ടിൽ നിന്ന് പൊലീസ് പിടികൂടിയിരുന്നു. പ്രതികളെ സഹായിച്ച കിരൺ, ഹരിലാൽ, കിരൺ കൃഷ്‌ണ എന്നിവരെ നേരത്തെ പൊലീസ് കസ്റ്റഡിയിൽ എടുത്തിരുന്നു. കൊലപാതകത്തിൽ നേരിട്ട് ഉൾപ്പെട്ട ഒരാൾ ഇപ്പോഴും ഒളിവിലാണ്.
